Skip to main content
144

Dette jobopslag er udløbet

Naatsorsueqqissaartarfik AC-fuldmægtiginik pissarsiorpoq

Naatsorsueqqissaartarfik pillugu 
Naatsorsueqqissaartarfik Kalaallit Nunaanni qitiusumik kisitsisitigut paasussitissiortarpoq. Politikerit aamma allaffissornikkut aalajangiinerni, kiisalu inuiaqatigiit pillugit ilisimatusarnerni sukumiisumik itisiliilluni misissuinerni, paasissutissat tunngavigineqartussat pitsaalluinnartut Naatsorsueqqissaartarfimmi suliassat pingaarngaarnersaraat.
 
Naatsorsueqqissaartarfik Aningaasaqarnermut Naalakkersuisoqarfiup ataaniippoq, taamaakkalu-artoq Naatsorsueqqissaartarfiup siulersuisui akisussaanerpaajupput. Naatsorsueqqissaartarfik Aningaasaqarnermut Inatsit tunngavigalugu aamma inuit kiisalu pisortat suliakkiinerminni akiliutigisartagaat atorlugit ingerlanneqarpoq.
 
Atorfik pillugu
Naatsorsueqqissaartarfimmi AC-fuldmægtigitut suliaqarfiit arlaqartut akisussaaffigissavatit. Suliassat soorpiarneri soqutigisat pikkoriffiillu aallaavigalugit inissinneqarsinnaapput.
 
Nittartakkatsinni www.stat.gl-imi saqqummersittakkavut assigiinngitsorpassuit takuneqarsinnaapput, tassani takuneqarsinnaavoq Naatsorsueqqissaartarfimmi suliarineqartartut assigiinngitsorujussuusut. Naatsorsueqqissaartarfik pillugu paasissutissat allat aamma tassani pissarsiarisinnaavatit.
 
Naatsorsuutigaarput

  • Suliassannut tulluartumik ingerlaqqiffiusumik ilinniagaqartuusutit
  • Itisiliillutit misissueqqissaarsinnaasutit, eqqarsaatigilluarlugu suliassanik inerniliisinnaasutit
  • Nammineerlutit suliassarsiorsinnaasutit aamma suliatta ajunngitsuunissaanik pisariaqartitsisartutit
  • Nammineerlutit sulisinnaasutit, taamaakkaluartoq allat suleqatigisinnaassagitit
  • Suliat nalunartut naatsumik paasinartumilli ingerlateqqissinnaagitit
  • Pingaartikkit suliavit pitsaasuunissaat

 
Uku atorfimmut iluaqutaasinnaapput

  • SAS-imik allamilluunniit programmeeriinermik misilittagaqarneq
  • Inuiaqatigiilerinermut ilisimatusarsimaneq, aningaasaqarneq pingaartinneralugu
  • Kalaallit inuiaqatigiit pillugit ilisimasaqarluarneq kalaallisullu oqalussinnaaneq allasinnaanerlu 

Uku neqeroorutigivagut
Suliffeqarfik ukuninnga inuttalik, naatsorsueqqissaarfiup pisortaa, allaffimmi pisortaq aamma sulisut 15-it. Naatsorsueqqissaartarfiup pisortaa ilinnut naalagaasaaq, kisianni naatsorsuutigineqarpoq illit nammineerlutit suliaqarfiit ineriartortillugulu akisussaaffigissagit. 
 
Suliffiup pitsaasuunissaa pingaartipparput pisariaqartillugulu ikioqatigiittarpugut. Suleqatigiinnut ilaalissaatit, suleqatigiit ataatsimoornermik pingaartitsisut akornanni.
 
Suliassavit nammineq ilusilersornissaanut periarfissaqarputit aamma suliassatit pisariusut tunngavigalugit suliannut tunngasunik ilinniaqqinnikkut ineriartornissannut periarfissaqassaatit.
  
Paasissutissat allat
Atorfik pillugu paasisaqarnerorusukkuit, naatsorsueqqissaartarfiup pisortaa Anders Blaabjerg uunga saaffigisinnaavat; oqar. 34 57 81, imaluunniit e-mail: abla@stat.gl
 
Qinnuteqarneq
Ulloq qinnuteqarfissaq kingulleq tassaavoq 11. marsi 2019. Atorfinititsinissamut oqaloqatiginninnerit sapaatip akunnera 11-mi pissasut naatsorsuutigineqarpoq.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk