Kalaallit Nunaanni innuttaasunut inuuniarnermikkut atugarliortunut pissutsit pitsaanerulersinnissaannut peqataarusuppit?

Ukiuni kingullerni Kalaallit Nunaanni isumaginninnermut suliassaqarfiup kivinneqarnissaa annertuumik ukkatarineqarsimavoq. Pineqartut ilaatigut tassaapput meeqqanut kinguaassiutitigut kannguttaatsuliornerit inuuniarnikkut atugarliornerit pitsaaliornissaat, inuit innarluutillit pisinnaatitaaffiisa pitsaanerunissaannut qulakkeerinninneq kiisalu meeqqanut inersimasunullu inuuniarnermikkut atugarliortunut katsorsaanissanut ilisimasalinnik neqerooruteqarnerit.

Sulineq nanginneqassaaq. Aaqqitassanik pingaarutilinnik suliassarpassuaqarpugut tassungalu sulisut amerlanerusut atorfissaqartippavut. Meeqqanut, Inuusuttunut Ilaqutariinnullu Naalakkersuisoqarfimmi inatsisitigut fuldmægtigitut imaluunniit AC-fuldmægtigitut / immikkut siunnersortitut soqutiginnikkuit atorfik immaqa ilinnoortuuvoq.    

Meeqqanut, Inuusuttunut Ilaqutariinnullu Naalakkersuisoqarfimmi suliassaqarfimmut tunngasut politikikkut anguniakkat piviusunngortinnissaat suliarisarpavut, tassani ilaapput suli atualinngitsut (meeqqat 0-6-inut ukiullit), meeqqat, inuusuttut ilaqutariillu atugarliortut, pitsaaliuneq, innarluuteqarneq, inuit pisinnaatitaaffii aamma ilaqutariinnut inatsisit il. il. Suliassaqarfimmi politikikkut anguniakkat pingaarnerit ilaatigut tassaapput meeqqanut inuusuttunullu atugarliortunut, inersimasunut atugarliortunut inunnullu innarluutilinnut pissutsit patajaallisaaffiginissaat.

Atorfik pillugu
Suliassat ilaatigut makkuupput:

• Naalakkersuisut isummernissaannut tunngavissianik, Inatsisitigut ajornartorsiutit pillugit allakkianik, § 37-mut apeqquteqaammik akissuteqarnissamik, allanillu suliaqarneq
• Politikikkut ingerlatsinermut naalakkersuinikkullu aalajangiinissamut atulersitsinissamut aalajangiinissamut tunngavissanik suliat pitsaassusaannik qulakkeerinninnissamut tapersiineq
• Naalakkersuisoqarfimmi suliassaqarfimmi suliassanut assigiinngitsunut peqataaneq isumaginninnerlu

Inatsisitigut fuldmægtigip suliassai:

• Inatsisissanik piareersaalluni sulineq, ilaatigut inatsisissatut siunnersuutinik nalunaarutinillu suliaqarneq
• Inatsisitigut siunnersuineq

AC-fuldmægtigip suliassai:

• Isumaginninninnermi naalakkersuinikkut sulianik, periusissianik, suliniutinik misissueqqissaarinernillu ineriartortitsineq aqutsinerlu
• Naalakkersuisoqarfimmi suliassaqarfimmi suliniuteqartussanut atatillugu ataqatigiissaarisumik sulianut peqataaneq isumaginninnerlu

Suliassat tamatigoortuupput aammalu oqaatsit suliassaqarfiillu assigiinngikkaluarlutik ataatsimoorlutik suleqatigiinnermi ilaasinnaanissaq, kiisalu nammineq suliassanut suliniutinullu namminersorluni akisussaaffeqarsinnaaneq piumasaqaataapput. Suliassanut nutaanut sukkasuumik paasinnissinnaanermik tamatigoortuunissamillu atorfik piumasaqaatitaqarpoq kiisalu aaqqissuussaaffiusumi naammagisimaarinnissinnaaneq tassani suliassat minnerit angisuullu paarlakaaffianni ulluinnarni ilaatigut ulapaarfiusartumi.
 
Taamaattumik suleqatigiinnissamik soqutiginninnissat iluaqutaassaaq. Aaqqissugaanermik naakakkersuinikkut aqunneqartumik suliaqarnissamut soqutiginnittuussaatit, tassanilu ilaatigut assut ulapinnartarluni tunniussinissanullu piffissaliussat sivikitsuusarlutik. Allattariarsornikkut oqalunnikkullu ingerlatsillaqqissuuguit ataqatigiinnermillu paasiuminaatsunik paasinnillaqqissuunissat iluaqutaassaaq. 

Ilinnut tunngasut

• Inatsisitigut kandidatitut qaffasissusilimmik ilinniagaqarsimanissat
• Isumaginninnermut tunngasunik atuagarsornikkut sulinikkullu ilisimasaqarnissaq kissaatiginarpoq, piumasaqaataanngilarli
• Namminersorluni aaqqissuulluakkamik anguniakkamillu sulisinnaaneq ineriartortitserusuttorlu
• Allattariarsornikkut oqaatsitigullu attaveqallaqqissoq
• Paasissutissiissutinut amerlaqisunut ajornakusoortunullu tamakkiisumik isiginnissinnaasoq
• Suleqatinik avataanilu soqutigisalinnik suleqateqallaqqissoq
• Kalaallit Nunaanni inuiaqatigiinni pissutsit aamma kulturi ilisimasaqarfigigukkit iluaqutaassaaq
• Ajornanngippat marluinnik oqaasilik, kisianni piumasaqaataanngilaq.

Meeqqanut, Inuusuttunut Ilaqutariinnullu Naalakkersuisoqarfik pillugu
Meeqqanut, Inuusuttunut Ilaqutariinnullu Naalakkersuisoqarfimmi sulisut 20-t missaaniippugut, immikkoortortaqarfinnut ukununnga agguataarsimasut Politikimut Allaffissornermullu Immikkoortortaqarfik, Periusissanut Ineriartortitsinermullu Immikkoortortaqarfik aamma Inatsisilerinermut Immikkoortortaqarfik. Tamakku saniatigut naalakkersuisoqarfiup ataani immikkoortortaqarpoq, Isumaginninnermut Aqutsisoqarfik.

Akissarsiat atorfininnermilu tunngasut
Akissarsiat atorfeqarnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut pisinnaatitaaneq, Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissutaasut atorfininnerup nalaani atuuttut naapertorlugit. Immikkut siunnersortitut inissinneqarneq kandidatimut uppernarsarneqarsinnaasunik piginnaanilimmut aamma tigussaasumik nalilersuisoqareerneratigut pisinnaavoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Immikkut siunnersortitut inissinneqarneq kandidatimut uppernarsarneqarsinnaasunik piginnaanilimmut aamma tigussaasumik nalilersuisoqareerneratigut pisinnaavoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqarneq
Qinnuteqarnissamut killigititaq tassaavoq ulloq 2. oktoberi 2023.
Ulloq sulilerfissaq 1. novemberi 2023 imaluunniit isumaqatigiissuteqarnikkut.

Paasissutissat sukumiinerusut
Atorfiit pillugit paasisaqarnerorusukkuit ukua attaveqarfiginissaannut tikilluaqquneqarputit immikkoortortaqarfimmi pisortaq Kirsten Olesen-Nzulumike e-mail kiol@nanoq.gl  imaluunniit oqarasuaat +299 55 32 52, immikkoortortaqarfimmi pisortaq Kista Isaksen e-mail kisa@nanoq.gl imaluunniit oqarasuaat +299 34 65 82.

Meeqqanut, Inuusuttunut Ilaqutariinnullu Naalakkersuisoqarfik pillugu paasisaqarnerorusukkuit uagut pilluta paasissutissat amerlanerusut ugguuna pissarsiarisinnaavatit www.naalakkersuisut.gl.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk