Isumaginninnermut Suliffeqarnermut Nunamullu Namminermut Naalakkersuisoqarfimmi suleqatissarsiorpugut, isumaginninnermi ikiorsiisarnernik taamatuttaaq pisortat ikiorsiissutaannik, ineqarnermut tapiissutinik soraarnerussutisianullu tunngasunik iluarsaaqqinnermi suliassat ilaannut peqataasussamik.

Isumaginninnermut Suliffeqarnermut Nunamullu Namminermut Naalakkersuisoqarfik Kalaallit Nunaanni inunnik isumaginninnermut tunngassuteqartut suliarisarpai, taamatuttaaq inunnik isumaginninnermut inatsisinik suliaqartarneq, nassuiaasarneq.

Periusissanut ineriartortitsinermullu immikkoortortaqarfimmi ikiorsiisarnermut aningaasatigut tunngasut suliassartaannut akisussaaqataallutit inissisimassaatit.

Isumagininnikkut immikkoortortaqarfik Naalakkersuisoqarfimmi immikkoortortaqarfiuvoq, ilaatigut naalakkersuinikkut inatsisiliornernut, periusissanut iliuusissanullu aningaasaqarnermut tunngatillugu aalajangiinissamut tunngavissat suliassaralugit. Ingerlaatsimut tamarmut peqataasassaatit ilusiliinissamut allakkianit siullerniit inatsisip suliarineqarneranut, inatsisip atuutilersinneqarnissaanik naalakkersuinikkut aalajangiinermut kingornatigullu nalilersorneqarneranut.

Tamakkua saniatigut missingersuutinik aqutsinermut, tusarniaanermut akissutinik suliaqartarnermut ilassutitullu aningaasaliissuteqartarnermut, kaajallaassitanik nutarterisarnermut allanullu tunngatillugu Naalakkersuisoqarfiup ulluinnarni ingerlatsineranut peqataasartussaassaatit.


Taamaattumik naalakkersuisoqarfimmi qitiusumik inissisimassaatit, tassanilu aalajangiisarnernut ingerlatsiviit qanimut suleqatigisassallugit. Suliassaqarfik unammilligassarpassuarnik assigiinngitsunillu suliallit suleqatigiinnerannik suliassartaqarpoq. Tamakku saniatigut isumaginninnikkut ingerlatsinikkut aningaasaqarnikkullu apeqqutinut tunngatillugu naalakkersuisoqarfiit assigiinngitsut sulinerannut suleqatigiissitanullu ilaasassaatit. Ullormut suliassat annertusinnaapput annikinnerusinnaallutillu, illillu nammineq isumassarsiatit suliniutitillu naammassiniassallugit pitsaasunik periarfissaqarputit.

Naalakkersuisoqarfimmi kikkulluunniit tamarmik aaqqissuussaanerup ineriartortinneqarneranut isumassarsianillu ikiuussinnaanissaat ileqquliutissallugu anguniagaraarput. Taamaattumik iluaqutaassaqaaq illit inuuguit suleqatigiissinnaanermik soqutigisalik, suleqatinnillu qiimallutit soqutiginnillutillu naapitsisinnaasoq. Aaqqissugaanermik naalakkersuinikkut aqunneqartumik suliaqarnissamut soqutiginnittuussaatit, tassanilu ilaatigut assut ulapinnartarluni tunniussinissanullu piffissaliussat sivikitsuusarlutik. Iluaqutaassaaq allattariarsornikkut oqalunnikkullu ingerlatitsillaqqissuuguit ataqatigiinnernillu paasiuminaatsunik paasiniaallaqqissuullutit.

Atorfik pillugu
Suliassannut ilaatigut makku ilaassapput:

• Inunnik isumaginninnermi ikiorsiisarnernik iluarsaaqqinnissanut sulianut peqataallutit tamakkununnga ilaallutik pisortat ikiorsiissutaat, ineqarnermut tapiissutit soraarnerussutisianullu tunngassuteqartut
• Naalakkersuisoqarfiup suliassaqarfiini suliassanik nutaanik aningaasaqarnermut tunngasunik naliliisarluni misissuinernut kingunerisassaannillu naatsorsuinernut sulianut peqataaneq taamatuttaaq inatsisissanik nutaanik missingersuutinik naliliisarluni misissuinernut, ilusiliussassanik allakkianut allanullu atatillugu.
• Nalinginnaasumik naalakkersuisumik kiffartuussineq, taamatuttaaq ilisimatitsissuteqarluni allakkiat, ataatsimiinnissanut isummernissamut tunngavissiat, aningaasanut inatsisit isumaqatigiissutiginiartarnerinut isummernissanut tunngavissiat il.il.
• Naalakkersuisoqarfiup susassaqarfigisaanut aningaasanut inatsimmut ilanngussassat suliarineqartarnerinut akisussaaffeqaqataaneq
• Naalakkersuisoqarfimmut missingersuusiornerit missingersuutinillu malitseqartitsisarnermut akisussaaffeqaqataaneq
• Naalakkersuisoqarfiup missingersuutaanut aningaasaqarnermik aqutsineq Inatsisissanik piareersaalluni sulineq
• Iluarsaaqqinnernik periusissanillu piviusunngortitsineq, naliliisarluni misissuineq malitseqartitsisarnerlu
• Inatsisartunut nassuiaatinik assigiinngitsunik suliarinnittarnernut pitsaassutsimillu qulakkeerinnittarnernut sunniuteqaqataaneq
• Naalakkersuisunut ilaasortaq sinnerlugu akissuteqaatissanik, tusarniaanermut akissutissanik, akissuteqarluni allakkanik allanillu suliarinnittarneq.
• Naalakkersuisoqarfiup akisussaaffeqarfiini suleqatigiissitanut assigiinngitsunut atatillugu ataqatigiissaariniarluni suliassanut peqataasarneq taakkuninngalu suliarinnittarneq.

Naatsorsuutigaarput, illit:

• Cand.ocon-itut, cand.scient pol-itut., cand.pol-itut kandidat-itut imaluunniit aningaasaqarnermut tunngatillugu naleqquttumik allamik ilinniagaqarsimassasutit
• Suliassaqarfimmi suliassaqarfinniluunniit assingusuni tamatigoortumik misilittagaqassasutit
• Aaqqissuussaanermi naalakkersuinikkut aqunneqartumi sulissallutit soqutigigit,
• Paasiuminartumik, erseqqissumik aaqqissuussamillu allakkatigut oqalunnikkullu attaveqaqateqartarnermut pitsaasunik piginnaaneqartutit
• Aningaasaqarnermut tunngatillugu paasissutissat paasilluarsinnaassagitit naatsorsorsinnaallugillu
• Aningaasaqarnermik missingersuutinillu aqutsinermut tunngatillugu misilittagaqarlutillu piginnaaneqartutit
• Naalakkersuisoqarfimmi suliassat naammassineqartarneranni nammineerlutit akisussaasoorusussuseqartutit,
• Assigiinngitsunik suliassat akornanni sulerusussuseqartutit, ataasiakkaat ataatsimut isiginnilluni aaqqiissutissanut peqataaffigisagaanni,
• Qiimasuusutit, sapiissuseqartutit suleqatiginnissinnaassuseqarlutillu.

Kissaatigaarput illit:

• Kalaallit Nunaat inuiaqatigiit uummateqarfigalugu sullikkusukkit aammalu Kalaallit Nunaanni inuiaqatigiinni ineriartornikkut pissutsinik soqutiginnilluartuusutit malinnaasuullutillu

Atorfik aallaaviatigut siunnersortitut inuttalerneqassaaq kisiannili uppernarsaarneqarsinnaasunik piginnaasat malillugit atorfik immikkut siunnersortitutinuttalerneqarsinnaavoq, ilinniagartuujugaanni aammattaaq piginnaasat malillugit pisortaalluni siunnersortitut atorfininnissaq periarfissaassaaq.

Paasissutissat sukumiinerusut
Atorfik pillugu paasisaqarnerorusukkuit immikkoortortaqarfimmi pisortaq Karen Kiær Jakobsen, kakj@nanoq.gl tlf: 34 56 88 attaveqarfigisinnaavatit. Namminersorlutik Oqartussat pillugit annertunerusumik paasisaqarnissat kissaatigigukku, ugguuna annertunerusumik atuagaqarsinnaavutit http://naalakkersuisut.gl, Suliffissat ataani.

Qinnuteqarneq
Qinnuteqarnissamut piffissaliussaq tassaavoq ulloq 16.06.2023 Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. E-mail-ikkut qinnuteqaatinik tigusineq ajorpugut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Qinnuteqaat nassiuguk