Find job
Dette jobopslag er udløbet
Meeqqat Angerlarsimaffiat Uummannaq Socialassistent sulisussarsiorpoq
Meeqqat Angerlarsimaffiat Uummannaq suliaminut tunniusimasumik, meeqqat inuusuttullu angerlarsimaffimmi avataanut inissitanik isumassuinikkut sulinermut katsorsaanermullu peqataanissaminut soqutiginnilluinnartumik Socialassistentsiorpoq.
Ilinnut tunngasut:
Ilimagivarput perorsaanikkut naapertuuttumik tunuliaqutaqarlutillu ilinniagaqartuunissat. Pitsaassaaq ulloq unnuarlu paaqqinniffinni sulinermit misilittagaqarnissat, piumasaqaataananili. Pingaartuuvorli aalaakkaallutit aamma piffissani nikerartuni sulisinnaanissat, ulloq unnuarlu, sapaatip-akunnerisa naanerini unnukkullu sulisinnaasassallutit. Aamma suliniutinut asimilu aallaarsimaarnernut sapatip -akunnerini arlalinnik sivisussuseqarsinnaasunut peqataasinnaasariaqarputit, sammisaqartitsinerit taakku Meeqqat Angerlarsimaffiata katsorsaalluni sulineranut pingaaruteqarluinnartuummata.
Socialassistent meeqqanik inuusuttunillu avatangiisit atorlugit katsorsaariaatsimut peqataasinnaasariaqarputit. Ataatsimut isiginnissinnaasariaqarputit aammalu nammineerlutit kiisalu suleqatigiit akuleriissut, assigiingitsunik kulturikkut oqaatsitigullu tunuliaqutallit suleqatigisinnaasariaqarlugit.
Meeqqat Angerlarsimaffianni oqaatsit pingaartitat tassaapput suleqatigiinneq, sungiussianeq aamma inissaqartitsineq.
Neqeroorutigaagut:
Suliffik pissanganartoq nunarsuarmi pinngortitap kusanarnerpaaffianiitsoq. Paaqqinniffiuvugut ineriartorfiujuartoq, sulinermut atatillugu unamminartulik aamma perorsaanermi sulinermi nikerarluartunik ulluinnarisalik.
Meeqqat Angerlarsimaffiat ulloq unnuarlu paaqqinniffiuvoq pisortat pigisaat, meeqqanut inuusuttunullu 0-miit 18-nut ukilinnut 27-nut inissalik, 23-nik ukioqalernissaasa tungaanut malitseqartitsinissamik periarfissalik.
Paaqqinniffik marlunnik immikkoortortaqarfeqarpoq – suliniutinut imikkoortortaqarfik aamma malitseqartitsinermut angerlarsimaffimmillu qimatsisussanut immikkoortortaqarfik. Inissinneqarnermut pissutaanerpaasartut tassaapput peroriartornermi kingunipilutsitsinerit sumiginnagaanerillu
Akuersaartumik inuppalaartumillu inunnik isiginneriaaseqarluta sulivugut. Inuit tamarluinnaasa immikkuullarissutut namminnerlu silarsuaminni peqataasutut isigivagut – avatangiisiminnut attaveqartuarlutillu paarlaasseqatigiittuartutut isigalugit. Akuersaartumik periuseqarpugut attaveqaateqarnermik perorsaariaaseq, avatangiisit atorlugit katsorsaaneq, kiisalu eqqarsariaaseq periutsillu psykodynamiskiusut katsorsaanermi oqaloqatigiinnerni ingerlatsinernilu qitiutillugit. Siusissukkut kingunipilutsitsinerit suliarineranni meeraaqqanik katsorsaaneq periutsitut atortarparput.
Katsorsaanitta ilaatut pingaarutilittut atortarpagut kalaallit kulturiat, pinngortitaq, najukkamilu nukissatigut sillimmatit suliniutillu, ilaatigut nipilersorneq, eqqumiitsuliorneq assassornerlu ilaatittarlugit.
Sapaatip akunneranut suliffiusarput tiimit 40-t.
Kalaallit Nunnaanni Socialassistet tunngatillugu isumaqatigiissut NPK-mit isumaqatigiinniutigineqartarpoq:
www.npk.gl
Atorfik pillugu paasissutissat annertunerusut ukununnga saaffiginnissutigineqarsinnaapput:
Pisortaq - Ann Andreasen
Pisortap tullia - Kristine Klemensen
Tlf. 00299 - 951539 taamaallaat ulluinnarni ullukkut (Kalaallit Nunaata nalunaaqutaa malillugu)
Mobil: 00299 - 555436 taamaallaat ulluinnarni ullukkut (Kalaallit Nunaata nalunaaqutaa malillugu)
Mail: bhjumq@nanoq.gl
Qinnuteqarnissamut killiliussaq: 05. April 2023
Sulilerfissaq kissaatigineqartoq: 01. Maj 2023, isumaqatigiissuteqarnikkulluunniit.
Qinnuteqaammut ilaatineqassapput ilinniagaqarsimanermut aamma pinerluuteqarsimannginnermut uppernarsaatit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job