Find job
Dette jobopslag er udløbet
Meeqqat illuat sulisussarsiorpoq
Unammillernartunik nutaanik ujarlerpit, suliffimmi ilusilersorluakkamik pingaarnerusumik meeqqanik 18-inik isumassugassaanerminnit sumiginnagaasimasut pissusissamisoortumik silassorissuseqartut immikkoortortaqarfinnut pingasunut agguarsimasut sullinnissaannut piareersimavit, taava atorfik ujartukkat immaqa pingaarput.
Naatsorsuutigineqarpoq, illit suliffeqarfiup katsorsaanermut ingerlatseriaasia naapertorlugu ilitsersortinnissamut piareersimasutit.
Atorfimmi ulloq sulilerfissaq: isumaqatigiissuteqarnikkut.
MEEQQAT ILLUAT'A perorsaanera tunngavigalugu ingerlanneqartarpoq:
Asanninneq, toqqissisimaneq, aalajangersimasumik siumut nalunanngereersunik killilersuutilik, Meeqqat isumassuinermik/paaqqinninnermik/isumaginninnermik isumassuinerit/paaqqinninnerit/isumaginninnerillu atajuarneq ilusilersui-nerlu ilaatigut aqqutigalugit ulluinnarni inersimasut pilersitsisinnaasut ilagalugit Nuup Kangerluata iluani sivisuumik ilaqutariinnut assingusuni najugaqatigiinniffinniillutik, perorsartilluni katsorsartinneqarneq kajumissuseqalertinneqarneq nakussatsinneqarnerlu aqqutigalugit angerlartinneqarnissaq siunertaralugu suliaritinneq.
Sapaatit akunnerini marlunni pingasuniluunniit kangerluup iluaniittarnissat naatsorsuutigissavat.
Naatsorsuutigivarput, illit:
Perorsaasutut ilinniagaqarsimanissat
Akissarsianut – atorfinitsitaanermilu atugassarititaasut
Akissarsianut atorfinitsitsinermullu atugassarititaasut, taakkualu ataanni angalanernut pisattallu nassiunneqarnissaannut Naalakkersuisut atorfinittussallu kattuffiata akornanni isumaqatigiissutit atuuttut naapertorlugit ingerlanneqassapput.
Atorfik 1-mik initaqarpoq.
Paasissutissat allat
Atorfik pillugu annertunerusumik paasisaqarusukkuit attavigissallugu tikilluaqquneqarputit Joa Noahsen Holm, +299322233, meeqqat@nanoq.gl
Kalaallit Nunaat Namminersorlutilli Oqartussat pillugit annertunerusumik paasisaqarusukkuit, annertunerusumik atuarsinnaavatit ugguuna www.nanoq.gl, suliffiit ataanni, kiisalu Meeqqat Illuat pillugu : uupi@nanoq.gl takuneqarsinnaavoq.
Qinnuteqarneq
Qinnuteqarnissamut killigititaavoq 21. september 2023
Qaqugu sulilernissaq isumaqatigiissutigineqassaaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job