Skip to main content
88

Dette jobopslag er udløbet

Kalaallit Nunaanni Uumasunut Nakorsaqarnermut Inuussutissalerinermullu Oqartussaaffik nakkutilliisartumik misilittagalimmik Nunatsinni nakkutilliisussamik sulisussarsiorpoq

Inuussutissalerinermut tunngasunik misilittagaqarpit suliffinnullu tunngatillugu issittumi nutaanik unammilligassarsiorpit? Taamaappat Kalaallit Nunaanni Uumasunut Nakorsaqarnermut Inuussutissalerinermullu Oqartussaaffimmi (UNIO) atorfimmik pissanganartumik neqeroorfigisinnaavatsigit. Maani inuussutissalerinermut tunngasunik ineriartortitsinissamik eqqarsaateqarlutit suliatigut piginnaasatit atorsinnaavatit. Ineriartornermut tassunga sunniuteqaqataasinnaavutit siunnerfilimmillu sulillutit, tamakku tamarmik Kalaallit Nunaata pinngortitarsua kusanaqisoq ilanngullugu neqeroorutigisatsinnut ilaapput.

Atorfik pillugu
Kalaallit Nunaanni Uumasunut Nakorsaqarfik Inuussutissalerinermullu Oqartussat (UNIO) Kalaallit Nunaat tamakkerlugu uumasunut nakorsaqarnermut inuussutissalerinermullu tunngasut suliassat tamaasa akisussaaffigai. 2020-imi inuussutissalerineq pillugu inatsisip ineriartortinneqarnera ilutigalugu nutaanik suliassaqalerpugut pissanganaqisunik, taamaattumillu suleqatissatsinnik piginnaanilimmik ujaasivugut. Suleqatissarput nutaaq inuussutissalerinermut tunngasuni misissuisarnitsinni nakkutilliisarnitsinnilu ilisimasanik misilittakkanillu ikorfartuisinnaassaaq siunissamilu pilersaarusioqataasinnaasassalluni.
UNIO-mi maannakkorpiaq Nuummi allaffeqarfitsinni ataatsimik uumasut nakorsaaneqarpoq, uumasut nakorsaat sisamat piffissaq tamakkerlugu sulisut, uumasut nakorsaat marluk piffissap ilaannaani sulisartut kiisalu nakkutilliisartumillu inuussutissalerinermut sulianik misilittagaqartumik sulisoqarpoq. Taakkua saniatigut Ilulissani Qaqortumilu marlunnik pisortani atorfilittanik uumasunik nakorsaqarpoq. Atorfik Nuummiippoqulluinnarnilu sulissinernik nakkutilliinernillu suliaqartassaatit ingerlatseqataallutillu kiisalu killeqarfinnik nakkutilliinermi (BCP) nunat isumaqatigiissutip avataaniittut aalisariutaannik nakkutilliinermi suleqataassallutit.

Pingaarnertut akisussaaffigisassat

  • Inuussutissalerinermi tunngasuni nakkutilliineq, ilitsersuineq suliassanillu suliarinninneq, matumani suliffeqarfinni inuussutissaleriffiusunik nakkutilliineq/misissuineq aammalu ajornanngippat neqinik misissueqataaneq.
  • Kalaallit Nunaanni uumasut nakorsaattut sulinermut tunngatillugu inatsisinik malittarisassanillu suliaqaqataaneq, matumani Kalaallit Nunaannut inuussutissalerineq pillugu inatsimmik nutaamik suliaqarnermi.
  • Suliat killeqarfinni uumasut nakorsaannit nakkutigineqartunut tunngasut (EU Border Control Posts) Nuummi Sisimiut-nilu.
  • Innutaasunik sullissineq tassunga assersuutigalugit inuussutissanik, uumasunik uumasunillu tammajuitsussanik eqqussisarnermut annissisarnermullu tunngatillugu siunnersuisarneq.


Ilinnut tunngasut
Uumasut nakorsaattut ilinniagaqarputit (cand.med.vet.), inuussutissanut tunngasunik immikkut ilinniagaqqortuujuvutit assingusumilluunniit qaffasissumik ilinniagaqarlutit.
Suliffik nuannaralugu suliffigisinnaassagukku pingaaruteqarpoq:

  • inuussutissanut tunngassuteqartut soqutigisaqarfigissagitit pisortallu aqutsiveqarfiani misilittagaqarnissat.
  • suleqatinik, innuttaasunik oqartussaasunillu allanik suleqateqarsinnaalluarnissat.
  • namminersorlutit sulineq nuannarissagit piffissaliussanillu malinnilluarsinnaassasutit.
  • ataatsikkut arlalinnik suliaqarsinnaanerit pikkoriffigissagit.
  • IT-mut tunngasunut paasinnillaqqissuseqarnissat.
  • Allattariarsornikkut oqaatsitigullu paasiuminarsaallaqqissuussaatit.
  • arlalinnik oqaaseqartuunissat. Allaffimmi ulluinnarni sulinermi danskisut oqaatsit atorneqarput annikitsumillu tuluit oqaasii atorneqartarlutik. Kalaallisut oqalussinnaallutillu allassinnaaguit iluaqutaarujussuassaaq.


Immikkoortortaqarfimmi uatsitulli qiimanissat aammalu inussiarnersumik pitsaasumillu suleqatigiiffiusumi sulinissat nuannarissagit neriuutigaarput.

Sapaatip akunneranut 40 tiimit suliffiussapput. 

Paasissutissat allat
Atorfik pillugu paasisaqarnerorusukkuit uunga attaveqarnissat tikilluaqquneqarpoq: Egill Steingrimsson telefon +299 53 06 86 / +299 34 53 23 imaluunniit uumasut@nanoq.gl. Eqqaamajuk Nunatta Danmarkillu akornanni akunnernik sisamanik nikingassuteqarmat.
Kalaallit Nunaanni pinngortitarsuaq alutornarluinnartuuvoq silamilu nammineerluni sammisassarsiornissamut periarfissaqarluarluni. Nuuk 18.000-ngajannik innuttaassuseqarluni Kalaallit Nunaanni illoqarfiit pingaarnersaraat annersaralugulu. Illoqarfik kulturikkut illoqarfittullu pisoorsuuvoq kiisalu meeqqanut, inuusuttunut inersimasunullu sunngiffimmi susassaqartitsisarluni. Pinngortitami qaqqarsuit kangerluillu kusanaqisut illoqarfiup qeqqaniit qanittuaraapput sunngiffimmilu silaannarmiinnissamut periarfissarissaartitsisarlutik.
Kalaallit Nunaat Namminersorlutillu Oqartussat pillugit annertunerusumik paasisaqarusukkuit, ugguuna atuarsinnaavatit:

Kalaallit Nunaanni kalaallit oqaasii pingaarnersaapput. Kissaatigigukku, piffissap suliffiusup nalaani kalaallit oqaasiinik ilinniartinneqarnissaq neqeroorutigineqarsinnaavoq.

Qinnuteqaat
Qinnuteqaat kingusinnerpaamik sapaammi 5. juli 2020-imi Aalisarnermut, Piniarnermut Nunalerinermullu Naalakkersuisoqarfimmit tiguneqareersimassaaq.

Atorfinitsitsiniarluni oqaloqatiginninnerit ingerlaavartumik pissapput elektroniskimillu attaveqaatitigut ingerlanneqassallutik. 

Piaarnerpaamik atorfinitsitsisoqassaaq.

Kalaallit Nunaanni Namminersorlutik Oqartussat pillugit nalinginnaasumik paasissutissat.
Kalaallit Nunaanni Namminersorneq ulloq 21. juni 2009-mi atuutilerpoq. Namminersorlutik Oqartussat tassaapput Qitiusumik Allattoqarfik (QA), 650-it missaanik sulisulik naalakkersuisoqarfinnut qulingiluanut aqutsisoqarfinnullu arlalinnut agguataarsimasoq. Katilluta inuit 2500-t sinnerlugit Namminersorlutik Oqartussanut atassuteqarpugut.
Qitiusumik Allattoqarfimmi suliassarput pingaarnerpaaq tassaavoq, Naalakkersuisut (Naalakkersuisoqarfiit) aalajangernissaannut tutsuiginartumik tunngavissinnissaat aalajangikkallu piviusunngortinnissaat. Suliniuteqarfinnut tunngasutigut pingaartigaarlugu salliutitaq tassa, pisortat sullissineranni innuttaasunik qanimut suleqateqarnissap sanarfinerani, innuttatsinnut 56.000-iusunut tamanut annguttussamik siuttuunissarput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk