Skip to main content
116

Dette jobopslag er udløbet

Kontorfuldmægtigi Provsteqarfik Qeqqa Tunulu

Allanik suleqateqallaqqissuuit?  Kajumissuseqarpit allanngueqataanissamut? Tamakkiisumik isiginnilersitsillaqqissuuit unammilligassanut iliuuseqarfigisariaqartunut? Tamanut sammisumik sulinissat nuannaraajuk pitsaasumillu angusaqarniarlutit ilungersortarpit? Taamaappat ilinnut suliffissaqartitsivugut! Kontorfuldmægtigimik pissarsiorpugut Provsteqarfik Qeqqa Tunulu Nuummiittumi.

Naatsorsuutigivarput illit:

  • marluinnik oqaaseqartuusutit (kalaallisut aamma qallunaatut) oqaatsitigut allattariarsornikkullu
  • attaveqaqatigiinneq piginnaasaqarfigilluarit
  • ineriartortitsilluarsinnaasutit attaveqaatinik
  • allaffissorluarsinnaasutit
  • imminut piumaffigisinaanerit qaffasissuusoq
  • misissueqqissaarsinnaanermik piginnaasaqartuusutit

Suliassat:

  • Sumiiffiit suliassaqarfittut pingaarutillit ukuupput: Tasiilaq, Ittoqqortoormiit, Sisimiut, Maniitsoq aammalu Nuuk taakkulu nunaqarfii ilanngullugit
  • Pilersitsissallutit ataavartitsillutillu ukununnga:
    • Ilageeqarnermi inatsimmi aalajangersakkat
    • Nakkutiginnillutit illoqarfinni ilagiit sinniisaanik ulluinnarni atuutitsinermi
  • Provstimut sumiiffimmi ajornartorsiutigineqartunik takutitsisinnaallutit aammalu siunnersuuteqarsinnaallutit, pilersaarteqarsinnaallutit suliamillu naammassinnissinnaallutit
  • Provstimut allattaaneq.

Attavissaq aamma qinnuteqaat:
Atorfik pillugu annertunerusumik paasisaqarusukkuit provst John Johansen uunga attavigisinnaavat, email:jjoh@ilagiit.gl, oqarasuaat normua: 342161.
Kalaallit Nunaanni ilageeqarneq annertunerusumik paasisaqarfigerusukkukku nittartagarput alakkarsinnaavat:  www.ilagiit.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfinititsineq qaammatinik 3-nik misiliutaagallassaaq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk