Find job
Dette jobopslag er udløbet
Naalaakkersuisut kukkunersiuisoqarfiat sulisussarsiorpoq
Naalaakkersuisut kukkunersiuisoqarfiat sulisussarsiorpoq
Suleqatigiinnut ikittunnguanut ilanngunnissamut kajumissuseqarpit naatsorsuutinillu suliaqartarneq misilittagaqarfigaajuk allatatigullu paasiuminarsaallaqqissuullutit? Taava immaqa tassa illit suleqatissarput nutaaq.
Naalakkersuisut Kukkunersiuisoqarfiata kukkunersiuisut avataaneersut suleqatigalugit Namminersorlutik Oqartussani kukkunersiuisarnerit akisussaaffigai.
Suliassatit makkuupput:
- Namminersorlutik Oqartussat immikkoortortaqarfiini kukkunersiuisarneq
- Nalunaarusiorneq
- Qitiusumik naatsorsuuseriffiup naligiissaarinerinik malitseqartitsineq
- Naatsorsuutinut malittarisassanik akuersisarneq
- Pequtit allattorsimaffiinik akuersissuteqartarneq
- Namminersorlutik Oqartussat immikkoortortaqarfiinut tamanut siunnersuisarnerit
- Atorfeqarnermut atatillugu angalasarnissaq naatsorsuutigineqassaaq.
Sulianut tunngasutigut piginnaasat
- Kukkunersiuisutut kandidateq, cand.merc.aud imaluunniit Erhvervsøkonom imaluunniit AU Økonomi & Ressourcestyring-imik ilinniagaqarsimasuussaatit
- Naatsorsuusiornermut malittarisassat misilittagaqarfigaatit
- Kalaallit Nunaanni Namminersorlutik Oqartussat aningaasaqarnikkut aqutsissutaannik ilisimasaqartuuvutit
Inuttut piginnaasat
- Suleqatigiinni sulisinnaassuseqarputit
- Qaffasissumik naammassisaqarfiusinnaasumik sulisinnaasuuvutit
- Nammineerlutit sulisinnaassuseqarputit aammalu aaqqissuulluagaasumik suliffimmi akisussaassusilimmik, pitsaasumik aamma sullissinerup ilusaanik pingaartitsisuullutit
- Allattariarsornikkut oqaatsitigullu paasiuminarsaallaqqissuusutit.
- Akuersaartuullutillu ilakkuminartuuvutit
- Kalaallit Nunaanni inuiaqatigiinni pissutsinut ilisimasaqarputit
Uagut pilluta
Naalaakkersuisut kukkunersiuisoqarfiat aaqqissussaanikkut Aningaasaqarnermut- aammalu Sulisoqarnermut Aqutsisoqarfimmi Aningaasaqarnermut Naalakkersuisoqarfiup ataani inissisimavoq aqutsisoqarfiullu pisortaanut nalunaartartussaalluni.
Immikkoortortaqarfimmi persuarsiortuunngilagut nammineerluta sulinitta saniatigut suleqatigiittorujussuusarpugut.
Paasissutissat sukumiinerusut:
Atorfik pillugu sukumiisumik paasisaqarusukkuit allaffimmi pisortap Ane-Louise Brandtip oqarasuaatikkut 346760-imut mailikkulluunniit anla@nanoq.gl -imut attaviginissaanut tikilluaqqusaavutit.
Atorfinittoqassaaq 1. december 2023 imaluunniit erseqqinnerusumik isumaqatigiissuteqarnikkut.
Qinnuteqarnissamut killissarititaq tassaavoq 2. oktober 2023.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job