Skip to main content
106

Konsulent-i MANU-mut

MANUp Nuna tamakkerlugu inerisaaviginissaa atuutilersinnissaalu kajungeraajuk? Taamaassappat atorfik una ilinnut naleqquppoq. 

Pitsaaliuinermut Isumaginninnermullu Aqutsisoqarfik meeqqanut, inuusuttunut ilaqutariinnullu tunngasunik inerisaanermik suliaqarnermik annertuumik soqutigisalimmik suleqatissarsiorpoq. Atorfik ilinniakkat akimorlugit pitsaaliuinermut immikkoortortami PAARISAmi- ilaatigut periutsinik nutaanik, kommuninik pisortaqarfinnillu allanik qanimut suleqateqarluni, peqqissutsimut isumaginninnermullu tunngatillugu iliuusissanik inerisaanermik suliaqarfiusumi aallaaveqarpoq. Ilinniakkat akimorlugit iliuuserisassanik pisortanut innutaasunullu saaffiginnittunik inerisaaneq immikkoortortami suliassat qiteraat.
Uatsinni ulluinnarni ulapaarfiusuni annertuunillu unammilligassaqarfiusuni ilinniarluarsimasunik tunniusimalluartunillu suliaqateqassaatit. Nuna tamakkerlugu MANUmik inerisaaneq atuutilersitsinerlu ilaatigut akisussaaffigissavat, suliassanik nutaanik tigusineq iliniagaqassutsikkullu piginnaasavit tamakkerlugit atornissaat piareersimaffigissavat, ilinniagaqassutsikkulli unammillerneqarnissannut immikkoortortamilu ineriartortuartumi akuulernissannut periarfissagissaassaatit.
MANU sunaana?
MANU tassaavoq angajoqaanik pikkorissaaneq, inuunerissuunermik peqqissutsimillu siuarsaasoq nalinginnaasumillu pitsaaliuinermut atatillugu neqeroorutaasoq. Inersimasunik ilinniartitsinermi naartusunut tamanut ilaqutariinnullu mikisunik meerartalinnut – ataatamut anaanamullu neqeroorutaavoq. Meeqqat ilaqutariillu inuunerissusaannik peqqissusaannillu siuarsaaneq, kingorna inuunermi ajornartorsiutaalersinnaasunik pitsaaliuineq, attaveqarfinnik isumalinnik pilersitsinissamut peqataaneq, kommunillu Namminersorlutillu Oqartussat neqeroorutaannut allanut atassusiinissaq MANUmi siunertaapput. MANUmi ilaqutariit namminneq isumartik naapertorlugu ”inuunerissunngornissaminnut”periarfissaqarnerunissaat tunngaviusumik eqqarsaataavoq. MANUp angajoqqaat meeqqamut misigissutsikkut peqqinnartumik attaveqarnat uummarissarniarpaa, angajoqqaallu ilungersualersarnermut/stress nalaatassanullu anigoruminaatsunut sanngisuunngortitseqataaniarluni.
 
Atorfik
Suleqatigiinnut pimoorussisunut, isumassarsianik inerisaanermik, ataqatigiissaarinermik, peqataatitsinermik piviusunngortitsinermillu pingaartitalinnut akuulissaatit.
 
Ilaatigut makku suliassarissavatit:

  • MANUmik ikorfartuineq siumukartitsinerlu
  • Nuna tamakkerlugu MANUmik inerisaaneq, nutaanngorsaaneq atuutilersitsinerlu
  • Nuna tamakkerlugu ilinniagalinnik ilitsersuineq, ilinniartitsineq, siunnersuineq
  • Ilinniakkat akimorlugit suleqatigiinnernik ataqatigiissaarineq
  • Ajornanngippat sulisunik ilinniarsimasunik ikorfartuineq/supervision
  • Allattariarsukkanik soorlu nalunaarusianik suliaqarneq
  • Ilisimasanik katersineq ingerlatitseqqiinerlu
  • Malitseqartitsineq naliliinerlu
  • Sulinermi sakkussanik atuutilersitseqataaneq

Piginnaasatit
Sulisussarsiorpugut:

  • Meeqqanut, inuusuttunut ilaqutariinnullu tunngasunik inerisaaqataanissamut soqutiginnilluinnartumik.
  • Suliniutinik ingerlatsinermik misilittagalimmik
  • Sulianut inerisaanermut, piviusunngortitsinermut, nakkutilliinermut naliliinermullu attuumassutilinnut tunngatillugu pimoorussisumik, ukkassisumik aaqqissuussamillu pissusilimmik
  • Illugiinnik oqaaseqaruni kalaallisut qallunaatullu ilinniartitsisinnaasumik
  • Eqaatsumik periaasilimmik ujartuisumillu
  • Allakkatigut oqaatsitigullu attaveqatigiinnermut nukittuffilimmik
  • Qarasaasiarsornikkut piginnaasaqarluartumik
  • Ilinniakkat akimorlugit suleqatiginnilluarsinnaasumik
  • Angalasarusussinnaasumik

 
MANUmut tunngatillugu suliat saniatigut, atorfik PAARISAmi iliuuserisanut allanut ilinniagaqassutsikkut siunersioqatigiinnermut inerisaanermullu – ilaatigut kinguaassiuutitigut atornerlugaanermut, imminut toqunnermut, imigassamut, hashimut il.il. tunngasunik imaqarportaaq. Ilinniagaqassutsikkut tunuliaqutarisat atorfininnissannut aalajangiisuusariaqanngilaq. Peqqinnissaq pillugu ilisimatusarnermi kandidatiusinnaavutit, ilinniartitsisuusinnaavutilli, perorsaasuusinnaallutit, meeraaqqerisuusinnaallutit, tarnip pissusaanik imm. ilisimasaliusinnaallutit, juumuujusinnaallutit imal. allarluinnaasinnaallutit.
 
Pitsaaliuinermut Isumaginninnermullu Aqutsisoqarfik 
Pitsaaliuinermut Isumaginninnermullu Aqutsisoqarfik Naalakkersuisut ataanni- tallimanik ukuusunik immikkoortortaqarpoq: Pitsaaliuinermut immikkoortortaq PAARISA, Aningaasaqarnermut immikkoortortaq, Ulloq Unnuarlu Paaqqinniffinnut innersuussisarnermullu immikkoortortaq, Qitiusumik Siunnersuisarfik allatseqarfillu. Immikkoortortat qanimut suleqatigiipput, suliffeqarfiuvorlu ilinniagaqassutsikkut unammilligassarpassuarnik neqeroorutissalik.
 
Akissarsiat atorfininnermilu atugassarititaasut
Atorfik aalajangersimasumik atorfiusoq sap. ak. nal. ak. 40-it suliffiusussaq piaarnerpaamik inuttassarsiuunneqarpoq. Atorfik aaqqissuussaanikkut Nuummi Pitsaaliuinermut Isumaginninnermullu Aqutsisoqarfiup ataani inissisimavoq. Piffissap ilaani angalasarnissaq naatsorsuutigisariaqarpoq.
 
Atorfininnerup nalaani Kalaallit Nunaanni Namminersorlutik Oqartussat kattuffiullu isumaqaatigiinniarsinnaatitaasup isumaqatigiissutaat atuuttoq naapertorlugu, atorfininnermi suliunnaarnermilu angalanermut pisattanillu angallassinermut atatillugu akiliunneqarnissamut pisinnaatitaaffeqarneq ilanngullugu, akissarsianut-atorfininnermullu atatillugu atugassarititaasut aalajangersagaapput.

Paasissutissat annertunerusut
Atorfik pillugu annertunerusunik paasisaqarusukkuit, MANUmi inerisaanermi siunnersorti Rikke Kuhn e-mailikkut:riku@peqqik.gl / imal. oqarasuaatikkut:+299 344874 imal. PAARISAmi imm. pisortamut Ditte Enemark Sølbeckimut e-mailikkut: ditt@nanoq.gl / imal. oqarasuaatikkut:+299 346037 attaveqarsinnaavutit. 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk