Skip to main content
66

Kontorfuldmægtigi Provsteqarfik Avannaa

Kalaallit Nunaanni Ilagiit, Namminersorlutik Oqartussat ataani Provsteqarfik Avannaa Ilulissat allaffimmi pikkorissumik, namminersorluarsinnaasumik aammalu tamakkissumik ilisimasaqarluartumik fuldmægtigitut atorfik inuttassarsiuunneqarpoq 1. april isumaqatigiissuteqarnikkulluunniit atorfinittussamik.

Provsteqarfimmi kontorfuldmægtigi suliassat ilagiinnut attuumassutillit ilagiinnilu allaffissornermut attuumassuteqanngitsut isumagisarai. Provsteqarfiup allaffiani Provsti pisortaavoq.

Suliassat tamatigoortut ilaatigut tassaapput: oqarasuaatikkut nuussisarfimmik nakkutilliineq, allakkanik isertunik anisunillu nalunaarsuineq, akunnermusialinnik nalunaarsuineq, sulisunit saaffiginnissutinik sullissineq, suliassanik isumaginninneq, regnskabinut tunngassuteqartunik aqutsineq kiisalu IRIS-ikkut akiligassanik isumaginninneq, toqqortuineq, piffissap ilaanni imaqarniliorneq sulianillu ingerlatsineq oqinnerusoq. Aammattaaq allaffimmi fuldmægtigi Provstimut allattaavoq.

Kontorfuldmægtigitut atorfinittussap makkua piginnaaneqarfigissagai piumasaqaatigaarput: Akisussaasuseqarneq, peqqissaarneq, patajaatsuuneq eqaatsuunerlu inuttut piginnaasassatut pingaartinneqassapput, soorluttaaq atorfinittup allaffimmik pitsaasumik qiimaffiusumilu pilersitseqataanissaminut piareersimanissaa piumasaqaataasoq. Marluinnik oqaaseqarnissaq pisariaqarpoq. Atorfinititsineq qaammatinik pingasunik misiliutaagallassaaq.

Paasissutissat sukumiinerusut Provst-imut Marianne P. Olsen, tlf. 947503 imaluunniit email MPOL@ilagiit.gl saaffigininnikkut pissarisiarineqarsinnaapput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk