Skip to main content
150

Dette jobopslag er udløbet

MIO innuttaasut saaffiginnittarnerinut siunnersortissarsiorpoq

MIO innuttaasut saaffiginnittarnerinut siunnersortissarsiorpoq

Nunatsinni meeqqat ilaqutariillu malugisinnaasaannik allatut suliniuteqarusuppit? Inunnik oqaloqateqallaqqippit? Assigiinngitsorpassuarnik ataatsikkut suliaqarlutit qunuginngiliuk? Taava MIO`mi innuttaasunut saaffiginnittarnerinut siunnersortitut atorfik immaqa ilinnooruttortoq?

MIO-p sulissutigaa Naalagaaffiit Peqatigiit meeqqat pisinnaatitaaffiinut isumaqatigiissutaat Nunatsinni suli ilisimaneqarnerulernissaat. MIO`mi suleqatigiiuvugut ikittunnguulluta qanimut suleqatigiittut, ilinniarsimassutsikkut nikeraqaluta, kisianni tassa, tamakkua akimorlugit suleqatigiippugut, ajunnginnerpaamik angusaqarumalluta. Siunnersortitut atorfik innuttaasut saaffiginnittarnerinut suliaqartussaq suliffittut isigalugu unaminnartuuvoq, tassami piumasaqarpoq immikkuuffaarissumik sulissasoq allanillu aamma suleqateqassasoq.

Suliassatit makkuussapput:

  • Innuttaasut saaffiginnittarnerinut pingaarnerusumik akisussaasoq – allattariarsornermi aamma oqaluttariarsornermi suliassat
  • Allaffissornikkut suliassat namminersorluni suliarissavai
  • Meeqqat Illersuisuat Meeqqallu siunnersuisooqatigiivi sullitaralugillu suliamik tunngasutigut sungiusassavai
  • Meeqqat inuusuttullu oqaloqatigiinnerini ataatsimiinnernilu peqataassalluni, suleqatit aamma immikkut ilinniarsimasut, aamma malittareqqinneqarnissaat
  • Pisussanik namminersorluni aaqqissuisoq, soqutigisaqaqatigiinnik ataatsimeeqateqarneq il.il.
  • Aaqqissugassat tigussaasut isumagalugit pilersaarusiorneq, ataatsimiisitsineq, illoqarfinnut nunaqarfinnullu tikeraarneq, s.a. imaqarniliorneq ataatsimiittunilu malitseqartitsineq.
  • Atuartitsineq inulerinermilu ilinniarsimassutsikkut ilisimasanik ingerlatseqqiineq.
  • Nutsigassat naannerit aamma kukkunersiugassat annikinnerit.

Illit akisussaaffitit:

  • Innuttaasunut saaffiginnittunut akisussaasoq aamma siunnersuineq inulerinermut ilinniarsimassutsikkut tunngasutigut aamma Naalagaaffiit Peqatigiit Meeqqanut Isumaqatigiissutaannut tunngasutigut.


Ilinniartitaanikkut piumasaqaataasut:

  • Socialrådgiveri imaluunniit inulerinerup iluani ilinniartitaanikkut allatigut naleqquttumik ilinniartitaaneq. Meeqqanut inuusuttunullu misilittagaliusinnaavoq.

Pingaartipparput makkuninnga piginnaaneqartutit:

  • Suliassaq naammassinissaata tungaanut malittarineqarnissaa
  • Pisariaqartitsineq naapertorlugu suleqatinik suliamut attuumasunik akulerussitsineq
  • Mikisualunnut takunnissinnaasoq
  • Inerisaanermik soqutigisalik
  • Tamakkerlugu isiginninneq piffissarlu eqqorlugu tunniussineq
  • Kommunimi suliassaasunik ilisimasaqarneq
  • Suliaminut tunniusimasoq sungiussisimasuullunilu
  • Uppernassuseqarluarluni qaffasissumillu suliaqarsinnaasoq
  • Tamakkerlugu isiginnittaaseqarsinnaasoq, suliamik pingaarnersiuillunilu aaqqissuillaqqissusilik – aamma ulapaarfiup nalaanni
  • Namminersullaqqissoq, allat utaqqiinnarnagit iliuuseqallaqqissoq aaqqissuillaqqissorlu
  • Alapernaatsoq aamma inuit tatiginassusermik tunngaveqarluni attaviginissaannut pilersitsillaqqissoq


MIO-mi suliavut aallaavigivaat Meeqqat Illersuisuata Meeqqallu Siunnersuisooqatigiivi inatsisitigut tunngavii.
 
MIO arfiniliinnarnik imminut ilisarilluinnartunik suleqatigiinnik pilersitsinikuuvoq. Tamatta Nunatsinni meeqqanut inuusuttunullu tunngasutigut tunniusimalluinnarluta suliaqarpugut.
Ulluinnarput ulapaarfiuvoq naammassisaqarluartarluta, pisullu ataatsikkut ingerlaartut tamakkiallugit ataatsikkut suliarisariaqartarlugit, tamannalu pissutigalugu tamatta immikkut ilinniarluarsimanerput atorluaqaarput suleqatigiilluta. Suliap ingerlarna malilluinnarlugu sulivugut faginullu arlalinnut tunngasut pingaartitaralugit. Suleqatigiinitsinni ilaasortaarusukkuit meeqqallu pisinnaatitaaffii Nunatsinni sunnerusukkukkit, taava imaassinnaavoq MIO ilinnoortoq. Siunnersorti pingaarnersumik Nuummi allaffeqarfimmiit sulissaaq, taamaalilluni ullut angalavissat annikitsuinnaapput.

MIO`mi tunngaviusumik isigalugu inatsisitigut tunngavipput qimannagu sulivugut, taamaammat Meeqqat Illersuisuat aamma Meeqqat Siunnersuisooqatigiivi inatsisit naapertorlugit sullippavut.
  
MIO-mi ilinnut neqeroorutigisinnaavagut:

  • Suleqatit suliaminut pikkorissut, suliaminnullu tunniusimalluinarlutik angusarusuttut
  • Naalagaaffiit Peqatigiit meeqqanut isumaqatigiissutaat akunniliulluni pissanganartumik pilersaarusiorluarlugulu saqqummiuttarpaa, MIO´p suliamik iluarsartuussilluni suliarisartagai ingerlaavartumik saqqummiuttuaannarlugu
  • Nunatsinni meeqqanut inuusuttunullu sunniutilimmik sullississalluni


Januarip aallaqqaataani sulilersinnaavoq immikkulluunniit isumaqatigiissuteqarnikkut.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk