Skip to main content
112

Dette jobopslag er udløbet

Kulturimut, Oqaatsinut Oqaluttuarisaanermullu Adjunkti / Lektori

Ilisimatusarfimmi kulturimut, oqaatsinut oqaluttuarisaanermullu Adjunkt-itut atorfik Oqaatsinut, atuakkialerinermut tusagassiuutilerinermullu immikkoortortaqarfimmut (SLM) inuttassarsiorneqarpoq.

Suliassat piginnaasallu.
Ilisimatusarfimmi, Kalaallit Nunaanni Universitetimi kulturimut, oqaatsinut oqaluttuarisaanermullu instituttimi, oqaatsinut, atuakkialerinermut tusagassiuutinullu immikkoortortami Adjunktitut atorfik oqaluttuarisaanermut kiisalu/imaluunniit tusagassiuutilerinermik sammisortalik inuttassarsiorneqarpoq.

Atorfik isumaqatigiissuteqarnikkut periarfissaq siulleq inuttalerniarneqarpoq.

Piginnaasanut piumasaqaatit:
Adjunktitut / Lektoritut atorfimmut qinnuteqarnermi naatsorsuutigineqarpoq qinnuteqartoq ph.d.-tut imaluunniit Post Doc-itut allagartaqassasoq, aammalu atuagaateqarnermi immaqalu qarasaasiakkut atortuni ilisimasaqarluassasoq.

Suliassat:
Adjunktitut / lektoritut atorfininnermi ilinniartitsinissap tungaatigut suliassat tassaassapput ilinniartitsisut allat isumaqatigalugit bachelorinngornianik ukiut siullianni aappaanilu sammisami ilikkasagganik atuartitsineq, ukiut pingajussaanni bachelorinngornianik kiisalu kandidatinngornianik atuartitseqataaneq, kiisalu bachelorinngornianik kandidatinngornianillu aqqutissiuussineq / siunnersuineq. Qinnuteqartoq SLM-imi ilinniakkanilu allani sammisani ataatsimoorussani ilinniartitsisinnaasoq kissaatigineqarpoq.
Atorfimmut ilaavoq Nunatsinnut Issittumullu tunngatillugu misissueqqissaarnissamut pisussaatitaaneq.
Ilisimatusarfimmi, Nutatta Universitetiani, atuartitsineq kalaallit, qallunaat tuluillu oqaasii atorlugit ingerlanneqartarpoq.

Kikkuuvugut?
Ilisimatusarfik, Nutatta Universitetia 1987-imi pilersinneqarpoq. Ilisimatusarfik sisamanik institutteqarpoq: Kulturimut, Oqaatsinut Oqaluttuarisaanermullu Institutti, Inuiaqatigiilerinermut, Aningaasaqarnermut Tusagassiuuteqarnermullu Institutti, Ilinniakkanut Institutti kiisalu Peqqissaaneq Peqqinnerlu pillugu ilisimatusarnermut Institutti, taakkualu ataanni immikkoortut 12-it.

Instituttit tamarmik kandidat-imut bachelorimullu ilinniarfiusinnaapput.

Kulturimut, Oqaatsinut Oqaluttuarisaanermullu Instituttimi adjunktutit ilisimatuunik, lektorinik, adjunktinik faglærerinik arlalinnik, soraarnernik ph.d.-mullu ilinniartunik sulisoqarpoq.

Ilisimatusarfik ilisimatusarnerup ilinniartitsinerullu tungaatigut pingaartumik Qallunaat Nunaanni Nunani avannarlerni, Europami Amerikamilu Avannarlermi suleqateqarpoq.
Qinnuteqarneq

Qinnuteqarnermi makkua ilanngunneqassapput:

  • Ilanngussaq 1: Curriculum Vitae.
  • Ilanngussaq 2: Soraarummeersimanernut uppernarsaatit.
  • Ilanngussaq 3: Saqqummersissimasat allattorsimaffiat.
  • Ilanngussaq 4: Immikkoortortami ilisarnaatit naapertorlugit ilisimatusaatiginiakkamik saqqummiineq.

Atorfinitsitseriaaseq.
KSH-mi immikkoortortami pisortaq SLM-imilu immikkoortortami pisortaq siunnersuisoqatigiinnik pilersitsissapput qinnuteqaatinik ilisimatinneqartussanik, taakkualu qinnuteqartut sorliit oqaloqateqarnissamut aggersarneqassanersut siunnersuusiussapput.

Universiteti pillugu uani annertunerusumik paasisaqarsinnaavutit www.uni.gl aammalu uani qinnuteqarusuttunut paasissutissat takuneqarsinnaallutik: http://da.uni.gl/job.aspx.

Saaffiginniffissaq:
Ilisimatusarfik – Grønlands Universitet
Oqaatsinut, atuagaateqarnermut tusagassiuutilerinermullu immikkoortortaq pillugu apeqqutit:
Immikkoortortami pisortaq, Lektor, Birgit Kleist Pedersen, Oqarasuaat. +299 38 56 75

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk