Meeqqanut, Inuusuttunut Ilaqutariinnullu Naalakkersuisoqarfimmi allaffimmi pisortaq
Meeqqanut, Inuusuttunut Ilaqutariinnullu Naalakkersuisoqarfik naalakkersuisoqarfiup aqutsisunut allattoqarfiani allaffimmi pisortassasiorpoq.

Suliassat tamatigoortuupput aamma piumasaqaateqarpoq oqaatsit sulianullu tunngasutigut killigisat assigiinngitsut akornanni suleqatiginnissinnaanermik, kiisalu aqutsisunut allattoqarfimmi aqutsinermik ingerlatsinermillu nammineerluni akisussaaffimmik tigusisinnaasariaqarpoq. Allaffimmi pisortap naalakkersuisoqarfimmi pisortaq qanimut suleqatigissavaa naalakkersuisoqarfimmilu aqutsisoqatigiinnut ilaassalluni.

Naalakkersuisoqarfimmi ileqquliutissallugu anguniagaraarput kikkulluunniit tamarmik aaqqissuussaanerup ineriartortinneqarneranut isumassarsianillu ikiuussinnaanissaat. Taamaattumik iluaqutaassaqaaq illit inuuguit suleqatigiissinnaanermik soqutigisalik, suleqatinnillu qiimallutit soqutiginnillutillu naapitsisinnaasoq. Akerlianik suleqateqassaatit tunniusimasunik anguniagaqartunillu, imminnut tapersersortut ataqqisullu.

Suleqatigiinnissamik pingaartitsisuuguit aqutsinermillu ilisimasaqaruit pitsaaqutaassaaq. Aaqqissugaanermik naalakkersuinikkut aqunneqartumik suliaqarnissamut soqutiginnittuussaatit, tassanilu ilaatigut assut ulapinnartarluni tunniussinissanullu piffissaliussat sivikitsuusarlutik. Allakkatigut oqaatsitigullu paasisitsiniaallaqqissuuguit iluaqutaassaaq, naalakkersuisoqarfimmilu aqutsisoqatigiit ulluinnarni ingerlatsinermut, attaveqaqatigiinnermut, pilersaarusiornermut politikikkullu pingaarnersiuinermut atatillugu sullissinermut ikorfartuinermullu ataqatigiissarnissai paasilluarsinnaagukkit iluaqutaassalluni.  Suliassat suliarineri ullullu suliffiit eqaatsumik pitsaasumillu ingerlanissaannut qulakkeerinneqataassaatit.  Immikkoortortami 4-5-it sulisuupput.

Naalakkersuisoqarfik aalajangiinissamut tunngavinnik pitsaasunik qulakkeerinneqataasassaaq politikikkullu pingaarnersiuinernut anguniakkallu ingerlannissaannut suleqataasassalluni.

Atorfik pillugu
Suliassat ilaatigut makkuupput:

• Aqutsisoqatigiit allattoqarfiat nalinginnaasumik sullissinermik, attaveqaqatigiinnermik kiisalu naalakkersuisoqarfimmi oqaatsinik siunnersortai nutserinermik pitsaassutsimillu qulakkeerinninniarnermik suliaqartut ilanngullugit aqullugit.
• Naalakkersuisup allattaanik naalakkersuisoqarfimmilu pisortamik kiisalu immikkoortuni pisortanik qanimut suleqatigiinnut peqataaneq
• Inatsisartut ataatsimiinneranni ataqatigiissaarineq kiisalu naalakkersuisoqarfiup Naalakkersuisunut Inatsisartunullu sulianik tunniussinissamik isumaginninneq 
• Naalakkersuisumut, Naalakkersuisunut Inatsisartunullu sulianik ataqatigiissaarineq malitseqartitsinerlu
• Pisortatigoortumik tikeraartoqarnermi assigisaanilu ataqatigiissaarineq
• Suliat Naalakkersuisup naalakkersuisoqarfiullu meeqqat, inuusuttut ilaqutariillu pillugit nunani avannarlerni suleqatigiiffigineqartunut peqataaffigisaanut tunngasunik suliassat

• Suliassat immikkut ittut:
  • Ataatsimiinnerni naalakkersuisoqarfimmi pisortamit aqunneqartuni imaqarniliorneq
  • Naalakkersuisoqarfimmi pisortap isumaqatigiissutaanik ullorsiutaanillu aqutsineq
  • Saaffiginnissutinik akissuteqarneq naalakkersuisoqarfimmi pisortamik isumaqatigiissuteqareernikkut
• Naalakkersuisoqarfiup pisortaata ingerlaavartumik suliassanik sullissineranik akisussaasuuneq kiisalu pisariaqartillugu allakkianik suliaqarneq
• Suliassat takkussuuttut suliarineri namminersorluni naalakkersuisoqarfiulluunniit immikkoortortai suleqatigalugit isumagisassat

Ilinnut tunngasut

• Naleqquttumik kandidatitut qaffasissusilimmik ilinniagaqarsimanissat
• Ulluinnarni ulapaarfimmi tamakkiisumik takunnissinnaassuseqarneq
• Meeqqanut, inuusuttunut, ilaqutariinnut innarluutilinnullu isumaginninnikkut ilinniarsimanermik sulisimanermilluunniit misilittagaqarnermit kissaatiginarput, piumasaqaataanatilli
• Aqutsinermit misilittagaqarsimanersaq kissaatigineqarpoq piumasaqaataananili
• Namminersorluni aaqqissuulluakkamik anguniakkamillu sulisinnaaneq ineriartortitserusuttorlu
• Qallunaatut kalaallisullu oqalussinnaaneq allassinnaanerlu
• Paasissutissiissutinut ajornakusoortunut amerlaqisunullu tamakkiisumik isiginnissinnaasoq
• Suleqatinik avataanilu soqutigisalinnik suleqateqallaqqissoq

Meeqqanut, Inuusuttunut Ilaqutariinnullu Naalakkersuisoqarfik pillugu
Meeqqaanut, Inuusuttunut Ilaqutariinnullu Naalakkersuisoqarfimmi sulisut 20-t missaanniippugut Aqutsisoqatigiinnut allattoqarfimmi, Periusissiornermut Inerisaanermullu immikkoortortami kiisalu Politikikkut Inatsiseqartitsinermullu immikkoortortami avissimalluta.  Tamakku saniatigut naalakkersuisoqarfiup ataani immikkoortortaqarpoq, Isumaginninnermut Aqutsisoqarfik.

Qinnuteqarneq
Qinnuteqarnissamut killigititaq tassaavoq ulloq 26. septembari 2023.
Ulloq sulilerfissaq 1. novembari 2023 imaluunniit isumaqatigiissuteqarnikkut.

Paasissutissat sukumiinerusut
Atorfiit pillugit paasisaqarnerorusukkuit una attaveqarfiginissaannut tikilluaqquneqarputit Naalakkersuisoqarfimmi pisortaq Heidi Lindholm e-mail heli@nanoq.gl imaluunniit oqarasuaat +299 54 73 71.
 
Aningaasarsiatigut atorfinitsitaanermilu atugassarititaasut
Atorfik akissarsiat sinaakkutaannut 36-mut massakkut akissaateqartinneqarpoq/ aalajangersimasumik akissaateqartinneqarpoq.

Aningaasarsiat, LR 36-mi aalajangersimasunik aningaasarsianut ilalik, 1. apriili 2022 aallarnerfigalugu qaammammut kr. 50.291,27-nik aamma ukiumut kr. 603.495,24-nik amerlassuseqarput.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Naalagaaffimmi tjenestemandit qaffasissumillu ilinniagallit pillugit isumaqatigiissutit arlallit- ilaatigut DJØF-ip Finansministeriallu akornanni isumaqatigiissut naapertorlugit atorfillit, Kalaallit Nunaanni Namminersorlutik Oqartussani atorfininnermut atatillugu akissarsiaqaratik sulinngiffeqarsinnaaneq pisinnaatitaaffigaat. Kalaallit Nunaanni Namminersorlutik Oqartussani atorfininnermi akissarsiaqarani sulinngiffeqarnissamik qinnuteqaatinut akuersaarnissaq, nunami namminermi ministereqarfimmit kommuninut nunallu qitiusumik immikkoortuinut innersuussutaavortaaq. Sulinngiffeqarnissamut aalajangersakkat Kalaallit Nunaanni Namminersorlutik Oqartussani atorfinittut aapparisaannut/inooqatigisaannut aamma atuupput.

Aallaavittut sapaatip akunneranut sulineq akunnernik 40-nik sivisussuseqarpoq, aamma ukiumut akunnerni 320-ini qaammatillu pingasuugaangata akunnerni 80-ini suliartoqquneqarsinnaaneq atorfininnermut attuumapput ullullu sulinngiffiusussat annaaneqarsimasut ajunngitsorsiassaqarfiginissaanut aalajangersakkat atuutinngillat.


Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Qinnuteqaat nassiuguk