Skip to main content
99

Dette jobopslag er udløbet

Kalaallit Nunaata Bruxellesimi Sinniisoqarfiani EU-mi suliniutit aningaasaateqarfiinut qinnuteqarniarnerni ataqatigiissaarisoq

Kalaallit Nunaata Bruxellesimi Sinniisoqarfia Kalaallit Nunaata EU-mi suliniutit aningaasaateqarfiinut peqataaffigisinnaasai Kalaallit Nunaat annertunerusumik peqataatinniarlugu pissarsiaqartinniarlugulu sinniisoqarfimmi, najukkami atorfillit atugassarititaat malillugit, atorfinittussamik nutaamik suleqatissarsiorpoq.  Sinniisoqarfimmi pisortaq aamma sinniisoqarfimmi sulisut allat, Namminersorlutik Oqartussani naalakkersuisoqarfiit pingaartumillu Nunanut Allanut Naalakkersuisoqarfik, Kalaallit Nunaanni immikkoortortat attuumassutillit allat, EU-mi immikkoortortaqarfinni attaveqaatit, OCTA-p Allattoqarfiani sulisoq EU-mi suliniutit aningaasaateqarfiinut akisussaasoq, il.il.

Suliassatit pingaarnerit:

  • EU-mi suliniutit aningaasaateqarfiinut assigiinngitsunut kalaallinit soqutigisaqartunit peqataaffigineqarsinnaasunut ilisimasaqarluarneq. Tassunga ilanngullugit Erasmus+, Creative Europe, Horizon2020/ Horizon Europe, COSME, Enterprise Europe Network, European Solidarity Corps, BEST 2.0 +, Northern Periphery and Arctic Programme
  • EU-mi suliniutit aningaasaateqarfiinut pillugit Kalaallit Nunaanni qinnuteqartunik siunnersuineq kiisalu qinnuteqaateqarnermi periaatsit pillugit ikiuneq, malitseqartitsineq, nalunaarusiortarneq aamma qinnuteqartitsinernik piffissaliussanillu ingerlaavartumik erseqqissaasarneq
  • Nunat imarpiup akianiittut (OLT) ilaasunut aningaasanik saniatigut aningaasaliissutigineqartunik Kalaallit Nunaata atuisinnaanissaanut sulissuteqarneq
  • Ilaatigut OLT-it allat OCTA-mullu (Overseas Countries and Territories Association) atatillugu suleqateqarneq
  • EU-mi sulianik Kalaallit Nunaannut soqutiginarsinnaasunik nakkutiginninneq paasissutissiisarneq kiisalu nalunaaruteqarluni allakkiorneq
  • Sinniisoqarfimmi suliassaalersunut EU-milu suliassanngortunut Kalaallit Nunaannut attuumassutilinnut tunngatillugu ikiuunneq
  • Pisariaqaraangat Kalaallit Nunaanniit aammalu Kalaallit Nunaannut EU-miit tikeraartoqarnissaanut sinniisoqarfimmi sulisutulli allatut piareersaaqataaneq
  • Allaffimmut tunngasut/sullilluarnissaq siunertaralugu aaqqissuussinermut pissutisit allat


Pisinnaasatit, piginnaanitit misilittakkatillu

  • Suliffimmut attuumassutilimmik minnerpaamik bachelorisut ilinniagalik
  • Nunatsinni inuiaqatigiit piorsarsimassuserlu pillugit ilisimasaqarluarputit
  • Sapinngisamik tuluttut, kalaallisut qallunaatullu oqalussinnaallutit attaveqaqatiginnillaqqissuuvutit ingerlatitseqqissinnaalluarlutillu
  • EU-mik suleqateqarnermik ilisimasaqareeruit misilittagaqareeruillu iluaqutaassaaq
  • Suliffeqarfimmi politikkikkut aqunneqartumi sulinermik misilittagaqaruit iluaqutaassaqaaq
  • Nunani tamalaani suleqatigiiffinni sulinermik imaluunniit nunani allani sulinermik misilittagaqarneq iluaqutaassaaq
  • Ammasuuvutit
  • Suleqatigiinnissamut aamma atassuteqaqatigiinnissamut pitsaasumik piginnaasaqarputit
  • Nammineerlutit suleqatillu peqatigalugit sulisinnaavutit   
  • Takunnilluarsinnaallutit sulisarputit kiisalu politikkikkut aamma/imaluunniit aaqqissuussaanermi oqaluuserisanut annertunerusunut atasunik suliassat aalajangersimasut qanoq ataqatigiinnerinut suliatigut ajunngitsumik misissuisarnikkullu paasinnittarputit


Akissarsiat atorfininnermilu atugassarititaasut
Matumani najukkami atugassarititaasut malillugit atorfinitsinneqarneq pineqarpoq, Danmarkip Belgiami Ambassadiani Belgiami najukkami atorfinitsitsinermi maleruagassat atugassarititaasullu naapertorlugit. Pisinnaasat, misilittakkat siornatigullu sulinikkut angusarisimasat aallaavigalugit akissarsiaqartitsisoqassaaq. Piffissami killilimmi massakkumut ukiuni marlunni piffissaq tamakkerlugu sulisussatut atorfinitsinneqarneq pineqarpoq. Atorfeqarfissamut pisattanik nutsernermut angalanermulluunniit akiliussisoqassanngilaq. Atorfik pillugu sukumiinerusumik paasisaqarnerorusukkuit sinniisoqarfiup pisortaanut Mininnguaq Kleistimut saaffiginnissinnaavutit tlf. +32 (0) 2 233 0961, e-mail: mikl@nanoq.gl
 
Qinnuteqarnissamut killissarititaq: 23. oktober 2020 nal. 16:00 (UTC+1)
Qinnuteqaat ilinniagaqarneq siusinnerusukkullu suliffigisimasat pillugit paasissutissartalik, soraarum-meernermi uppernarsaatit assigisaasalu assilineri ilanngullugit ugguuna nittartakkakkut “qinnuteqaat nassiuguk" toorlugu nassiunneqassapput.
E-mail-ikkut qinnuteqaatinik tigusineq ajorpugut.

Atorfininnermut ulloq tassaavoq 1. november 2020 imaluunniit ulloq alla isumaqatigiissutigineqarsinnaappat.

Uagut pilluta
Naalakkersuisut sinnerlugit Kalaallit Nunaata EU-mut soqutigisai Sinniisuutitaqarfimmit suliarineqarput, taamaalillunilu Kalaallit Nunaata EU-mik suleqatigiinnissamik isumaqatigiissutaanut, EU-llu aalisarneq pillugu suleqatigiinnissamik isumaqatigiissummut, ataatsimoorussamik nalunaarummut, nunat imarpiup akianiittut allat suleqatigalugit, naalagaaffinnik EU-mut ilaasortaatitaqartut kiisalu Kalaallit Nunaata EU-mik allatigut suleqateqarneranut tunngatillugu suleqataasarluni. Taassuma saniatigut Kalaallit Nunaata soqutigisaanik aammalu EU-p Issittoq pillugu politikkianut, Brexitimut, puisit tunisassiarineqarnerannut tunngatillugu Inuit ilaatinneqannginnerannut aalajangersakkat kiisalu suliassat assigiinngitsut allat nalinginnaasumik Kalaallit Nunaannut soqutigisanik isumaginninnermut attuumassuteqartunik sinniisuutitaqarfik suliaqarpoq.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk