Skip to main content
127

Dette jobopslag er udløbet

MIO-mut Tusagassiisartutut (tamalaanik suliaqarsinnaasoq) piffissaq tamaat atorfik

MIO-mi tamalaanik suliaqarsinnaasumik pisariaqartitsivugut. Inuk amerlasuunik assigiinngitsorpassuarnillu piginnaanilik.
Teknikkikkut piginnaasaqarpit? Ulluinnarni attaveqaqatigiittarfinnik atugaqartuuit? Allattariarsorluni oqaluinnarlunilu attaveqatigiinneq ingerlatitseqqiinerlu nuannaralugulu pikkoriffigaajuk? Namminersorlutit ataqatigiissaagaasumik sulisinnaavit? Suliaqarfimmi ulapaarfiusumiissinnaavit? Taava illit MIO-mi, Kalaallit Nunaanni Meeqqat Pisinnaatitaaffii pillugit Sullissivimmi tusagassiisartutut ujarpatsigit. 
 
Atorfik pillugu
Tusagassiisartutut atorfik suliassanik amerlasuunik assigiinngitsunik imaqarpoq. Inummik meeqqat inuusuttullu pillugit suliassaqarfimmi misilittagaqartumik, assigiinngitsunik suliaqarsinnaasumik ujaasivugut. Matumunnga atatillugu ilaatigut MIO-p attaveqatigiittarfianik nittartagaanillu suliaqassaaq, saqqummiisarlunilu pikkorissartitsinernik ingerlataqartassaaq, tusagassiorfinnut oqaaseqartassaaq, qallunaatut kalaallisullu allattarlunilu oqaluttassaaq, innuttaasunik oqaloqateqartassaaq kiisalu sulianik namminersorluni suliaqartassalluni.
 
Tusagassiuutinut attaveqarnermullu sulisup MIO-p nittartagaanik kiisalu attaveqaqatigiittarfiinik ingerlaavartumik iluarsaaneq nutarsaanerlu akisussaaffigissavaa. Ilaatigut tasssunga ilaapput tusagassiutinut nalunaarutinik, suliniutit, nutaarsiassat assigisaannillu uppernarsaaneq agguaanerlu. Sulinermut aamma ilaassaaq, Naalagaaffiit Peqatigiit Meeqqat pillugit Isumaqatigiissutaannik ass. videokkut isiginnaagassakkut, takoqqusaarutitigut assigisaatigullu paasissutissiineq. Suliassat ilaasa aaqqissuunneqarnissaat ilusilersorneqarnissaallu pisariaqarpoq, allallu nutaaliorluni eqqarsarsinnaanermik pisariaqartitsiffiullutik. Attaveqaqatigiiffiit ulluinnarni MIO-mit atorneqartarput kissaatigaarpullu, taakku pillugit sulineq ingerlaavartumik siunnerfilerneqarlunilu inerisarneqassasoq. Tusagassiisartuttaaq tusagassiorfinnut oqaaseqaatinik kiisalu saqqummiussassanik pikkorissartitsinernillu suliaqartassaaq. Innuttaasunik oqaloqateqarneq siunnersuinerlu aamma suliassanut ilaapput, taakkununnga meeqqanik, inuusuttunik inersimasunillu oqaloqateqartarnermik misilittagaqarneq piumasaqaataavoq.
 
MIO-mi suleqatigiit ikittunnguuvugut, sulisut aalajangersimasumik atorfillit arfiniliupput kiisalu ilinniartutut ikiortit marluullutik. Kalaallit Nunaanni meeqqat inuusuttullu pillugit suliassaqarfimmik sunniiniarluta tamatta anguniagaraarput. Ulluinnarni ulapaartuuvugut suliaqarluartarlutalu, akornatsinnilu suliat pillugit ilisimasagut pitsaanerpaamik atortarlutigit. Taamaattumik suleqatitsinnut ilanngukkusukkuit Kalaallillu Nunaanni meeqqat pisinnaatitaaffii pillugit suliassaqarfimmut sunneeqataarusukkuit, MIO-mi atorfik ilinnoortuusimassaaq.
 
MIO-mi Meeqqat Illersuisuat aamma Meeqqat pillugit Siunnersuisoqatigiit pillugit inatsit tunngavigalugu sulivugut.
 
Tusagassiisartup ilaatigut suliassai ukuupput:

  • MIO-p attaveqaqatigiiffiinik aamma nittartagaanik nutarsaaneq iluarsaanerlu
  • MIO-p attaveqaqatigiiffiisigut aamma nittartagaatigut ilisimasanik ingerlaavartumik ineriartortitsineq paasissutissiinerlu
  • Videoliaaqqanik naatsunik, takoqqusaarutinik, atortussanik assigisaannillu suliaqarneq
  • Saqqummiineq, pikkorissartitsineq kiisalu oqalulluni allannikkullu erseqqissaanernik aallartisaaneq
  • Innuttaasunik oqaloqateqarnerit /Meeqqat pisinnaatitaaffii pillugit innuttaasunut ilitsersuineq siunnersuinerlu
  • Naalagaaffiit Peqatigiit Meeqqat pillugit Isumaqatigiissutaannik paasissutissiinermik Meeqqat Illersuisuannik aamma MIO-mik suleqateqarneq

 
Piginnaasat tulliuttut piumasarineqarput:

  • Ilinniagaq tulluartoq
  • IT-mut ilisimasaqarluarneq, matuma ataani attaveqatigiittarfinnik aamma nittartakkamik suliaqarneq
  • Paasissutissiinermik misilittagaqarneq, pingaartumik allannikkut aamma takussutissiinikkut
  • Meeqqanik inuusuttunillu sullissinermi misilittagaqarneq
  • Namminersorsinnaaneq, iliuuseqarumatuneq kiisalu aaqqissuussisinnaassuseq
  • Kalaallisut qallunaatullu oqallorissuuneq, ajornannippallu aamma tuluttut
  • Suliassanik arlalinnik tigummisaqarsinnaaneq, tamakkiisumik isiginnissinnaassuseq

 
MIO’mi makkuninnga neqeroorfigisinnaavatsigit:

  • Suleqatit suliaminnut pikkorissut, tamarmillu sunniuteqarluarnissaminnik pingaartitsisut
  • Naalagaaffiit Peqatigiit Meeqqat pillugit Isumaqatigiissutaannik aamma MIO-p suliniutaanik ingerlaavartunik pissanganartumik aaqqissuussamillu paasissutissiineq 
  • Kalaallit Nunaanni meeqqanut inuusuttunullu allannguineq



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk