Skip to main content
114

Dette jobopslag er udløbet

Katersugaasivilerisoq

Nunatta Katersugaasivia Allagaateqarfialu (NKA) katersugaasivilerisumik septemberip aallaqqaataanit atorfinissinnaasumik pissarsiorpoq. Katersugaasivilerisup immikkut akisussaaffigissavaa kulturimi eriagisassat tigussaanngitsut.
NKA-p akisussaaffigaa kulturimi eriagisassat tigussaanngitsut nunatsinni
illersorneqarnissaat. Katersugaasivilerisussap immikkut suliassarissavaa NKA-p Nunattalu UNESCO-p tungaanut pisussaaffittaa aallunneqarnissaat. Suliami tamatumani ilaapput Nunatsinni kulturit tigussaanngitsut aallunneqartut malinnaaffiginissaat, kingornalu atuisut peqatigalugit taakku nalunaarsuiffiginissaat. Suliassanut ilaapputtaaq atuisut peqatigalugit
ineriartortitsineq, taamattaarlu katersugaasivilerisut allat peqatigalugit suleriaasissanik tulleriiaarinertalinnik suliaqarnissaq.
Qinnuteqartussaq etnologimi, oqaluttuarisaanermi ilinniakkamiluunniit assigusumi ph.d-usinnaavoq kandidatiulluniluunniit, taamatullu kalaallit oqaasiinut, kulturiannut oqaluttuarisaanerannullu ilisimasaqarluartuussalluni.

Paasissutissat allat pisortamut Daniel Thorleifsenimut oqarasuaatikkut 34 2201-mut sianerluni pissarsiarineqarsinnaapput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk