Skip to main content
153

Dette jobopslag er udløbet

Naalakkersuisut Siulittaasuata Naalakkersuisoqarfianut allaffimmi pisortaq

Naalakkersuisut Siulittaasuata Naalakkersuisoqarfiani kiffartuussinermut allaffimmi siuttoorusuppit? Allaffimmi pisortamik kiffartuusserusussusilimmik suliassannullu assigiinngitsunut akisussaaffimmik tiguserusuttumik sulisussarsiorpugut.
Kiffartuussinermut allaffik Naalakkersuisut Siulittaasuata Naalakkersuisoqarfiani aqutsisunut allattoqarfimmut ilaavoq. Allaffimi tassani Hans Egedep illuata ingerlanneqarneranut, nuutsisarfik aamma aatsisarfiup ingerlanneqarneranullu tunngasut allaffiornikkut suliassartaat isumagineqartarput.. Allaffissornermi qitiusumik suliassavit ilagai ullormut oqaluuserisassat imaqarniliat assartortarnerinut tunngatillugu Naalakkersuisut sinaakkusiussaat aallaavigalugit sullissineq.  Nuutsisarfiup pingaarndertut suliassaraa innuttaasut oqarasuaatikkut namminerlu takkunnikkut saaffiginnissutaasa pitsaasumik suliarineqartarnissaat.  Aatsisartoqarfik assigiinngitsorpassuarnik suliassaqartarpoq, soorlu VIP-nik angallassinerit, allakkisarneq Inatsisartunilu ataatsimiittoqartillugu paarsisuusarneq. 
Allaffimmi pisortatut allaffissornermi sulisunut pingasunut, Hans Egedeip illuani suleqataasumut (maanna inuttaqanngilaq) aammalu aatsisartoqarfimmi nuutsisarfimmilu immikkoortortami pisortaq - ataatsimut qulinnik sulisulik akisussaaffigissavatit: nuutsisarfimmi aatsisartoqarfimmi tamrmik immikkut sulisut tallimat
Kiffartuussinermut allaffimmi angorusutaq tassaavoq pitsaasumik kiffartuussinissaq innuttaasunillu Namminersorlutik Oqartussanilu sulisunut pitsaasumik atugassaqatitsisinnissaq.
Allaffimmi pisortatut suliassat makku pingaarnertut isumagisassaraatit:

  • Sulisunik aqutsineq aamma allaffiup ulluinnarni ingerlanneqarneranut akisussaaneq
  • Akisussaaffinni tamani suleriaatsinik ineriartortitsineq
  • Naalakkersuisoqarfimmi aningaasaqarnermik aqutsineq
  • Naalakkersuisut Siulittaasuata Naalakkersuisoqarfiani kiffartuussinerit aammalu Hans Egede-ip illuani qulakkiikkamik pitsaasumik ingerlatsisoqarnissaa
  • Suliffeqarfiup iluani avataanullu attaveqartarneq suleqateqarnerlu

Naatsorsuutigaarput:

  • pisariqartinneqartumikk ilinniagaqarsimassasutit imaluunniit suliffimmi assingusumik misilittagaqassasutit
  • aqutsisutut maligassiuillutillu akisussaaffimmik tigumminnissinnaassuseqassasutit, sulerusussuseqalersitsisinnaassasutit, attavigiuminartuussasutit angusaqarluarsinnaassasutillu
  • Suliassanik aaqqissuussillaqqittuussasutit
  • sullisserusussuseqartuussasasutit
  • suliassaqarfiit akimorlugit suleqatigiissitsilersinnaassuseqassasutit
  • merserinnittuunallu saaffikkuminartuussasutit
  • ineriartorneq aallullugu suliaqarusussasutit

aqutsisutut sulinermik misilittagaqaruit kalaallisullu allattariarsornikkut oqaluinnarnikkullu piginnaasaqaruit iluaqutaassaaq.
Atorfik suliassanik assigiinngitsunik unamminartorpassualik, inussiarnersumik suleqatigiiffiusoq aamma assigiinngitsunik suliassarpassualik akissussaaffeqatigiinnertalillu ilinnut neqeroorutigisinnaavarput.
Atorfik pillugu sukumiinerusumik paasisaqarusukkuit pisortaq Simigaq Broberg attavigisinnaavat, oqa: 345144 imaluunniit SBRO@nanoq.gl.
Atorfik 1. septembari 2022 imaluunniit isumaqatigiissuteqarnikkut inuttalerneqassaaq.
 

Akissarsiat atorfeqartitaanermilu atugassarititaasut:
Atorfik akissaateqarfimmi LR 36-mi maanna inissisimavoq.

1. april 2022 LR 36-mi akissarsiat imak isumaqagitiissutigineqarnikuupput qaamammut  Kr. 47.777 ukiumullu Kr. 573.321 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimi qaanngiuttornermusiaqarsinnaavoq ukiumoortumut akunneri 320 qaanngersimagaani, qaammatinullu pingasunut avillugit 80-t, taammaatoq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.


Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk