Skip to main content
92

Dette jobopslag er udløbet

Meeqqanut, Inuusuttunut, Ilaqutariinnullu Naalakkersuisoqarfik oqaatsinut tunngasunut siunnersortissarsiorpoq

Suliffeqarfimmi pissanganartumi atorfimmut unammillernartumut soqutiginnillutillu piumassuseqarpit? Taava immaqa atorfik ilinnut soqutiginarpoq.

Isumaginninnermut ilaqutariinnermullu  suliassaqarfinni kalaallisut taaguusersuinerup ineriartortinnera ukkataraarput.

Ulloq sulilerfissaq: 15.01.2022 imaluunniit isumaqatigiissuteqarneq malillugu.

Atorfimmut tunngasut
Atorfik naalakkersuisoqarfiup aqutsinermut allattoqarfiani inissisimavoq, tassani allaffimmi pisortaq, oqaatsinut tunngasunut siunnersortit marluk ikiortillu marluk sulipput.

 Pingaarnertut suliassat ilaatigut makkuupput:

  • Nutsikkat pitsaassusaannik qulakkeerinninneq
  • Nutserinerit
  • Pisariaqartitsineq malillugu imaassinnaavoq toqqaannartumik oqaluttaasoqartassasoq
  • Suliassaqarfimmi oqaatsinik suliamut atorneqartunik kalaallisut taaguusersuinernik  ineriartortitseqataaneq
  • Immikkoortortaqarfimmi suliassanik allanik suliarinninneq  


Naatsorsuutigaarput

  • Naleqquttumik ilinniagaqarsimassasutit, - soorlu nutserisutut, cand.mag-itut imaluunniit kalaallit oqaasiinut BA, imaluunniit nutsigassanik suliaqarnermik ukiorpassuarni misilittagaqartutit, - ajornanngippat isumaginninnermut suliassaqarfiup iluanit
  • Kalaallit qallunaallu oqaasiinik ilisimasaqarluartutit, - ajornanngippallu tuluttorsinnaasutit
  • Officepakke aamma qarasaasiaq atorlugu atortorissaarutit allat atorluarsinnaagitit.
  •  Eqaatsumik suleriaaseqartutit aammalu suleqatiginnillaqqissuusutit
  •  Nammineerlutit sulisinnaassuseqartutit

Paasissutissat amerlanerusut
Atorfik pillugu annertunerusumik paasisaqarusukkuit, allaffimmi pisortaagallartoq telefon nr. 346603-imut imaluunniit e-mail sihc@nanoq.gl aqqutigalugu attaveqarfigisinnaavat.

Qinnuteqarnissamut killissaritinneqartoq
23. december 2021.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk