Skip to main content
91

Dette jobopslag er udløbet

Kalaallit Nunaanni Silap Pissusianik Ilisimatusarfik pisortassarsiorpoq

Kalaallit Nunaanni Silap Pissusianik Ilisimatusarfik pisortassarsiorpoq
 

Kalaallit Nunaanni Silap Pissusianik Ilisimatusarfik (Greenland Climate Research Center, GCRC) ilisimatusariaatsit akimorlugit ilisimatusarfeqarfiuvoq. Pinngortitaq inuiaqatigiilerinerlu ilisimatusaatitut aallaaviupput, Kalaallit Nunaannilu imaani uumassusillit ataqatigiiffiisa ilisimatusarfigineqarnerat qitiulluni. Ilisimatusarfeqarfik immikkoortortaqarfittut Pinngortitaleriffiup ataaniippoq.
 
Ilisimatusarfeqarfiup ilisimatusarnikkut ingerlatsinermigut imaani uumassusillit ataqatigiiffiisa sunniutaanik, taakkualu pisuussutinut uumassusilinnut naggataagullu inuiaqatigiinnut sunniutaannik paasisaqarneruniarluni ilisimatusarnerit pingaarnersut suliassarai. Ilisimatusarfeqarfiup aamma ingerlatarai imaani avatangiisit Kalaallit Nunaatalu sineriaa atuarlugu imarpeqarfiit pissusaasa allanngorarnerinik alaatsinaanniarluni ukiorpassuarni utikattumik pinngortitaq pillugu ilinniartitaanernik ineriartortitsinernik ingerlassaqarpoq, taamaalilluni kalaallit qallunaallu oqartussaasuinik ilisimatuussutsikkut siunnersuinernik ikorfartueqataalluni.
 
Suliassaqarfiit
Ilisimatusarfeqarfiup pisortaa Pinngortitaleriffiup pisortaata ataani inissisimavoq, immikkoortortaqarfiullu ulluinnarni aqunneqarnera ingerlanneqarneralu akisussaaffigalugit. Ilisimatusarfeqarfimmi pisortassaq sulisuminut siunnersortaassaaq, maligassuisuulluni ineriartortitsisuullunilu. Suliat ingerlanneqartut piffissarititaasoq aningaasartuutissatullu missingersuutit naapertorlugit kiisalu pitsaasumik suliaasimanissaannik pisortartaassaq qulakkeerinnittuusassaaq. Pisortassap ilisimatusarfeqarfiup suliassaqarfimmini iliuusissatut pilersaarutaasut naapertorlugit ingerlanissaa qulakkeertussaavaa. Suliassat allat pingaaruteqartut tassaapput ilisimatusarnerni aqutsinikkullu suliniutinik ineriartortitsinerit, tassani aamma ilaallutik aningaasaliisussarsiortarnerit. Matumani pingaartinneqartorujussuuvoq suliniutit nutaat Pinngortitaleriffimmi sulianik ingerlassanut tapertaalluarnissaat, tassa sulianik pitsaanerulersitsinikkut, atortuutigut atuinernik qaffariaateqartitsinikkut kiisalu paasissutissaatinik suliffeqarfiup ingerlanneqarneranut qaffassaataasunik pissarsiaqaateqarnissamik qulakkeerinninneq.
 
Ilisimatusarfeqarfik ilisimatusartartunut pingaartumik silap pissusiata allanngoriartorneranik sammisalinnut nunatta avataaneersunut pingaarutilimmik attaveqaataavoq, taamaammallu aamma nunarsuarmi tamarmi silap pissusianut tunngassuteqartuni ilisimatusartartunik ilisimatusarfeqarfinnillu allanik annertuumik suleqateqartarluni. Ilisimatusarfeqarfimmi pisortassaq taamaammat aamma nunarsuarmi tamarmi suleqatigiiffinni suleqataasassaaq ilisimatusarfeqarfiit allat peqatigalugit suleqatiginneriaatsinillu nutaanik pilersitseqataasassalluni.
 
Piginnaasatigut piumasaqaatit
Pisortassaq pinngortitaq pillugu ilinniagartuutut ilinniarsimasuussaaq, soorlu biologiulluni Ph.d.-grad-imillu angusaqareersimasussaalluni. Qinnuteqartoq ilisimatusarfeqarfiup suliassaqarfiinut tunngassuteqartunik ilisimaarinnilluartuussaaq, saniatigullu aamma uppernarsaaserneqarsinnaasumik pisortatut, ilisimatusartartutut kiisalu suliniutinik ingerlatsisutut akisussaasutullu atorfeqarnernik misilittagaqareersuusimassalluni. Aamma pingaartinneqarpoq nunarsuarmi tamarmi ilisimatusariaatsit atorneqartartut naapertorlugit sulinermik misilittagaqarluartuunissaq kiisalu Kalaallit Nunaanni pissutsinik ilisimasaqarluartuunissaq. Qinnuteqartoq nammineerluni ilisimatusaatigalugu suliamik ingerlataqartuussaaq. Qinnuteqartup ilisimatusarnikkut soqutigisai ilisimatusarfeqarfiup ilisimatusarnikkut sammivianut attuumassuteqartussaapput.
 
Qinnuteqartumut piumasaqaatit

Aqutsineq

  • Aqutsinermi, allaffissornermi suliniutinillu uppernarsarneqarsinnaasunik ingerlataqarnikuunerit
  • Ilisimatusarnernut malinnaaffiginninniarlunilu misissuisarnernut aningaasaliissutissanik pissarsiniarnernik piginnaanilik
  • Ilisimatusarfeqarfiup ineriartortittuarnissaanik aqunneqarneratalu nukittorsarnissaanik anguniagalik
  • Ilisimatusarfeqarfiup nammineq aammalu avataaneersunik suleqateqartarnerit nukittorsaaviginissaat
  • Kalaallit Nunaanni pissutsinik ilisimaarinneqqissaarneq
  • Malussarissoq suleqatikkuminartorlu, ammasoq ilisimatusarfeqarfimmillu siuarsaaqataalluarumasoq
  • Qallunaatut tuluttullu oqallorissoq, kalaallisut piginnaasaqarneq qujanassaaq

 
Ilisimatusarneq:

  • Nunani tamalaani ilisimatuussutsikkut allaaserinnittarfinni nuimasuunermigut ataqqisaasoq
  • Ilisimatusaatigalugit suliniutinik annertuunik ineriartortitsinernik, aqutsinernik aningaasaqarnerinillu aqutsinernik misilittagaqarneq
  • Ilisimatusariaatsit akimorlugit ilisimatusarnernik aamma sumiiffigisami ilisimasanik ilaqartinneqartunik peqataasimanernik misilittagaqartuuneq
  • Ilisimatusarnerup iluani atortorissaarutinik nutaaliaalluinnartunik atuisinnaanermik misilittagaqarneq
  • Kalaallit Nunaanni Issittumilu ilisimatusaqataasarnernik misilittagaqarneq
  • Nunarsuarmi tamaniittunik attavigissaarneq
  • Ilisimatusarnernit angusanik angorusutanut assigiinngitsunut saqqummiisarnernik misilittagaqarneq
     

Akissarsiat atorfeqarnermilu atugassarititaasut
Atorfik inuttarsarsiuunneqarpoq sulilerfissaralugu maajip aallaqqaataa 2021. Akissarsiat atorfeqarnermilu atugassarititaasut Namminersorlutik Oqartussat Pinngortitaleriffiullu akornanni isumaqatigiissutigineqarsimasut naapertorlugit Pinngortitaleriffimmi Immikkoortortami pisortat akissarsiaasa sulinermilu atugassarititaasunut tunngassuteqarluni isumaqatigiissutaasa assinganik inisseqqapput. Atorfik ukiuni killiligaasuni, tassa ukiuni pingasuni, atorfeqartitsinissamik isumaqatigiissutitaqarpoq, atorfinitsinneqartussarlu periarfissaqarpoq atorfeqartitaanini ukiunik pingasunik sivitsortinniarlugu qinnuteqarsinnaanissaminut. 

Inissaq
Atorfik initaqartinneqanngilaq. Qinnuteqartoqassappat Namminersorlutik Oqartussat inissiaataanni ineqareersumik, inigisap attartornera sivitsuiffigiinnarneqarsinnaavoq. Atorfeqarnermut atatillugu ineqartitaagaanni, atorfigisimasaq qimannerani taava inigisamit attartukkamit anisoqartariaqarpoq.
 
Qinnuteqarnissamut ulloq killigitaq: 1. marts 2021
 
Qinnuteqaatit, CV, ilinniarsimanermut pikkorissartarnerniillu uppernarsaatit, allallu pappiaqqatit soqutiginaateqarsinnaasut ilanngullugit tuugassaq ”Qinnuteqaat nassiutiguk” toorlugu nassiutikkit.
Qinnuteqaatit email´ikkut nassiussat tigunavianngilagut.
 
Itinerusumik paasisaqarusunnermi attavissaq:
Pinngortitaleriffimmi pisortaq Klaus Nygaard 361200, imal. mail: nygaard@natur.gl.

 

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk