Ilisimatusarfimmi Kulturimut Inuiaqatigiilerinermullu immikkoortortaq antropologiimi  inuiaallu oqaluttuarisaanerannut lektorimik pissarsiorpoq.

Atorfik 1. august 2023 inuttalerniarneqarpoq.

Kulturimut Inuiaqatigiilerinermullu immikkoortortaq inuiaat oqaatsitigut kulturikkullu ilisimasassarsiorfiginerannik ilinniartitsissutiginerannillu suliffiuvoq 80-it missaannik ilinniartulik tallimanillu atorfeqartitalik. Immikkoortortami sammisat akimorlugit bacheloorinngorniarneq kandidatinngorniarnerlu neqeroorutaapput, taakkununngalu oqaluttuarisaanermi antropologiimi, kulturimik inuiaqatigiilerinermillu kiisalu itsarnisarsiornermi perspektiivit ilaatinneqatlutik. Ilinniarnermi pingaarnertut sammisaallutillu ilisimatusaatigineqartut tassaapput Kalaallit Nunaat Issittullu avannaarsua.

Ilisimatusarfimmi ilinniartitaaneq qallunaatut, tuluttut kalaallisullu ingerlanneqarsinnaavoq.

Immikkoortortaq Kulturimut, Oqaatsinut Oqaluttuarisaanermullu Instituttip ataani inissisimavoq, allanillu aamma pingasunik immikkoortortaqarluni:

• Oqaatsinut, Atuagarsornermut Tusagassiutinullu Immikkoortortaq
• Upperisalerinermut Immikkoortortaq
• Nutserinermut Immikkoortortaq

Piginnaasanut piumasaqaatit:

• Universitetimi naleqquttumik ilinniagaqarneq ph.d.-mut nallersuuttoq.
• Antropologiip iluani ilisimatusarnerup, ilinniartitsinerup siammarterinerullu tungaasigut piginnaasat lektorip piginnaasaanut nallersuuttut. ilaallutillu makkunannga misilittagaqarnerit:
  • Sammisap periusaanik teoriivinillu atuartitsinerit
  • Sammisap iluani pikkorissaanernik inerisaanerit
  • Ilinniartunik ph.d.-nngornianillu aqqutissiuussinerit
  • Sammisap iluani ilisimatusarnerit, aamma ajornanngippat sammisat akimorlugit.
• Iluaqutaasutut isigivarput qinnuteqartoq inuiaqatigiinnut Issittumiittunut tunngassutilinnik kiisalu nunap inoqqaavisa kulturiannik inooriaasiannillu ilisimatusarnermik atuartitsinermillu misilittagaqarpat, tassunga ilaatillugu Kalaallit Nunaannut attuumassuseqarneq.

Suliassat:
Pingaarnertut suliassatit tassaassapput:

• Antropologiip iluani periutsinik, kulturmik inuiaqatigiinnillu misissuineq Inuillu kulturiannik atuartitsineq aammalu bachelorinut seminaari bachelorinut nallersuuttoq sammisalerinerlu kandidatimut nallersuuttoq. 
• Bachelorinngornianik, kandidatinngornianik ph.d.-millu ilinniartunik aqqutissiuussineq soraarummeersitsinerlu. 
• Immikkoortortami sammisassat iluanni namminersorluni ilisimasassarsiorneq, saqqummiussassaliorneq ilisimatusaatitullu ilisimasanik siammarterineq. 
• Immikkoortortami suleqatit Instituttimilu atorfillit sinneri peqatigalugit ilinniartitaanermik inerisaaneq. Ukiuni 2024-2025  Kulturilerinermi Inuiaqatigii-lerinermilu bacheloorinngornianut kandidatinngornianullu ilinniartitaanernut najoqqutassiat nutaat suliarineqassapput. 
• Inuiaqatigiinnut ilisimasanik avitseqateqarneq ammasumillu oqallinnerni peqataaneq. 
• Sammisat iluanni naliliinerit. 
• Allaffissornerup iluani suleqataaneq suleqatillu akornanni peqataaneq.

Qinnuteqaat
Antropologiimi  inuiaallu oqaluttuarisaaneranni lektoritut atorfimmut qinnuteqarneq allakkatigut qinnuteqaatip saniatigut makkuninnga imaqassaaq:

Ilanngussaq 1:  Curriculum Vitae.
Ilanngussaq 2:  Soraarummeersimanernut uppernarsaatit.
Ilanngussaq 3:  Inuit pingasut paasissutissanik aallerfiusinnaasut attavigisinnaanissaannut paasissutissat.
Ilanngussaq 4: Saqqummersissimasat tamakkiisut allattorsimaffiat normulersugaq. Saqqummersissimasat ilanngunneqartut (immikkoortoq 8 takuuk)
allattorsimaffimmi *-imik nalunaaqutserneqassapput.
Ilanngussaq 5:  Siornatigut ilisimatusaatigisimasat naatsumik allaaserineri siunissamilu ilisimatusaatissatut takorluukkat naatsumik taakkartorneri.
Ilanngussaq 6:  Teaching portfolio ilinniartitsinermik piginnaasanik kiisalu universitetimi pædagogikkimik assigisaanilluunniit takussutissianik imalik, aammalu nammineq siornatigut siunissamilu ilinniartitsiumaarnissamut eqqarsaatersuutit.
Ilanngussaq 7:  Ilisimatusaatinik siammarterinernut takussutissiat.
Ilanngussaq 8:  Saqqummersissimasat sisamat angullugit amerlassusillit kapitalitut allaaserisatulluunniit takissusillit. Qinnuteqartup amerlanerpaamik saqqummersissimasat sisamat nalilerneqarnissaminut naleqqussorisani toqqarsinnaavai. 

Attavigisassat/ilisimatitsissutit:
Atorfik pillugu sukumiinerusunik paasisaqarusukkuit, tikilluaqquneqarputit immikkoortortaqarfimmi pisortaq, lektori, Mari Kleist oqarasuaat: +299 38 56 18 imaluunniit Institutimi pisortaq, Inge Høst Seiding på oqarasuaat: +299 38 56 45 attavigissallugu.
Ilisimatusarfik pillugu annertunerusumik paasisaqarusukkuit paasissutissat allat atuarsinnaavatit uunga iserlutit www.uni.gl

Naliliisarneq atorfinitsitsisarnerlu
Qinnuteqartut nalilerneqarnerat malittarisassat atuuttut naapertorlugit naliliisartunit ilisimasalinnit ingerlanneqartarpoq. Qinnuteqartut piffissap qinnuteqarfiusup naareernerani  naliliisartut inuttalersornerinik ilisimatinneqassapput. Qinnuteqaatit takkussuuttut naliliisartoqatigiinnit misissorneqassapput, tamanna pereerpat taakkua Instituttimi aqutsisumut innersuusiussallutik, tamatumalu kingorna taassuma qinnuteqartoq/qinnuteqartut oqaloqatiginissaanut aggersassavai.

Ilisimatusarfik pillugu.
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut qulingiluaallutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
 
Ilisimatusarfik sisamanik instituteqarpoq:

• Kulturimik, Oqaatsinik Oqaluttuarisaanermillu Ilisimatusarfik
• Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
• Peqqissaanermik Ilisimatusarfik peqqissaasunngorniarfittalik
• Inuiaqatigiilerinermik, Aningaasaqarnermik Tusagassiornermillu Ilisimatusarfik

Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq.
Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk