Skip to main content
90

Dette jobopslag er udløbet

Naalakkersuisoqarfiup pisortaata allatsi sullerillunilu ineriartortitsinissamik sammisalik

Inuussutissarsiornermut Suliffeqarnermullu Naalakkersuisoqarfimmi ulloq 1. septembari 2020-mi imaluunniit isumaqatigiissut malillugu atorfinitsitassaminik Naalakkersuisoqarfiup pisortaa allatsissarsiorpoq.
 
Inuussutissarsiornermut Suliffeqarnermullu Naalakkersuisoqarfiup pingaarnertut suliassaraa suliffeqarfimmi inuussutissarsiorfimmilu, inuiaqatigiit avatangiisut pisariaqartitaannik soqutigisaannillu takusussusiisumik naalakkersueriaatsimik eqaatsumik ataqatigiissumillu ineriartortitsillunilu oqaasertalersuinissami Naalakkersuisut suikkaasumik aalajangiinissamut tunngavissinneqarnissaasa qulakkeerfiginissaat. Naalakkersuisunut aamma avatangiisitut inuiaqatigiinnut tikitaqarfissaq ungasinngilaq, tamannalu ulluni suliffiusuni, ilaatigut assut ulapaarfiusartuni takuneqarsinnaavoq.
 
Makku piginnaaneqarfigaagit:

  • Attuumassutilimmik piginnaanngorsaasumik ilinniagaqarneq
  • Misissueqqissaarinissamut piginnaasaqarneq, aamma allattariani attaveqaqatigiinnilu piginnaasaqarluarneq
  • Suleqatiginnilluarsinnaassuseq, kiffartuussinissamullu sammiveqartuuneq
  • Inussiarnerlunilu pilersitsileritooq
  • Aamma nalaatani artukkiisuni silassorissuseqarsinnaasoq
  • Marlunnik oqaaseqartuuneq (kalaallisut/danskisut), aamma tuluttut oqaatsit sapinngikkaanni iluaqutaassaaq

 
Taava immaqa ilinnut suliffit naleqquttuutigaarput, tassani makku suliarilissallugit:

  • Naalakkersuisoqarfiup pisortaanut isumaqatigiissutinik aqutsineq
  • Ataatsimiinnerit piareersarneri – aamma ingerlanneri, kiisalu imaqarniliornerit
  • Saaffiginnissutit assigiinngitsut akisarneri, allakkanillu isumaginninneq
  • Inatsisartut ataatsimiinnerinut tunngasunik ingerlatanut atortussanullu isumaginnillunilu akisussaaffeqarneq
  • Allakkianik oqalugiarnermullu najoqqutassanik assigiinngitsunik suliarinninnerit
  • Sulianut tunngasunik suliassaqarfinni, ingammik inuussutissarsiorfimmi suliffeqarfimmilu sulianik isumaginninnerit
  • Naalakkersuisunut aamma Inatsisartunut tunngavissianik oqaatsitigut pitsaassusissanik qularnaarinerit

 
Naatsorsuutigisassatut naalakkersuisup allatsia, qanimut suleqatigissallugu naatsorsuutigisassat peqatigalugu naalakkersuisoqarfiup allaffiani silarlermi inissinneqassaatit. Tamatumunnga ilagitillugu aaqqissuussiffimmi amerlasuunik ineriartortitsinermik suliniuteqarfilimmi pimoorussisunillu sulisulinni suliffik pissanganarlunilu assigiinngiiaartoq neqeroorutigaarput.
 
Annertunerusumik paasissutissat
Atorfik pillugu annermik paasisarusussaguit naalakkersuisoqarfiup pisortaanut Isak Nielsen Kleistimut saaffiginninnissannut tikilluaqqusaavutit, oq. +299 34 56 34, imaluunniit e-mailikkut: isnk@nanoq.gl imaluunniit Immikkoortoqarfiup pisortaanut Henrik Rud Jensenimut, oq. +299 34 56 10 imaluunniit e-mailikkut: herj@nanoq.gl.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk