Skip to main content
106

Dette jobopslag er udløbet

KTI/GUX-Sisimiut ilinniarnertuunngorniartunut ilinniartitsisussarsiorpoq

Atorfiit inuttaqanngitsut
Ilinniartitsinermut ingerlataqarnerulerneq aamma atorfiit inuttaaruttussat pissutigalugit kalaallisut fagini arlalinni ilinniartitsisussarsiorpugut.
Atorfinitsitsinermi pisortatigoortumik piumasaqaatit tassaapput illit cand.mag./cand.scient.-itut imaluunniit ingeniøritut ilinniarsimasuunissat ukiuni 2-3-ini sulinermik misilittagaqarsimasuullutit.   

GUX – Kikkuuvugut?
GUX-Sisimiut KTI-mi ilinniarfiit ilagaat, tassaasut GUX, Aatsitassalerinermik Ilinniarfik, Saviminilerinermik Ilinniarfik, Sanaartornermik Ilinniarfik, Oqaatsinik Pikkorissarfik aamma DTU. Taamaattumik GUX-Sisimiuni avatangiisit suliatigut aamma inuttut assigiinngiiaassusermik malunnaateqarpoq ilinniartut aamma ilinniartitsisut akornanni, tamanna ilikkagaqarnissamut isummersuilluarfiulluni.

GUX-Sisimiut – ilinniarniarfiuinnanngilaq! 
GUX-Sisimiuni ataatsimoorluta anguniagaraarput inuttut pissuserissaalernissaq inuunerullu sinnerani ilikkagaqarnissaq ileqqussaatut isigineqartut malillugit aamma pisortatigoortuunngitsumik attaveqartarnikkut, taamatut inuttut ataasiakkaatut, inuit akornanni aamma inuiaqatigiinni iluaqutaasussamik.
Taamaattumik uagut ilinniarnertuunngorniarfipput makkuninnga ilisarnaateqarpoq:

Nutaaliornermik aamma suleqatigiit suleqatigiilluarnerannik
Pædagogik aamma didaktik tamatigut suliffeqarfimmi immikkoortuni tamani ineriartortitsinermut suliniutitigut ulluinnarni pingaartuutinneqartarput. Ineriartortitsisoqassappat uagut tamatta pimoorussinerput ilisimasagullu apeqqutaalluinnarput.

Arlalinnik oqaaseqarnermut didaktik aamma sulianut tunngasunik alapernaanneq
Ilinniartitsinerput ilinniartunut assigiinngitsunik oqaatsitigut piginnaanilinnut tunngasuuvoq, taamaammat arlalinnik oqaaseqarnermut didaktik ilinniartitsinerni tamani ilaalluinnarpoq. Suliatigut aamma didaktiskiusumik alapernaanneq taamaattumik illit uagutsinni ilinniartitsisutut pingaaruteqarluinnarpoq.

Inissaqartitsineq aamma isumassuineq
Inuusuttut assigiinngitsunik inuunerminni atugaqartuusut aamma inuunerminni misilittagaqartuusut sullitaraavut. Taamatuttaaq ilinniartitsisoqatigiit inuttut aamma kulturikkut assigiinngisitaartumik tunuliaqutaqartuullutik. Oqaloqatigiittarnikkut aqutsisut, ilinniartitsisoqatigiit aamma ilinniartut akornanni suleqatigiinneq taamatut inissaqartitsinermi aamma isumassuinermi piumasaqaataalluinnartuuvoq.   

eGUX – e-Ilinniartitsineq aamma Ungasianit Ilinniartitsineq
GUX-Sisimiut ukiorpassuarni internet aqqutigalugu ilinniartitsinermik aamma ungasianit ilinniartitsinermik neqerooruteqartartuuvoq, tamanna siunissami annertusiniarparput. Tamatuma kinguneranik illit GUX-Sisimiuni ilinniartitsisutut klassini ilinniartunik gymnasiami ilinniartunik tamannalu ilutigalugu Kalaallit Nunaanni allaneersunik ilinniartitsininnik malinnaasoqartassaaq. E-ilinniartitsinermik aamma ungasianit ilinniartitsinermik misilittagaqartuunngikkuit uagut isumagissavarput illit pædagogiskiusumik aamma didaktiskiusumik pikkoriffeqalernissat. Atorfinitsitsisoqassappat malugeqquneqarpoq e-ilinniartitsineq aamma ungasianit ilinniartitsineq tassaammat ilinniartitseriaaseq kikkunnut tamanut GUX-Sisimiuni sulisunut aammattaaq PG kandidatinut atuutilissammat.

Naatsorsuutigaarput 

  • ilinniartitsisoq suliatigut pikkorilluartoq aamma didaktiskiusumik soqutigisaqartuusoq, namminerlu ilinniartitseriaasissaminik ineriartortitserusuttoq.
  • ilinniartitsisoq inuusuttunik taakkulu kulturinit assigiinngitsuneersuusut ilikkagaqarnissaannik aamma arlalinnik oqaaseqartuunerannik soqutiginnittuusoq.
  • ilinniartitsisoq klassiinnaanngitsoq aamma avammut qimerluuisinnaasoq, ilinniarnertuunngorniarfiullu ineriartortinneqarnerani suleqatigiiaarluni, soorlu aamma aqutsisut, ilinniartitsisut ilinniartullu peqatigalugit ineriartortitseqataarusuttoq.

Neqeroorutigisinnaavavut

  • sullivimmi avatangiisit allanngorartut, piffissaq suliffiusoq tassaasariaqanngilaq nal. 8-init 16-ip tungaanut.
  • sullivimmi avatangiisit aallussilluartuusut ineriartortitsinermi suliniutinut peqataanissamut aamma ilinniarnertuunngorniarfimmut nammineq sunniinissamut periarfissaqarluarfiusut.
  • sullivimmi avatangiisit suliatigut sunniuteqarfiulluarfiusartut, tassani pædagogisk-didaktiskiusumik workshopit, suleqatigiiaarluni suliaqartarneq aamma ulluinnarni didaktiskiusumik oqaloqatigiittarneq pingaartinneqarluartartuullutik.

Kiisalu Sisimiut, Kalaallit Nunaanni illoqarfiit annersaasa tullersaasut kalaallillu pinngortitaat pinnerluinnartoq eqqaamioralugu, inuuneq nutaaliaalluinnartoq ilinnut neqeroorutigisinnaavaat aamma ajornanngitsumik silami misilittagaqarnissamut periarfissaqarluarluni.  

Atorfinitsitsinissamut pilersaarut upernaaq 2019                       

  • Qinnuteqarfissaq kingullerpaaq tassaavoq 29/3-19
  • Qinnuteqartut oqaloqatigineqartussanik toqqaaneq sap.ak. 14 -15
  • Atorfinitsitsinissamut oqaloqatigiinnerit Danmarkimi pisussat sap.ak. 17-19
  • Atorfinitsinneqarnermut ilisimatitsineq sap.ak. 20-21
  • Kalaallit Nunaanneersut qinnuteqartut immikkut isumaqatigiissuteqarfigineqassapput

Immitsinnut pisussaatippugut qinnuteqartunik ingerlaavartumik suliaqartarnissamut.
Atorfinitsitsineq pissaaq 1. aggusti 2019-imiit imaluunniit isumaqatigiissuteqarnikkut.

Paasissutissat sukumiinerusut
Atorfik pillugu sukumiinerusumik paasisaqarusukkuit rektori Poul V.B. Jensen attaveqarfigisinnaavat telefonnr.:
+299 86 76 12/ mobil: +299 55 86 77 imaluunniit mailikkut: poje@kti.gl
Aammattaaq nittartagarput alakkarneqarsinnaavoq: www.kti.gl /GUX

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

  Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk