Skip to main content
149

Dette jobopslag er udløbet

Meeqqanut, Inuusuttunut Ilaqutariinnullu Naalakkersuisoqarfik Periusissanut Ineriartortitsinermullu Immikkoortortaqarfia suliffimmi misiliisussamik pissarsiorpoq

Ilinniartuuit, Allaffeqarfiup politikikkut aqunneqartumut meeqqanut-, inuusuttunut ilaqutariinnullu tunngasunut sammisumut nukitit misillugit atorusullugit? Taava Periusissanut Ineriartortitsinermullu Immikkoortortaqarfiani Meeqqanut, Inuusuttunut Ilaqutareeqarnermullu Naalakkersuisoqarfimmi upernaami 2023-imi suliffimmi misiliisussatut periarfissaqarputit.    
 
Naalakkersuisoqarfimmi suliassat ilaatigut tassaapput meeqqanut, inuusuttunut ilaqutariinnullu suliassaqarfimmi periaasissanik iliuusissatullu pilersaarutinik ineriartortitsinerit, Meeqqanut inuusuttuaqqanullu kiisalu innarluutilinnut susassaqarfimmeersut, politikerinik sullissineq kiisalu suliniutit ineriartortitsinernillu suliassat assigiinngitsut.

Periusissanut Ineriartortitsinermullu Immikkoortortaqarfik immikkoortortaqarfimmi politikikkut  anguniakkat ukkataralugit – ilaatigut nutaanik periusissiorneq iliuusissatullu pilersaarutit aqqutigalugit, maannakkut immikkoortortaqarfiup assersuutigalugu suliarivaa Inuit innarluutillit pisinnaatitaaffii pillugit Naalagaaffiit Peqatigiit isumaqatigiissutaanik Kalaallit Nunaata malinninnera.

Taassuma saniatigut immikkoortortaqarfik pingaarnertut suliniutinut arlalinnut
atuutitsilersitsinermi akisussaaffimmik ilaatigut qanigisariinni persuttaasarnerit ikilisinnissaat, pinaveersaartitsinermik pitsaanerusumik aamma angerlarsimaffiup avataanut inissiisarnerup pitsanngortinnissaanut kiisalu ulluinnarni paaqqinnittarfiup suliffeqarfii pitsanngortinnissaanik qulakkeerinninnissanik akisussaaffeqarpoq.     

Periusissanut Ineriartortitsinermullu Immikkoortortaqarfik arfinilinnik sulisoqarpoq, illit aallaqqaataaniit immikkoortortaqarfiup ineriartornerata suliassai akuuffiginissaanut ilaatigut inunnut innarluutilinnut suliassaqarfimmi periarfissaqassaatit.

Uku ilinnut neqeroorutigisinnaavagut:

  • Semesteri ataaseq meeqqanut-, inuusuttunut ilaqutareeqarnermullu suliassaqarfik politikikkut ineriartornera qanilluinnarlugu 
  • Meeqqanut politikimik suliniutinut, periusissiornernut suliniutinullu ineriartortitsinermut misilittagalik
  • Naalakkersuisut isummernissaannut tunngavissiaq najoqqutassanik allassimasunik malittarisassanik suliaqarneq, allakkianik tunuliaqutaasunik aamma § 37 naapertorlugu apeqqutinik akissutissanik suliaqarnernik misilittagalik
  • Suliffik misiliiffik suleqatitsialannik sulisulik, suliffimmi atugarissaarnissaq qitiutinneqartoq inuppalaassuseqarnerlu.
  • Suliffik misiliiffik eqaatsoq, tassani ilinniakkat ilinniarnernilu ineriartornerit qajassuutissavagut

Naatsorsuutigut:

  • Inulerinermik imaluunniit inuiaqatigiinnut tunngasumik ilinniartuuvutit kiisalu meeqqanut, inuusuttunut ilaqutareeqarnermullu suliffeqarfimmut soqutiginnittuullutit
  • Oqaluttariarsornikkut allattariarsiornikkullu oqaasertaliilluarsinnaasutit
  •  Politikikkut aqunneqartumi suliffeqarfimmi misilittagaqalernissat alapernaaffigissagit
  • Suleqateqarnermik piginnaasaqartuuvutit allamullu nuunneqarnissat piareersimaffigissavatit
  • Peqqissaartuusuutit   kiisalu namminersorlutit uummaarissumillu sulisinnaassaatit

Kalaallit Nunaanni inuiaqatigiinni pissutsinik kulturimillu ilisimasaqarneq iluaqutaassaaq, piumasaqaataananili.

Suliarisassanut tunngasut:
Nuup avataani najugaqaruit, Naalakkersuisoqarfiup suliffimmi timmisartumut billetsi misiliinerup aallartinneranut naammassineranullu atatillugu matussusissavaa. Suliffimmi misiliinerni aningaasartuutit allat nammineq matussusissavatit. Naalakkersuisoqarfimmit suliffimmi misiliinerpit nalaani inissaqartinneqassanngilatit. Ilinniartut Ineqarfiisa Allaffeqarfianut kaf.gl.-imut ilinniartut ineqarfianik qinnuteqarnissannut periarfissaqarputit

Misiliinermi piffissaq:
15. februar 2023 -mit 15. juni 2023-p tungaanut isumaqatigiissuteqarnikkulluunniit.

Annertunerusumik paasissutissat:
Atorfik pillugu annertunerusumik paasisaqarusukkuit, immikkoortortaqarfimmi aqutsisuugallartoq Signe Haugaard Christensen sihc@nanoq.gl attavigisinnaavat.

Ulloq qinnuteqarfissaq kingulleq:
Ulloq 27. dec 2022 nal. 12.00 kalaallit nunaata nalunaaqutaa malillugu.

Qinnuteqaat ataani linki allassimasoq aqqutigalugu nassiunneqassaaq.


 


Najugaq
Atorfimmut atatillugu sulisunut inissiamik innersuussisoqarsinnaanngilaq. 

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk