Siumut pilersaarusiorneq aammalu aqutsinikkut aaliangiisarnerit suliaralugit aammalu aqutsisoqarfiit qanimut suleqatigalugit nuannaraagit? Nunanut allanut tunngasut ilisimasaqarfigilluarpigit suliffimmilu politikkikkut aqunneqartumi aqqutissiorneq pikkoriffigaajuk? Taamaappat, Naalakkersuisut Siulittaasuata Naalakkersuisoqarfiani qullersaqarfimmi allatsitut atorfimmik neqeroorfigisinnaavatsigit.
Qullersaqarfimmi allatsitut Naalakkersuisut Siulittaauata Naalakkersuisoqarfiani pisortaq suliaanik ikiorlugu ataqatigiissarinikkullu sullissavat.
Suliffeqarfittut naatsorsuutigaarput sulianut assigiinngiiaaqisunut aaqqiissutissanik siunnersuuteqarsinnaanikkut, siumoortumik aaqqiissutissanik nammineq aallartitsisinnaaneq aammalu ullut suliffiusut allanngoraqisut nalimmassarfigisinnaagitit. Tunaartaqarluartumik suleriaaseqarnikkut sulianillu ataqatigiissaarilluarnerlu aqqutigalugu  aqutsisoqarfimmi ullut ataatsimiinnernik sulianillu ullumik killiliussalinnik suliaqarfiusumi tamakkerlugu isiginninnermik pilersitseqataassaatit. Ataqatigiissaarinermik, suleriaasilersuinermik aammalu naammassisinnaanerlu ilinnit piginnaasaqarfigilluarnissaat  pisariaqarluinnassaaq suliavit iluatsilluartumik inissinnissaannut.
Siumuungaartumik pilersaarusiorsinnaaneq, sulianik nalilersuisinnaaneq aammalu avammut qaffasissumik pitsaassusilimmik nalunaaruteqaraneq aammalu suliffeqarfimmi inissisimaffiit aammalu soqutigisaqaqatigiit assigiinngiiaartuni sulineq piginnaaneqarfigissavat, ilaatigut Naalakkersuisoqarfinni aqutsisunik suleqatiginerannik imaqartumik.

Uagut neqeroorutigisinnaavarput
Inuttut piginnaasatigut aammalu sulianik piginnaasaqarnikkut tunniussisinnaanerit annertooq aammalu ineriartorsinnaanertigut periarfissaqartitaaneq neqeroorutigisinnaavarput, suliffeqarfimmit pissanganartuusumi suliffimmilu atugassarititaasutigut pingaartitsisumit. Suliassat assigiinngiiaarneri amerlaqaat ilinnullu suliassat assigiinngitsut sulinerni naammattuugassaassapput.

Siulittaasup Naalakkersuisoqarfiani qullersaqarfimmi allatsitut atorfik

• Qullersaqarfimmi allatsitut suliassatit assigiinngiiaaqisut ilagissavaat:
• Ataqatigiissaarineq aammalu Naalakkersuisoqarfinni pisortat ataatsimiinneranniit suliakkiissutit aaqqissuussat peqatigalugit, aqutsisoqarfillu suleqatigalugu ataatsimiinnissat pilersaarusiornissaat
• Naqitassanik suliaqarneq aammalu aaqqissuussaanerminnit siumoortumik pilersaarutit suliarineranni ilanngussinissaannik qulakkeerinninneq,
• Ataatsimiittuni peqataaneq, ataatsimiinnernilu oqaluuserisassanik, imaqarniliornernilu suliaqarneq aammalu aaliangikkanik timitalersuineq.
• Ulluinnarni suliassat sinaakkutaannik aaqqissuussineq aammalu suliassat tulleriiaarneranni aaqqissuussineq aaliangikkallu piffissarititaasup iluanni timitalersornissaat, ilaatigut naalakkersuisoqarfimmi pisortap sulinermini ullorsiutaanik pilersaarusiorneq
• Pikialaartitsinerit ataatsimiitsitsinerit aaqqissuunnissaallu ataqatigiissaarnissaallu
• Sulianik aqutsinermut tunngassuteqartunik suliaqarneq aqutsisoqarfimmilu suleqataaneq immersoqatigiinnermik imaqartoq
• Allaffissornikkut suliassat suliarineri, toqqorsivimmut immersuineq saaffiginnissutinillu utertigivinninneq

Piginnaasat

• Uagut naatsorsuutigaarput, illit misilittakkatigut suliffinnik uani atorfimmut assingusunik suliaqarsimassasutit, allaffissornikkut suliassat assigiinngitsut misilittagaqarfigalugit. Sulianik assiigiinngiiaartunik suliaqarsinnaavutit qaffasissumik ilinniagaqarlutit soqutigisaralugu suliffiit politikkikkut aqunneqartumik aaqqissuussaasut.
• Sulisinnaassuseqarputit suliat siumoortumik aaqqiivigineqarsinnaanerinik takunnissinnaasoq, namminersornikkut aaqqissuussaalluartumik sulisinnaasoq, suliassat angummassinnaanerinik pingaartitsisoq.
• Attaveqatigiinnikkut pikkoriffeqarlutit allatatigut oqaatsitigullu (kalaallisut, qallunaatut aammalu tuluttut)
• Sulianik nalilersuisinnaanermik aammalu pilersaarusiornikkut naammassisinnaanikkullu pikkoriffeqarlutit
• Ulluni allanngoraqisuni suliassat tulleriissaarnissaannik takunnissinnaavutit aallartitsisinnaallutillu
• Suleriaatsit tutsuviginartoq pigaat aaqqissuussaanermilu inissisimanerni assigiinngitsuni tamani sulisinnaavutit, suliffinnullu tunniusimasuuvutit suliat allanut ingerlateqqitassaanngitsitut ingerlateqqinnginnissaat pingaartitaraat
• Qaffasissumik ilinniakkamik naammassinnissimavutit

Inuttut piginnaasat
Inuttut aaqqissuussaasumik suleriaaseqarputit, qaffasissumik attaveqarnermik piginnaasaqarlutit suliallu immikkuullarissortaanik takunnissinnaasoq. Nammineq suliassanik aallussisinnaavutit, akisussaassuseqarneq aammalu eqqortumik naammassinissaanik pingaartitsisoq. Ilagiuminarputit aammalu aaqqiissutissanik ujartuillaqqissoq, suleqatigisanik nalilersueqatigiuminartoq. Suliassat assigiinngitsut ingerlassinnaavatit, allanngortoqaraluartoq ulapaarfiusumilu nalimmassarsinnaasoq. Suliassat ullut aaliangersimasoq naammassisimanissaannik piumaffiusumi allanngorartuartunilu naammassinnissinnaasoq.

Paasissutissat annertunerusut
Paasissutissanik annertunerusunik aallertoqarsinnaavoq Siulitaasup Naalakkersuisoqarfiata pisortaanut Hans-Peder Barlach Christensen tel. nr. +299345116, hape@nanoq.gl imaluunniit HRU Chef Jørgen Juel Jessen, tel. nr. +299345222, jjje@nanoq.gl saaffiginninnikkut.

Qinnuteqarnissaq
Qinnuteqarfissaq ulloq kingulleq oktoberip 6-t 2023
Atorfinitsitsinissamut oqaloqatiginninnerit ingerlaavartumik ingerlanneqassapput.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk