Skip to main content
128

Dette jobopslag er udløbet

MIO allattoqarfimmut attaveqaqatigiinnermut siunnersortimik pissarsiorpoq - Allagarsiuteqqitaq

MIO allattoqarfimmut attaveqaqatigiinnermut siunnersortimik pissarsiorpoq

Meeqqat pisinnaatitaaffiinut suliffeqarfik MIO attaveqaqatigiinnermut siunnersortimik pissarsiorpoq.
Allallaqqippit, aaqqissuillaqqippit aamma nutaaliullaqqippit? Suleqatigiinni ilaarusuppit, ulluinnarni unamminartunik suliaqartartunut, taava illiuvoq ujagarput.
MIO`p sulissutigaa Naalagaaffiit Peqatigiit meeqqat pisinnaatitaaffiinut isumaqatigiissutaat Nunatsinni suli ilisimaneqarnerulernissaat. MIO`mi suleqatigiiuvugut ikittunnguulluta qanimut suleqatigiittut, ilinniarsimassutsikkut nikeraqaluta tamakkua akimorlugit suleqatigiippugut, ajunnginnerpaamik angusaqarumalluta. Attaveqaqatigiinnermut siunnersortitut atorfik unamminartorujussuuvoq, tamannalu namminersorsinnaassusermik annertuumik piumasaqarpoq allanillu aamma suleqatiginnillaqqissuusariaqarluni.

MIO`p sulissutigaa Naalagaaffiit Peqatigiit meeqqat pisinnaatitaaffiinut isumaqatigiissutaa Nunatsinni ilisimaneqarnerulernissaa. MIO`mi suleqatigiiuvugut ikittunnguulluta qanimut suleqatigiittut, ilinniarsimassutsikkut nikeraqaluta tamakkua akimorlugit suleqatigiippugut, ajunnginnerpaamik angusaqarumalluta.

Suliassatit:

  • Meeqqat Illersuisuat aamma Meeqqat Siunnersuisooqatigiivi sullisissallugit ilinniarsimassutsikkullu siunnersussallugit
  • Pilersaarusiorneq, qaaqqusineq, Meeqqat Siunnersuisooqatigiivi imaqarniliaat allattassallugit
  • Tusarniaanermi akissutigineqartut suliarissallugit, pappiliat iliuusissatut tunngavigineqartussat, tusagassiuutitigut nalunaarutit, kiisalu meeqqat inuusuttullu pillugit nalunaarusiat
  • Misissugassat suliassartai aamma misissuisimanerup nittarsaannera MIO`mi suleqataasoq peqatigalugu.
  • Ilinniarsimassutsikkut illuatungiliilluni siunnersuineq misissugassatigullu atortorineqartut suleqatinut ingerlateqqinneri
  • Qinnuteqaatinik immersuineq aamma nalilersuinerit
  • Ukiumut nalunaarut
  • Isumaqatigiissuteqarnikkut suliamik iluarsartuussilluni aqutsineq, tamatumani ilanngullugu qinnuteqaatit, kisitsisit, nalunaarusianik allattuineq il. il.
  • Suliassat allatassat allat (allattarissanik suliarinnittartoq)
  • Suliassat takkuteriataartut amerlanerit


Ilinniarsimassutsikkut piumasaqaataasut:

  • Ilisimatusarnikkut ilinniarsimaneq naleqquttoq

Pingaartipparput makkuninnga piginnaaneqartutit:

  • Inulerinermi piginnaasat
  • Mikisualunnut takunnissinnaasoq
  • Suleqatinut attavigilluartoq
  • Inerisaanermik soqutigisalik
  • Allat utaqqiinnarnagit iliuuseqallaqqissoq
  • Tamakkerlugu isiginninneq piffissarlu eqqorlugu tunniussineq
  • Namminersorluni suliaqarsinnaasoq
  • Tamakkerlugu isiginninneq ulapaarfiusumi suliassanik allanngorartunik sulisinnaalluni  
  • Iluarsartuullugit sulianik pilersaarusiornermi misilittagaqarneq
  • Suliassanik misissugassanik misilittagaqarneq
  • Akunniliulluni sulissussinermi uppernarsaanermilu misilittagalik
  • Meeqqanut inuusuttunullu tungasutigut inatsisitigut atituumik ilisimasaqarneq

Inuttut pingaaruteqarpoq, illit

  • Tunniussimallutit sungiussiassuseqarputit
  • Annertuumik uppernassuseqarputit pitsaassusermillu qaffasittumik peqarlutit
  • Tamakkerlugu isiginninnermik pilersitsisinnaavutit, pingaarnersiuillaqqissuuvutit, aaqqissuillaqqillutit – aamma ulaperuluttoqartillugu
  • Namminersullaqqissuuvutit, iliuuseqallaqqissoq aaqqissuillaqqillutillu
  • Alapernaattuuvutit tatiginartunillu attaveqarlutit 

MIO arfiniliinnarnik imminut ilisarilluinnartunik suleqatigiinnik pilersitsinikuuvoq. Tamatta Nunatsinni meeqqat inuusuttullu tunngasutigut tunniusimalluinnarluta suliaqarpugut.
Ulluinnarput ulapaarfiuvoq naammassisaqarluartarluta, pisullu ataatsikkut ingerlaartut tamakkiallugit ataatsikkut suliarisariaqartarlugit, tamannalu pissutigalugu tamatta immikkut ilinniarluarsimanerput atorluaqaarput suleqatigiilluta. Suliap ingerlarna malilluinnarlugu sulivugut faginullu arlalinnut tunngasut pingaartitaralugit. Suleqatigiinitsinni ilaasortaarusukkuit meeqqallu pisinnaatitaaffii Nunatsinni sunnerusukkukkit, taava imaassinnaavoq MIO ilinnoortoq.

MIO`mi tunngaviusumik isigalugu inatsisitigut tunngavipput qimannagu sulivugut, taamaammat Meeqqat Illersuisuat aamma Meeqqat Siunnersuisooqatigiivi inatsisit naapertorlugit sullippavut.
  
MIO`mi ilinnut neqeroorutigisinnaavagut:

  • Suleqatit suliaminut pikkorissut, suliaminnullu tunniusimalluinartut
  • Naalagaaffiit Peqatigiit meeqqanut isumaqatigiissutaat akunniliulluni pissanganartumik pilersaarusiorluarlugulu saqqummiuttarpaa, MIO´p suliamik iluarsartuussilluni suliarisartagai ingerlaavartumik saqqummiuttuaannarlugu
  • Nunatsinni meeqqanut inuusuttunullu sunniutilimmik sullississalluni.

Novemberip aallaqqaataani sulilersinnaavoq immikkulluunniit isumaqatigiissuteqarnikkut.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk