Skip to main content
144

Dette jobopslag er udløbet

Naalakkersuisut Siulittaasuata Naalakkersuisoqarfiani pisortaaneq

Naalakkersuisut Siulittaasuata Naalakkersuisoqarfiata Naalakkersuisut Siulittaasuannik Naalakkersuisullu ataatsimiittarnerannik sullissisuuvoq. Naalakkersuisoqarfimmi pisortaanertut atorfimmut inuk nukittooq, naalakkersuinermi piviusunngortitsinissamut naalakkersuisullu isummernissaannut pitsaasumik tunngavissiornissamut qulakkeerinneqataasinnaasoq, pisariaqartinneqarpoq. Naalakkersuisoqarfimmi pisortaaneq qitiusumik allaffeqarfimmi siuttuussaaq, allaffissornermilu siunertat anguniarlugit pisariillisaaneq, suleqatigiinneq, ataqatigiissaarineq pisariaqarput.

Nunarput ullumikkut unamminartunik nutaanik sammisassaqarpoq, allanngortitsisinnaanermut piareeqqanissamik, naleqqussarnissamullu pikkoriffeqarnermik, kiisalu siunissamut ungasissumut pingaaruteqartunik aalajangiisinnaassuseqarnermik pisariaqartitsisumik. Suliassanik taakkuninnga naammassinninnissami Nunatsinni Namminersorlutik Oqartussani Qitiusumik Allattoqarfimmi sulisut sulinermik aallussilluarlutillu naammassisaqarluartartut aamma aqutsisut ataatsimut pilersaarusiorluarnikkut ataatsimut isiginnissinnaassuseqarluartut piumasaqaataapput.
Taamaammat Kalaallit Nunaanni Namminersorlutik Oqartussat Naalakkersuisut Siulittaasuata Naalakkersuisoqarfiat 1. maj 2019 aallarnerfigalugu isumaqatigiissuteqarnikkulluunniit aallartittussamik pisortaanissarsiorpoq,

Namminersorlutik Oqartussat Qitiusumik Allattoqarfiata aaqqissugaanera
Naalakkersuisut qitiusumik allaffeqarfiani aqqanilinnik naalakkersuisoqarfeqarpoq taakkulu immikkoortortaqarlutik. Oqartussaasutut aaqqissuussaaneq uani takuneqarsinnaavoq https://naalakkersuisut.gl/da/Naalakkersuisut).
Naalakkersuisoqarfiit pingaarnertut suliassaat tassaapput Naalakkersuisuni ilaasortanik sullissinerit siunnersuisarnerillu, soorlu inatsisissanik piareersaaneq, pingaarnertigut nakkutilliinerit, pilersaarusiorneq kiisalu ineriartortitsineq.
Ullumikkut Naalakkersuisut Siulittaasuata Naalakkersuisoqarfiani immikkoortortat ukuupput: Pisortaqatigiit Allattoqarfiat, Nunamut namminermut immikkoortortaqarfik, Ingerlatseqatigiiffinnut Allattoqarfik,  Inatsiseqarnermut immikkoortortaq kiisalu Tusagassiivik. Aammattaaq Kalaallit Nunaata Københavnimi Sinniisoqarfia Naalakkersuisut Siulittaasuata Naalakkersuisoqarfiani immikkoortoqarfiuvoq.

Atorfik aamma illit Siulittaasup Naalakkersuisoqarfiani akisussaaffiit
Naalakkersuisut Siulittaasuata aamma Naalakkersuisut politikkikkut, aningaasaqarnikkut ajornartorsiutillu allat tunngaviusut tungaasigut pitsaasumik siunnersuineq Siulittaasup Naalakkersuisoqarfiani Naalakkersuisoqarfimmi Pisortaanerup toqqaannartumik akisussaaffigaa.
Taamaasilluni Naalakkersuisoqarfimmi pisortaaneq politikkikkut aalajangikkat piviusorsiortumik aamma qaffasissumik pitsaassuseqarlutik aalajangiiffigineqarnissaannut tunngavissat qulakkeerneqarnissaannut akisussaassaaq, kiisalu aalajangiinerit allaffissornermi ingerlatsinermi sunniuteqartumik eqaatsumillu atuutsinneqalernissaannut qulakkeertussaallugit.

Naalakkersuisoqarfimmi pisortaanerup piginnaatitaaffii
Naalakkersuisoqarfimmi pisortaaneq aalajangiinissamut piginnaatitaavoq:

  • Naalakkersuisunit imaluunniit naalakkersuisunut siulittaasumit aalajangersarneqarsimasunik naalakkersuinikkut anguniakkanik najoqqutassianillu timitaliinissamut tunngaviusussanik,
  • akisussaaffigineqartup kinguneqarluartumik aqunneqarnissaanut, ingerlanneqarnissaanut ineriartortinneqarnissaanullu tunngaviusussanik,
  • Naalakkersuisunit aalajangersarneqarsimasunik naalakkersuinikkut anguniakkanut malittarisassanullu naapertuuttunik,
  • naalakkersuisoqarfiit sulinerisa ataqatigiissarnissaannut toqqammavissatut aalajangersarneqarsimasunut aalajangersarneqartussanullu naapertuuttunik,
  • inatsisinut malittarisassanullu atuuttunut aamma allaffeqarfimmi anguniakkanut aalajangersakkanullu nalinginnaasunut pisortamit aalajangersarneqarsimasunut naapertuuttunik.

Naatsorsuutigineqarpoq, Naalakkersuisoqarfimmi pisortaanertut :

  • qaffasinnerpaami aqutsinermik misilittagaqartutit, naalakkersuinikkut ingerlariaatsinik paasisimasaqarlutillu Nunatsinni Namminersorlutik Oqartussani imaluunniit kommunerujussuarni sisamani politikkikkut siuttunik siunnersuinermik misilittagaqartutit
  • Susassaqarfiit akornanni siumoortumik pingaarnersiuisinnaasutit, sunniuteqarluarsinnaasutit angusaqartitsisinnaasutillu.
  • erseqqarissumik ammasumillu siulersuinermik takutitsisinnaasutit suliffeqarfimmillu sunniuteqarluartumik, nutaaliortumik isumannaatsumillu siuarsaasinnaasutit - ataatsimoortitsisumik kajumissaasumillu aqutsisooriaaseqartutit,
  • Pisortat suliffeqarfiinik aqutsinissaq pillugu ilisimasaqartutit, aamma
  • Kalaallit Nunaanni inuiaqatigiit, kulturi kiisalu kalaallisut oqaatsit pillugit ilisimasaqarluartutit

Tamatuma saniatigut ilinnut tunngatillugu immikkut pingaartippavut:

  • unneqqarissuuneq nammineersinnaanerlu pingaartikkitit,
  • tamakkiisumik isiginnissinnaassusilik aaqqiissutissarsiullaqqissorlu
  • pisortat pitsaasumik attaveqaqatigiittarnissaanik pingaartitsisoq,
  • Oqartussaasuuneq ilitsoqqussarigit aporfinnillu isumatusaartumik qaangiiniaasinnaasutit, og
  • naleqquttumik ingerlaqqiffiusumik ilinniagaqarsimavutit

Qinnuteqartoq kalaallisut, danskisut tuluttullu oqalussinnaappat iluaqutaassaaq.

Attaveqartarfissat
Naalakkersuisut Siulittaasuata naalakkersuisoqarfiani pisortaaneq Naalakkersuisut Siulittaasuannut ataassuteqartussaavoq.
Naalakkersuisoqarfinni allani pisortat naalakkersuisoqarfiup suliassanik ataqatigiissaarisarnerannut tunngatillugu apeqqutinut atatillugu, aamma nalinginnaasumik allaffissornikkut ingerlatsinermi anguniakkanik, malittarisassanik pitsaassutsinullu piumasaqaatinik il.il. malitseqartitsinissamut tunngatillugu apeqqutinut atatillugu Naalakkersuisut Siulittaasuata Naalakkersuisoqarfiani pisortamut attaveqartassapput.

Atorfinitsitaanermi atugassarititaasut
Atorfik ukiunut aalajangersimasunut inuttaligassanngorlugu piumasaqaateqarfigalugu kissaatigineqarpoq.
Atorfik akissaateqarfimmi LR 41-mi maanna inissisimavoq.
Akissaateqarfimmi 41-mi akissarsiat aalajangersimasunik immikkuualuttortallit 1. april 2018-imi qaammammut 84.945,15-iupput  imaluunniit ukiumut 1.019.341,80-iullutik.
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.
Naalagaaffimmi tjenestemandit aamma AC-mi isumaqatigiissutit arlallit, ilaatigut DJØF-ip Finansministeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput.  Aammattaaq Nunamullu namminermut Ministeeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq kommuninut nunallu immikkoortortaanut inassutigisimavaa.  Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliaannut/ aappaannut aamma atuupput.
Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat. Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.
Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttumi allassimapput.

Inissaqarneq
Atorfinittumut sulisunut inissiaq pequsersugaanngitsoq malittarisassat sukkulluunniit atuuttut malillugit innersuussutigineqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqartassapput. Atorfimmut atatillugu ini atorfeqarnermut tungavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusia nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaammat utaqqiisaasumik inissiisoqarsinnaasarpoq, matumani aamma najugaqatigiiffiit minnerusut imaluunniit akunnittarfinni inissiat pineqarput, taakkulu akileraarusersorneqassallutik.
Atorfinninnermut aamma atorfeqarunnaarnermut atatillugu atorfininnermi isumaqatigiissutit Naalakkersuisut kattuffiullu isumaqatiginninniarsinnaatitaasup akornanni isumaqatigiissutit naapertorlugit angalanissamik akiliunneqarneq pisinnaatitaaffiuvoq.

Qinnuteqaat
Atorfik internetikkut attaveqaat ataaniittoq atorlugu nassiunneqassaaq, nassiussamilu ilaassapput qinnuteqaat, inuunermi sulerisimanermik allattorsimaffik, soraarummeersimanermut uppernarsaatit pappiaqqallu ilivitsut allat qinnuteqaammut attuumassuteqartut ilanngunneqassapput. Qinnuteqartut aalajangersimasut misilitseqqaartussaassapput.
Apeqqutigiumaakkat Aningaasaqarnermut Naalakkersuisoqarfimmi pisortamut Nikolaj Sten Christensenimut apeqqutigineqarsinnaapput, oqarasuaat +299 34 66 75, mail: nsch@nanoq glatorlugit.
Ulloq qinnuteqarfissaq kingulleq tassaavoq marlunngorneq 12 marts 2019 nal 12:00.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk