Skip to main content
138

Dette jobopslag er udløbet

Kujataani nuannersumi ilinniartitsisortaarilerpassi?

GUX - Campus Kujalleq Qaqortumiittoq ilinniarnertuunngorniarfia arlariinnik ilinniartitsisussarsiorpoq, GUX-imi fagini assigiinngitsuni. Immikkut ittumik ilinniartitsisut 1-2 naturfagit iluani pissarsiorpugut, taakkunanilu ilinniartitsisungortussat imaasinnaavoq Campus Kujallermi kiisalu EUD-iluani ilinniartitsisuusinnaassasut. Soorunami kissaatigaarput ataavartumik atorfinittussat atorfinitsissallugit, kisiannili ukiumi ataatsimi isumaqatigiinnikkut atorfinittoqarsinnaavoq.

Atorfininneq pissaaq 1.august 2022 aallarnerfigalugu imaluunniit isumaqatigiissuteqarnikkut. Ilinniarnertuunngorniarfik nutarterlaaq iserfigissavat ulluinnarnilu eqeersimaartumik atuartunik ilinniartitsisunillu nalinginnaasumillu sulisunik ingerlanneqartoq akuuffigilissavat.
Ilinniartuutitta amerlanersaat Kollegiene Qaqortumiittuni najugaqartuupput, tamaattumik GUX-imi Campus Kujallermilu ulluinnarni ingerlatsineq atuarfimmi nerisaqaatigaluni ingerlatsinertut avatangiiseqarnera malunnarsinnaalluni. Tamaattumik pingaaruteqarpoq ilinniartitsisutut imminut isiginnginnissaq, aammalu sulisuinnartut, soorlu atorfinitsitaanermi suliassat ilaatigut tamakkuninnga imaqarsinnaasut.

Pitsaasaarlu kalaallisut qallunaatullu oqaatsit piginnaasaqarfigissagakkit. Ataani fagit allaqqasut, pisariaqassappallu saniatigut allanik ilaartorneqarsinnaapput, soqutigisat aallaavigalugit: Kemi, Geografi.

Makkua naatsorsuutigaavut:
Illit kandidatit imalunniit assingusumik qitiusumik ilinniagaqarsimanissat, ilinniarnertuunngorniarfimmilu fagini arlalinni ilinniartitsisinnaanissat
Ilinniarfimmi pædagogimik kolligieni ineriartortitsinissamut suliniuteqarnissaq ilinniartunillu attaveqarluarnissaq suleqataaffigissallugit.
Atuartitsinermut piginnaaneqarnissat, atuartitsinermullu tamakkiisumik pisinnaanissat (gymnasial pædagogikum) fagini piginnaaneqarfigissagitit.
Atuartitsinerit soraasummersitsinerillu klassini ukiumoortuni tamani ingerlasinnaassagitit
Sammisassani tamaginni ilinniartunut ilinniartitsisunullu neqerootigineqartuni ingerlatseqataasinnaanissat, atuarfiusup avataani ingerlanneqartuni.

Makkua neqeroorutigaavut:
Nikerartumik eqaatsumillu sullissineq
Kalaallit Nunaani ilinniarnertuungorniarfinni ilinniartitsisuunermi paasissutissiineq, ”Ny lærer kursus” aqqutigalugu.
Fagini sulineq nukittooq, aktionslæringsprojekter allallu ilinniartitsinermut kisimiilluni ilaqarlunilu ineriartorneri ulluinnarni peqataaffiginissai.
Ilinniarnertuunngorniarfinni sulineq sungiusimassallugu, pingaarnertulli Kalaallit Nunaani ilinniarnertuungorniarneq ilisimasaqarfigissallugit pitsaassaaq. Tamaattumik qinnuteqartut ilinniarsimasatit, pisinnaasatit qinnuteqaamminut ilanngullgit naasiutissavaat/uploadetissavaat.

Atorfinitsitaanermi imaasinnaavoq utaqqiisaagallartumik inissanik tunineqartutit. Taamatut inissitaanerup qanoq sivisutigisinnaanera naatsorsoruminaattarpoq, tamaanalu arlaanik tunngaveqarput, uagut toqqaanartumik oqartussaaffiginngisatsinnik.
Qinnuteqarfissaq kingulleq 16.juni 2022 nal.12:00 (Qallunaaq nalunaaqutaat nal. 16:00) Ingerlaavartumik qinnuteqaatit suliarinissaanut pisussaatitaavugut.
Annaertunerusumik paasisaqarsukkuit rektoriugallartumut Jonbert Davidsen-mut paasiniaasinnaavutit, uunga: jd@cak.gl tlf.:+299 23 93 49. (nal.11:00 kigorna qallunaat nal. malillugu -4 timer)

Paasissutissat aamma uani aaneqarsinnaapput www.cak.gl aamma www.iserasuaat.gl
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk