Skip to main content
140

Dette jobopslag er udløbet

Maligaasat aqukkit

Siunnersorti/sullissisoq
Radioqarnermik Ingerlatsivik Nalunaarasuartaateqarnermut Aqutsisoqarfiup ataaniittoq, pissarsiorpoq ingerlatsivimmik siunissamut isumannaallisaaqataasussamik, aalassaasseqataasussamik aammalu ineriartorteqataasussamik.

Radioqarnermik Ingerlatsivik Kalaallit Nunaanni ataqatigiisitsivoq aammalu Kalaallit Nunaannut silarsuullu sinneranut atassutaalluni, radiukkut attaveqaqatigiinnerup iluani. Ingerlatsivik assigiinngitsunik suliaqarpoq, akuersissutinut tunngasunik, maligaasanut atuisinnaanermut tunngasut, sumiiffiup eqqaani aammalu nuna tamakkerlugu. Tamatuma ataani makkununnga; radiunut atassuteqaqatigiaannut, FWA, qaammataasanut nunami tigooraaviit, mobilikkut attaveqaqatigiinnermi, SNG nunami tigooraaviit, VSAT nunami tigooraaviit, nipinik- aamma assinik aalasunik (audio-video) aallakaatitsineq aamma tusagassiuineq il.il.

Sulinerni sammisaqartut assigiinngitsut qanittumik atassuteqarfigisassuatit: Suliffissuit angisuut nunani arlalinni immikkoortuttallit, sumiiffimmi suliffiit inummik ataatsimik pigineqartut, silaannakkut angallannermik suliffiit aamma mittarfiit, umiarsuit aamma umiarsuaateqarfiit, ilinniarfiit oqartussaasut allat, nunanit allanit Kalaallit Nunanni paasisassarsiorlutik angalasut pilersaarusiortui, tamakku ataanni ilisimatusarfiit assigiinngitsut, aatsitassarsioqatigiit, takornarianik sammisaqartut, minnerunngittumillu nuna tamakkerlugu innuttaasut, makku ilaapput soorlu piniartut, aalisartut aamma angallatinik piginnittut.

Sulinermi oqaatsit atukkat kalaallisuunerupput aamma danskisut.
Radioqarnermik Ingerlatsivimmi suleqatitit ilangalugit makkuninnga suliaqartassaatit:
Immikkut akuerisaalluni radioqarnermut ilisarnaatit aamma normut ilisarnaatit, radiut maligaasaat silaannakkut angallannermi radiukkut attaveqaqatigiinnermi atortartut, silaannakkut angallatini Kalaallit nunaanni nalunaarsugaasimasuni imaluunniit Kalaallit Nunaanni nunami radioqarfinni atortakkat.

 

  • Ulluinnarni aningaasaqarnermut aqutsineq
  • Akuersissutit GMDSS-imut.
  • Kajuminnerminnik radionik sammisaqartartunut- aamma kajuminnerminnik radionik sammisaqartarnermi qaammataasat atorlugit kiffartuussisartunut misilitsitsineq, akuersissutit kategori A, B aamma D perusullugit, taavalu immikkut akuerisaalluni radioqarnermut ilisarnaatit inummut ataatsimut tunngasut tunniutissallugit, radiunut maligaasat kajuminnerminik radionik sammisaqartumut- aamma kajuminnerminik radionik sammisaqartarnermi qaammataasat atorlugit kiffartuussisartunut atorneqartussat.
  • Kalaallit Nunaanni paasisassarsiornermi misissuinermi aamma aatsitassarsiorluni immikkut akuerisaalluni radioqarnermut ilisarnaatit atorneqarnissaannut akuersissutinik tunniussineq.
  • Akiliutinik akileeqqusinernik nassiussuineq.
  • Nalinginnaasumik innuttaasunik suliffeqarfinnillu siunnersuineq


Atorfimmi piumasarineqarpoq GOC-mik akuersissuteqarnissaq. Taamaattoq pigeriinngikkukku isumangissavarput pikkorissarnissat, qaquguussanersoq isumaqatigeereernermi, soorlu qaammatit arfinillit iluanni.
Tamatuma saniatigut takutissavat pillagaasimannginnermut allagartaq.
Assigiinngitsunik Nalunaarasuartaateqarnermut Aqutsisoqarfik suleqatingalugu atassuteqaqateqartarpugut, tamakku ataani  nunanut allanut atassuteqaqatigiinneq, Danmarkip Kalaallit Nunaatalu akornanni atassuteqaqatigiinneq, nalunaarasuartaateqarnermi suliaqarnermi apeqqutini. Nalunaarasuartaateqarnermut Aqutsisoqarfiup Naalakkersuisut siunnersortarpai, ineriartorneq malinnaaffigalugu, inatsisinullu siunnersuusiortarluni aamma nakkutilliilluni – tamakku tamarmik pisarput Radioqarnermik Ingerlatsivik qanittumik suleqatingalugu. Taamaattumik siunissami periarfissaqarluarpoq atorfimmi sulinikkut inuttullu ineriartornissaq.
Atorfinissinnaasut tunuliaqutaat assigiinngittuuusinnaapput. Soorlu ingerlatsinermi ilinniagaqartuusinnaavutit, HK imaluunniit assigisaanik, ilisimatusarnermut tunngasumik ilinniagaqarsinnaavutit, radio/tv-teknikeritut, IT-supporteritut, IT-administratoritut, AFIS imaluunniit ilinniagaq teknikkimut tunngasoq.
Ulloq sulilerfissaq: Isumaqatigiinneq malillugu.

Paasissutissat allat:
Apeqqutissaqaruit Radio Controller Therkel Mathiassen atassuteqarfigisinnaavat, tlf 34 51 69 imaluunniit mail-ikkut thma@nanoq.gl.
 
Aningaasatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigineqarsimasanullu uppernarsaatit kiisalu paasissutissat allat pisariaqarsinnaasut “qinnuteqaat nassiuguk” toorlugu nassiutikkit.
E-mailikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk