Skip to main content
130

Dette jobopslag er udløbet

Naalakkersuisut Siulittaasuata Naalakkersuisoqarfianut Attaveqatigiinnermi suleqataasoq

Ulloq sulilerfissaq 1. juni isumaqatigiissuteqarnikkulluunniit.

Naalakkersuisut Siulittaasuata Naalakkersuisoqarfia attaveqatigiinnermut suleqataasussamik pissarsiorpoq Namminersorlutik Oqartussat iluanni avataanullu attaveqaqatigiinnermik patajaallisaaqataasussamik ineriartortitseqataasussamillu.
Attaveqatigiinnermut immikkoortortami sulisut ilagilissavatit ilaatigut attaveqaqatigiiffiit assigiinngitsut imassaannik suliaqarnermut akisussaasuussallutit, tusagassiorfitsigut nalunaarusiornerit, Naalakkersuisut nittartagaat kiisalu internettikkut inuit naapittarfiinik suliaqarneq, illup iluani attaveqatigiinnermut pikkorissaanerit il.il.

Piginnaasat
Suliassaqarfimmi attuumassutilimmik ilinniarsimassaatit, tusagassiornermik attaveqatigiinnermilluunniit ilinniarsimasinnaallutit.  Attaveqatigiinneq pingaarnertut suliarisussaagakku piumasarineqarpoq pitsaasumik oqaaseqatigiiliorluarsinnaanissat, pingaartumik kalaallisut qallunaatullu allattariarsornermi.

Naatsorsuutigaarput:

  • Oqaatsitigut piginnaasaqarluartuunnissat pingaartumik kalaallisut oqaluttariarsornikkut allattariarsornikkullu
  • Inuit nittartakkakkut naapittarfii sungiusimalluarpatit
  • Nassaassarsiullaqqittuuvutit ingerlatitseqqiinerlu pikkoriffigalugu
  • Ulluinnarni ulapaarfiusuni assigiinngitsunik sammisaqarfiusuni suliassaqarfiusunilu sulisinnaassuseqartutit
  • Aaqqissuussaasumik suleriaaseqartutit suleqatiginnillaqqissuullutillu
  • Politikikkut aaqqissuussaallunilu aqunneqartumi misilittagaqarnissat suliaqarnissamulluunniit misilittagaqartutit misilittaarusuttutilluunniit

Neqeroorutigaavut:

  • Atorfik pissanganartoq attaveqarluarfiusorlu
  • Politikkikkut aalajangeeriaatsimut aammalu amerlanertigut politikkikkut ullormut suleriaatsimik inissiinissamut ingerlatseriaatsimut ilisimasaqarluarneq
  • Nunat tamalaat akornanni annertuumik soqutiginninneq suliassallu assigiinngiiaartut
  • Suleqatit suliaminnik aallussilluartut, suliaminut pimoorussisut.


Akissarsiat atorfinitsitaanermilu atugassarititaasut
Akissarsiat atorfeqartitaanermilu atugassarititaasut piffissami atorfiniffiusumi Kalaallit Nunaanni Naalakkersuisut kattuffiullu isumaqatiginninniarsinnaatitaasup akornanni isumaqatigiissutaasut naapertorlugit pissapput

Ineqarneq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnermini sulisunut inissiamik innersuussivigineqareersimaguni sulisunut inissiamik innersuussivigineqarsimanini attatiinnassavaa.

Atorfik pillugu saaffiginninneq
Atorfik pillugu annertunerusumik paasisaqarusukkuit Irene Jeppson oqarasuaatsikkut  34 50 00 imaluunniit e-mailikkut ijep@nanoq.gl. attavigiuk.

Qinnuteqaat CV-imik aamma soraarummeersimanermut uppernarsaatit assilinerinik ilanngussalik link ataaniittoq aqqutigalugu kingusinnerpaamik ulloq 23. maj 2022 nassiunneqassaaq.
 

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk