Skip to main content
78

Dette jobopslag er udløbet

KTI oqaatsinik pikkorissarnermut immikkoortortami tuluttut ilinniartitsisussarsiorpoq

Oqaatsinut pikkorissarnermut immikkoortortaqarfik ineriartortitsinissamik siunertaqartumik tuluttut ilinniartitsisussarsiorpoq

Atorfiniffissaq 1. oktober 2020 imaluunniit isumaqatigiissuteqarnikkut.

Atorfik pillugu
Oqaatsinik pikkorissaarnermi ilinniartitsisutut isumassarsiorfiusumik oqaatsinik ilinniartitsineq qitiutissavat. Oqaartsinik pikkorissarnermi pikkorissartut inersimasuupput oqaatsitigut piginnaasaminnik qaffassaarusuttut tamatigugangajallu kalaallisut inunngoqqaatigalugu oqaasillit.
Ilinniartitsisoq tuluttut ilinniartitsisinnaassaaq, kalaallisullu inunngoqqaatigalugu oqaaseqaruit tamanna iluaqutaassaaq.

Uatsinni ilinniartitsisutut nutaamik eqqarsarnissamik aamma pikkorissarnerit attuumassuteqartut ineriartortinnerat kiisalu tamatigoortumik oqaatsinik ilinniartitsineq allattarfissuaq kisiat atorlugu ingerlanneqartoq periarfissarissavatit.

Suliffissat pingaarneq tassaavoq Sisimiut, kisianni Kalaallit Nunaat tamaat ilinniartitsiffigisaratsigu, atorfimmut atatillugu angalasarsinnaavutit.

Immikkoortortaqarfik 1. juli piffimmik aqutsisumik/qallunaatut ilinniartitsisumik, allaffimmi ikiortimik, kalaallisut ilinniartitsisumik ataatsimik aamma tuluttut ilinniartitsisumik ataatsimik sulisoqarpoq. Taamaasillutit suleqatigiit sulilluartut ikitsut suleqatigiinnermik aamma ilinniartitsinermi qaffasissumik qitiutitsisut ilannguffigissavatit, aamma suliassaqarfiit akimorlugit oqaatsit ilinniartitsissutaasut pitsaassuseqarnissaat piumasaqaataavoq.

KTI (Teknikimik Ilinniarfik) tassani Oqaatsinik Pikkorissarfik immikkoortoqarpoq, taannalu Namminersorlutik Oqartussat ataanniippoq Nuummi Sisimiunilu najugaqarfeqarluni kiisalu saviminilerinermut tunngasutigut, sanaartornermut, aatsitassalerinermut, oqaatsinik pikkorissarnermut kiisalu GUX-imik inuussutissarsiornikkut ilinniartitaanermi neqerooruteqartarpoq.
Aammattaaq KTI ingeniørinngornianut marlunnik ilinniarfittut angerlarsimaffiuvoq, tassanilu ARCTIC-DTU suleqatigalugu ingerlanneqarput.

Naatsorsuutigaarput:

  • Attuumassuteqartumik ilinniagaqartutit, soorlu assersuutigalugu tuluttut qaffasissumik ilinniagaqartutit imaluunniit tuluttut linjefaageralugu ilinniartitsisutut ilinniarsimasutit.
  • Inersimasunik ilinniartitsinermik imaluunniit oqaatsimik allamik ilinniartitsinermik misilittagaqartutit.
  • Ilinniartitsinermi atortussanik ineriartortitsinermik misilittagaqarlutillu soqutigisaqartutit.
  • IT-mik misilittagaqarlutillu soqutigisaqartutit.
  • Alisussumit ilinniartitsinermik soqutigisaqartutit misilittagaqartutilluunniit.
  • Ilinniartitsisut allat qanimut angusaqarfiusussarlu anguniarlugu suleqatiginissaannut ammasut.
  • Oqaatsinik ilinniartitsinerup allattarfissuaq atorlugu ilinniartitsissutiginnginnissaanik soqutisaqartutit.
  • Piffissamut angalaffiusumut aamma sinerissami angalanermut tunngatillugu najukkami pissutsinut.
  • Kalaallisut oqaaseqanngikkuit kalaallisut ilinniarnissannut piareersimasutit.


Neqeroorutigaavut:

  • Suliffik pissanganartoq unammillernartorlu sulinermi avatangiisini isumassarsiorfiusumi pitsaasumilu.
  • Immikkoortortaqarfik oqaatsinik aamma oqaatsinik ilinniartitsinermik kajumissuseqarfiulluartoq.
  • Isummmanut nutaanut ammaneq aamma oqaatsinik ilinniartitsinermik ingerlatsinermi aqqutinik nutaanik nassaartorneq.
  • Sulinermut tunngatillug atorfiup annertuumik sunnernissaanut periarfissaqarneq.
  • Inuit oqaatsitigut qaffassarnerisigut ingerlaqqinnissamut ikiornissaannut periarfissaqarneq.
  • KTI-mi immikkoortortani allani ataatsimoorneq aamma qanimut suleqatigiinneq.


Uagut pilluta
Oqaatsnik Pikkorissaavimmi juulip aallaqqaataani 2020 qallunaatut ilinniartitsisoq/immikkoortortami aqutsisuutigisoq, allaffimmi ikiorti, kalaallisut ilinniartitsisoq tuluttullu ilinniartitsisoq atorfeqarput. Atorfinissaguit suleqatigiit ikittunnguit kisiannili sunniuteqarluartumiilissaatit, tassani suleqatigiinneq pitsaasumillu ilinniartitsineq pingaartinneqarluarput, oqaatsillu akimorlugit pitsaasumik suleqatigiinneq anguniarneqartarluni.

Oqaatsinik Pikkorissaavik Kalaallit Nunaanni ilinniartoqarfiit annersaasa ilaata ataani inissisimavoq Teknikimik Ilinniarfik – Tech College Greenland (KTI).
KTI Kalaallit Nunaanni Namminersorlutik Oqartussat ataanni inissisimavoq, Nuummi Sisimiunilu inuussutissarsiutigalugu ilinniarfeqarluni Saviminilerineq, Sanaartorneq, Aatsitassarsiorneq, Oqaatsinik Pikkorissarneq kiisalu Ilinniarnertuunngorniarfik GUX. KTI aamma diplom ingeniør-itut ilinniarfinnik marlunnik ilinniarfigineqarsinnaavoq kiisalu Master in Cold Climate Engineering, Danmarks Tekniske Universitet suleqatigalugu ingerlanneqartut (Artek DTU).
Ukiuni kingullerni KTI pissanganarluinnartumik ineriartorsimavoq, ilinniarfinnut ingerlariaataasinnaasunik pikkorissartitsisoqartarluni.
Tamakku saniisigut KTI-p ilinniartunut ineqarfiit 360-it missaat Sisimiuni aqutarivai.

Sukumiinerusumik paasissutissat
Kissaatigaarput atorfininneq qaammatinik pingasunik misiliutaaqqaassasoq.

Sukumiinerusumik paasisaqarusukkuit immikkoortortami aqutsisumut Dorthe Andersen-imut saaffiginnigit: doan@kti.gl imaluunniit telefon +299 86 16 85

Nittartagarput www.oqaatsit.gl
Kommunip nittartagaa www.qeqqata.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk