Skip to main content
91

Dette jobopslag er udløbet

Kulturimik, Oqaatsinik Oqaluttarisaanermillu Ilisimatusarfimmut aqutsisussamik Ilisimatusarfik pissarsiorpoq

Kulturimik, Oqaatsinik Oqaluttarisaanermillu Ilisimatusarfimmut ilinniarnerup ilisimatusarnerullu tungaasigut ingerlalluartumut ilisimasalippassuarnillu sulisoqartumut aqutsisussamik ilinniakkamigut aqutseriaatsimigullu pikkorissumik, misilittagaqarluartumik tunniusimalluartumillu aqutsisussarsiorpoq.

Atorfik aggustip 1-ani 2021 imaluunniit isumaqatigiissuteqarluni allakkut inuttalerneqassaaq.

Kulturimik, Oqaatsinik Oqaluttuarisaanermillu Ilisimatusarfik sisamanik immikkoortortaqarpoq:

  • Oqaasilerinermut, Atuakkialerinermut Tusagassiuutilerinermullu Immikkoortortaq.
  • Inuiaat Kulturiannut Oqaluttuarissanerannullu Immikkoortortaq.
  • Teologiimiut Immikkoortortaq. 
  • Nutserinermut Oqaluttaanermullu Immikkoortortaq.


Ilisimatusarfimmi ilaatigut ph.d.-mut, kandidatimut kiisalu bachelorimut ilinniartoqarsinnaavoq.

Kulturimik, Oqaatsinik Oqaluttarisaanermillu Ilisimatusarfik lektorinik arfineq-marlunnik, adjunktinik marlunnik, studielektorimik ataatsimik, studieadjunktinik pingasunik, avataanit ilinniartitsisunik arlalinnik, soraarnernik kiisalu ph.d.-inngornianik sulisoqarpoq.

Ilisimatusarfik ilisimatusarnerup ilinniartitaanerullu iluani pingaarnertut Danmarkimi Nunanilu Avannarlerni allani kiisalu Europap sinnerani Amerikamilu Avannarlermi suleqateqarpoq.

Ilisimatusarfiup pisortaa rektorip ataani inissisimavoq. Ilisimatusarfimmi pisortaq ilisimatusarfiup immikkoortortaasa arlaanni aamma aqutsisuusinnaavoq.

Naatsorsuutigaarput pisortaq imaassasoq:

  • Ataatsimoortitsisinnaasoq oqaloqatigiinnerillu aallaavigalugit aalajangiisinnaasoq.
  • Siumut isigisoq sullerissorlu kiisalu ilisimatusarnerup atuartitsinerullu iluini Ilisimatusarfiup suleriaasianik siuarsaasinnaasoq.
  • Immikkoortortani pisortanik aqutsisinnaallunilu suleqateqarsinnaasoq.
  • Suleqatinik tunniusimasunik ineriartornerrup pitsanngorsaanerullu tungaanut kajumissaa-risinnaallunilu tapersersuisinnaasoq.
  • Ilinniagassanik, ilinniagassat tunaartaannik ilisimatusarnermillu takunnissinnaasoq, taamatullu Kalaallit Nunaanni inuiaqatigiinnik ilisimasalik nunanullu avatitsinniittunut alapernaatsoq, tamakku Ilisimatusarfimmi ilinniagassanut attuumalluinnarmata.
  • Allaffissornerup eqaatsumik pitsaasumillu aqunneqarnissaanik qulakkeerisoq.
  • Sulliviup tarnikkut timikkullu pitsaasuunissaanik pingaartitsisoq suliniaqataasorlu.


Piginnaasaqarfiit:
Aqutsisuulersussap uppernarsarsinnaassavaa:

  • Ilisimatusarnerup, atuartitaanerup inuiaqatigiillu iluanni suleqateqarnerup iluani aqutsinermik misilittagaqarneq.
  • Ilinniakkani assigiinngitsuni ilisimatusartutut ph.d.-tu doktoritulluunniit akuerineqarneq.
  • Suleqatikkuminartuuneq. Pisortaalersussaq Instituttip ulluinnarni suliassaanut sullerissuussaaq.
  • Suleqatinik aqutsinermik, aningaasanik aqutsinermik aningaasartuutissanillu missingersuu-siornermik misilittagaqarneq ilisimasaqarnerlu.
  • Iluaqutaassaaq qinnuteqartoq kalaallisut, qallunaatut tuluttullu piginnaasaqarluarpat.


Suliassat:
Ilisimatusarfimmi pisortap suliassai Ilisimatusarfik pillugu Inatsisartut inatsisaanni nr. 12, 12. juni 2019-imeersumi allassimapput:

  • Pisortap immikkoortortani aqutsisut atorfeqartullu allat atorfinitsillugillu soraarsittassavai.
  • Najoqqutassat rektorimit akuerineqartut naapertorlugit ilisimatusarfiup ulluinnarni aqunneqarnera pisortap isumagissavaa, tamakkununnga ilanngullugit pilersaarusiorneq aamma suliassanik agguaassineq.


Akademisk Rådi immikkoortortanilu aqutsisut peqatigalugit pisortap akisussaaffigai:

  • ilisimatusarnernik aamma ilinniakkanut ilisimatusarnernik tunngaveqartunut najoqqutassanik nalinginnaasunik rektorimut Akademisk Rådimullu innersuussisarnerit nalinginnaasut.
  • aningaasanut missingersuummut siunnersuusiorneq.
  • ilinniartussanik tigusinerit, angusanik nuussinerit ilinniagartuullu aqunneqarnerat pillugit malittarisassat naliginnaasut suliarinissaat.
  • ilinniarnerit aqunneqarnerat il.il.


Qinnuteqaat:
Qinnuteqaat makkuninnga ilaqassaaq:
Ilanngussaq 1: Curriculum Vitae
Ilanngussaq 2: Soraarummeersimanernut uppernarsaatit
Ilanngussaq 3: Saqqummersitat allattorsimaffiat

Attavigisassat/ilisimatitsissutit:
Atorfik pillugu sukumiinerusunik paasisaqarusuttut tikilluaqquneqarput attavigissallugu rektori Gitte Adler Reimer, oqarasuaat: +299 385602. Ilisimatusarfik pillugu paasisaqarnerorusukkuit uunga isersinnaavutit www.uni.gl.

Atorfinitsitseriaaseq:
Rektori siunnersuisoqatigiinnik pilersitsissaaq. Taakku qinnuteqaatinik takkuttunik ilisimatinne-qassapput, taamaalioreerunillu qinnuteqartut sorliit oqaloqatigineqassanersut aalajangissavaat.

Ilisimatusarfik pillugu.
Ilisimatusarfik Issittumi universitetiuvoq nunarsuup ilaani ineriartupiloorfiusumi nutaanik ilisimasaqalerfiusoq nutaaliorfiusorlu.
 
Ilisimatusarfik sisamanik ilisimatusarfeqarpoq:

  • Kulturimik, Oqaatsinik Oqaluttuarisaanermillu Ilisimatusarfik
  • Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunik ilinniaqqiffissartalik
  • Peqqissaanermik Ilisimatusarfik peqqissaasunngorniarfittalik
  • Inuiaqatigiilerinermik, Aningaasaqarnermik Tusagassiornermillu Ilisimatusarfik


Allaffissornikkut aqutsisoqarfik pillugu:
Allaffissornikkut aqutsisoqarfiup ilisimatusarfik tamakkerlugu sullitaraa Ilisimatusarfiup pisortaanit aqunneqarluni. Allaffissornikkut aqutsisoqarfik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut.
Allaffissornikkut aqutsisoqarfimmi suliassat tassaapput: ilinniartunik sulisunillu aqutsineq, siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq.
Allaffissornikkut aqutsisoqarfiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk