Skip to main content
100

Dette jobopslag er udløbet

Naalakkersuisut Siulittaasuata Naalakkersuisoqarfiani Nunamut Namminermut Immikkoortortaqarfik AC-fuldmægtigimik pissarsiorpoq

Kommunit misiliummik inatsisitigut immikkut pisinnaatitaalernissartik kissaatigaat. Kommunit aqunneqarnerannik nakkutiginninneq nutaamik aaqqissuunneqassaaq. Qinersisarnermut inatsiseq nutarterneqalerpoq paasissutissiisarnivullu nukittorsartussaavagut. Nunamut Namminermut Immikkoortortaqarfimmi pissanganartorpassuarnik suliassaqarpoq.
 
Kommunit aqunneqarnerinut pingaarnertut tunngasunik nakkutilliineq Nunamut Namminermut Immikkoortortaqarfiup pingaarnertut suliassaraa. Immikkoortortaqarfiup kommunit pisortanilu oqartussaasut allat qanittumik attaveqaatigai aammalu pisortat akimorlugit ataatsimiittarnernut peqataasarpoq suleqatigiissitanilu suleqataasarluni.
 
Silassorissumik allamik pisariaqartitsivugut, taamaattumillu AC-fuldmægtigimik tulluartumik ilinniagaqarsimasumik pissarsiorpugut. Sulisutut immikkoortortaqarfimmi sulisut allat suleqatigalugit Naalakkersuisorput kiffartuunneqassaaq. Kommunit nakkutigineqarnerannut kiisalu Nakkutilliisoqarfik, Qinersinermut Ataatsimiititaliaq, Qinigaasinnaatitaanermut Ataatsimiititaliaq, Naalakkersuinikkut Ataqatigiissaarisoqatigiit allallu allattoqarfittut sullissinermi suleqataassaatit. Tamatuma saniatigut allaffissornermi nalinginnaasuni kiisalu suliassat allat isumagineqarnerini suleqataassaatit.
 
Maanna immikkoortortaqarfimmi immikkoortortaqarfimmut pisortap saniatigut sulisut sisamaavugut.
 
Immikkoortortaqarfiup akisussaaffeqarfii ilaatigut tassaapput

  • Kommunit immikkoortuini tamani aqutsinermut tunngasuni inatsisit malinneqarnerinik nakkutilliineq.
  • Inatsisartunut, nunaqqatigiit siunnersuisoqatigiivinut il.il. qinersinerit ingerlanneqarneri.
  • Nakkutilliisoqarfimmut allattaaneq.
  • Qinersinermut Ataatsimiititaliamut aamma Qinigaasinnaatitaanermut Ataatsimiititaliamut allattaaneq.
  • Naalakkersuinikkut Ataqatigiissaarisoqatiginnut allattaaneq.
  • Pinngitsaaliissummik taarsiinertalimmik arsaarinnissuteqartarnermut Ataatsimiititaliamut allattaaneq.

Tamatuma saniatigut immikkoortortaqarfik ilaatigut inatsisinut ukununnga akisussaasuuvoq

  • Kommunit aqunneqarnerat.
  • Inatsisartunut qinersineq.
  • Kommunalbestyrelsinut, najukkani ataatsimiititalianut, nunaqarfinni aqutsisunut ilagiillu sinniisaannut qinersineq.
  • Nunaqqatigiit siunnersuisoqatigiivinut qinersineq.
  • Eqqartuussivikkoortitsisarneq taarsiissuteqarlunilu arsaarinnittarneq.

Neqeroorutigaavut

  • Suliffik naalakkersuinikkut aalajangiisarnermut qanittumiittoq.
  • Suliffik sulinermi persuarsiorfiunngitsunik atugassaqarfiusoq, suliakkiisartunut qanittumik inissisimasoq tunniussisimalluartunillu suleqateqarfiusoq.
  • Ulluinnarni suliffiit assigiinngisaannartut.
  • Suliffik suliassanut sunniuteqarfigisinnaasat.
  • Inuttut suliatigullu ineriartornissamut periarfissat.

Naatsorsuutigaarput

  • Tulluuttumik ilinniagartuutut ilinniarsimassasutit.
  • Kommunit silarsuaannik ilisimasaqassasutit.
  • Nunatsinni pissutsinik ilisimasaqassasutit.
  • Namminersorlutit suleqateqarlutillu sulisinnaaanissannut misilittagaqarsimassasutit..
  • Misissuillaqqissuussasutit aaqqissuussamillu pilersaarusiullaqqissuussasutit.
  • Oqaatsit arlallit atorlugit sulisinnaassasutit, tassanilu pingaartumik kalaallisut danskisullu oqaatsit salliutinneqarput.

Taakku saniatigut pingaartipparput

  • Naalakkersuinikkut aqunneqartumik aaqqissuussaasumik ilisimasaqassasutit tassanilu sulinissamut naleqqussarsinnaassasutit.
  • Allattariarsornikkut paasinarsaallaqqissuussasutit.
  • Suleqatitit peqatigalugit ulluinnarni sulinissannik pilersaarusiorsinnaassaasutit aaqqissuussisinnaassasutillu.
  • Ulapaarfiusumik avatangiiseqarlutit suliumassuseqassasutit tamatumunngalu peqatigitillugu ataatsikkut arlalinnik suliaqarsinnaassasutit.
  • Suleqatigiilluarnissaq anguniarnissaanut peqataarusussuseqartutit.
  • Angusaqarusussuseqarnissat, nassaarsiortuunissat ammasuunissallu uukkatariumasassagitit.

Immikkoortortaqarfik atorfillu paasissutissat sukumiisut immikkoortortaqarfimmi pisortaq Klaus Georg Hansen oqarasuaat. 34 51 11-mut, e-mail: kgh1@nanoq.gl, saaffigalugu pissarsiarineqarsinnaapput.
 
Qinnuteqarnissamut killissarititaq: 16. august 2019.
 
Piffissaq atorfiniffissaq: 1. september 2019, isumaqatigiissuteqarnikkulluunniit.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk