Skip to main content
142

Dette jobopslag er udløbet

Kalaallit Nunaanni Uumasunut Nakorsaqarnermut Inuussutissalerinermullu Oqartussaqarfik uumasup nakorsaanik misilittagalimmik imaluunniit ilinniagartuumik inuussutissalerinermut tunngasunik ilisimasalimmik sulisussarsiorpoq

Aalisarnermut, Piniarnermut Nunalerinermullu Naalakkersuisoqarfik 
Kalaallit Nunaanni Uumasunut Nakorsaqarnermut Inuussutissalerinermullu Oqartussaqarfik
Kalaallit Nunaanni Uumasunut Nakorsaqarnermut Inuussutissalerinermullu Oqartussaqarfik uumasup nakorsaanik misilittagalimmik imaluunniit ilinniagartuumik inuussutissalerinermut tunngasunik ilisimasalimmik sulisussarsiorpoq

Inuussutissalerinermut tunngasunik misilittagaqarpit suliffinnullu tunngatillugu issittumi nutaanik unammilligassarsiorpit? Taamaappat immikkoortortaqarfitsinni Kalaallit Nunaanni Uumasunut Nakorsaqarnermut Inuussutissalerinermullu Oqartussaqarfimmi (UNIO) atorfimmik pissanganartumik neqeroorfigisinnaavatsigit. Maani inuussutissalerinermut tunngasunik ineriartortitsinissamik eqqarsaateqarlutit suliassaqarfinni arlalinni suliatigut piginnaasatit atorluarsinnaavatit. Ineriartornermut tassunga sunniuteqaqataasinnaavutit siunnerfilimmillu sulillutit, tamakku tamarmik Kalaallit Nunaata pinngortitarsua kusanaqisoq ilanngullugu neqeroorutigisatsinnut ilaapput.


Atorfik pillugu:
Kalaallit Nunaanni Uumasunut Nakorsaqarfik Inuussutissalerinermullu Oqartussat (KNUNIO) Kalaallit Nunaat tamakkerlugu uumasunut nakorsaqarnermut inuussutissalerinermullu tunngasut suliassat tamaasa akisussaaffigai. 2019-imi inuussutissalerineq pillugu inatsisip ineriartortinneqarnera ilutigalugu nutaanik suliassaqalerpugut pissanganaqisunik, taamaattumillu suleqatissatsinnik piginnaanilimmik ujaasivugut. Suleqatissarput nutaaq inuussutissalerinermut tunngasuni misissuisarnitsinni nakkutilliisarnitsinnilu ilisimasanik misilittakkanillu ikorfartuisinnaassaaq siunissamilu pilersaarusioqataasinnaasassalluni.
Sulisutut tamakkuninnga suliaqartartut ilagilissavatit ulluinnarnilu suliassavit saniatigut UNIO-p allatut ingerlanneqarsinnaaneranut siunissarlu ungasinnerusoq eqqarsaatigalugu ineriartortinneqarnissaanut peqataasinnaassallutit.

UNIO-mi maannakkorpiaq ataatsimik uumasut nakorsaaneqarpoq, uumasut nakorsaat pingasut piffissaq tamakkerlugu sulisut kiisalu Nuummi allaffeqarfitsinni uumasut nakorsaat marluk piffissap ilaannaani sulisartut. Taakkua saniatigut Ilulissani Qaqortumilu marlunnik pisortani atorfilittanik uumasunik nakorsaqarpoq. Atorfik Nuummiippoq. Ulluinnarni suliassanik suliaqartassaatit ingerlatseqataallutillu kiisalu killeqarfinnik nakkutilliinermi nunat allat aalisariutaannik nakkutilliinermi suleqataassallutit.
UNIO-mi namminersorlutit akisussaaffimmik tigusisassaatit taamatuttaarlu suleqatitit suliassaqarfiillu allat suliassanik kivitseqatigisassallugit. Ulluinnarni suliassannik pilersaarusiorneq aqutsinerlu pikkoriffigissavatit. UNIO suliffeqarfeeraavoq ineriartortuartuullunilu, matumani suliassanik nutaanik ikioqatigiilluta suliarisassatsinnik ingerlaavartumik takkuttoqartarpoq.


Pingaarnertut akisussaaffigisassat:

  • Inuussutissalerinermi tunngasuni nakkutilliineq, siunnersuineq suliassanillu suliarinninneq, matumani suliffeqarfinni inuussutissaleriffiusunik nakkutilliineq/misissuineq aammalu neqinik misissueqataaneq.
  • Kalaallit Nunaanni uumasut nakorsaattut sulinermut tunngatillugu inatsisinik malittarisassanillu suliaqaqataaneq, matumani Kalaallit Nunaannut inuussutissalerineq pillugu inatsimmik nutaamik suliaqarnermi.
  • Danmarkimi Inuussutissalerinermut Aqutsisoqarfimmi isumaqatigiissutit naapertorlugit suliassat, matumani:
    • Suliat killeqarfinni uumasut nakorsaannit nakkutigineqartunut tunngasut (EU Border Inspection Posts).
    • Akuersissutinik atulersitsinerit
    • Innutaasunik sullissineq tassunga ilanngullugit uumasunik, inuussutissanik uumasunillu tammajuitsussanik eqqussisarnermut annissisarnermullu tunngatillugu siunnersuisarneq.

Ilinnut tunngasut:
Uumasut nakorsaattut ilinniagaqarputit (cand.merc.vet.), inuussutissanut tunngasunik immikkut ilinniagaqqortuujuvutit assingusumilluunniit qaffasissumik ilinniagaqarlutit.
Suliffik nuannaralugu suliffigisinnaassagukku pingaaruteqarpoq:

  • inuussutissanut tunngassuteqartut soqutigisaqarfigissagitit;
  • malinnaalluarsinnaanissat, ataqatigiissumik sulisinnaassasutit kiisalu suliassannut tunngatillugu pilersaarusiullaqqinnisssat;
  • suleqatinik, innuttaasunik oqartussaasunillu allanik suleqateqarsinnaalluarnissat
  • najukkami inuussutissarsiutimikkut soqutigisaqartut inuttut attavigilluarsinnaanissaasa pingaaruteqassusaa paasisinnaassagit pingaartissinnaassagillu;
  • namminersorlutit sulineq nuannarissagit piffissaliussanillu malinnilluarsinnaassasutit;
  • ataatsikkut arlalinnik suliaqarsinnaanerit pikkoriffigissagit;
  • pisortat aqutsiveqarfiani ajornanngippallu inuussutissalerinermut tunngasuni misilittagaqarnissat;
  • pimoorussillutit isumatusaartumillu KNUNIO-mik ineriartortitseqataanissat
  • allattariarsornikkut oqaatsitigullu paasiuminarsaallaqqissuunissat;
  • arlalinnik oqaaseqartuunissat. Allaffimmi ulluinnarni sulinermi danskisut oqaatsit atorneqarput annikitsumillu tuluit oqaasii atorneqartarlutik. Kalaallisut oqalussinnaallutillu allassinnaaguit iluaqutaarujussuassaaq.

Immikkoortortaqarfimmi uatsitulli qiimanissat aammalu inussiarnersumik pitsaasumillu suleqatigiiffiusumi sulinissat nuannarissagit neriuutigaarput.
Kalaallit Nunaanni pinngortitarsuaq alutornarluinnartuuvoq silamilu nammineerluni sammisassarsiornissamut periarfissaqarluarluni. Nuuk 18.000-nik innuttaassuseqarluni Kalaallit Nunaanni illoqarfiit pingaarnersaraat annersaralugulu. Illoqarfik kulturikkut illoqarfittullu pisoorsuuvoq kiisalu meeqqanut, inuusuttunut inersimasunullu sunngiffimmi susassaqartitsisarluni. Pinngortitami qaqqarsuit kangerluillu kusanaqisut illoqarfiup qeqqaniit qanittuaraapput sunngiffimmilu inuunermut periarfissarissaartitsisarlutik.

Paasissutissat allat
Atorfik pillugu paasisaqarnerorusukkuit uunga attaveqarnissat tikilluaqquneqarpoq: Egill Steingrimsson telefon +299 53 06 86 / +299 55 06 86 imaluunniit uumasut@nanoq.gl. Eqqaamajuk Nunatta Danmarkillu akornanni akunnernik sisamanik nikingassuteqarmat.
Kalaallit Nunaat Namminersorlutillu Oqartussat pillugit annertunerusumik paasisaqarusukkuit, ugguuna atuarsinnaavatit:

Kalaallit Nunaanni kalaallit oqaasii pingaarnersaapput. Kissaatigigukku, piffissap suliffiusup nalaani kalaallit oqaasiinik ilinniartinneqarnissaq neqeroorutigineqarsinnaavoq.


Qinnuteqaat
Qinnuteqaat kingusinnerpaamik 15. april 2019-imi ataasinngornermi Aalisarnermut, Piniarnermut Nunalerinermullu Naalakkersuisoqarfimmit tiguneqareersimassaaq.
Atorfinitsitsiniarluni oqaloqatiginninnerit ingerlaavartumik pissapput taamatuttaarlu elektroniskimillu attaveqaatitigut ingerlaavartumik ingerlanneqassallutik. 
Piaarnerpaamik atorfinitsitsisoqassaaq.
 
Kalaallit Nunaanni Namminersorlutik Oqartussat pillugit nalinginnaasumik paasissutissat.
Kalaallit Nunaanni Namminersorneq ulloq 21. juni 2009-mi atuutilerpoq. Namminersorlutik Oqartussat tassaapput Qitiusumik Allattoqarfik (QA), 650-it missaanik sulisulik naalakkersuisoqarfinnut qulingiluanut aqutsisoqarfinnullu arlalinnut agguataarsimasoq. Katilluta inuit 2500-t sinnerlugit Namminersorlutik Oqartussanut atassuteqarpugut.
Qitiusumik Allattoqarfimmi suliassarput pingaarnerpaaq tassaavoq, Naalakkersuisut (Naalakkersuisoqarfiit) aalajangernissaannut tutsuiginartumik tunngavissinnissaat aalajangikkallu piviusunngortinnissaat. Suliniuteqarfinnut tunngasutigut pingaartigaarlugu salliutitaq tassa, pisortat sullissineranni innuttaasunik qanimut suleqateqarnissap sanarfinerani, innuttatsinnut 56.000-iusunut tamanut annguttussamik siuttuunissarput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk