Skip to main content
99

Dette jobopslag er udløbet

Kalaallit Nunaanni Peqqissutsimut Naalakkersuisoqarfimmut inatsisileritooq

Suliffimmut allanngorartumut suliatigullu assigiinngisitaartunut peqataarusuppit? Politikkikkut isumassarsiat piviusunngortinnissaannut inatsisitigullu suliniutit naammassineqarnissaannut peqataarusuppit, taassumalu peqatigisaanik inatsisilerituutut piginnaanngorsarusuppit? Taamaappat Peqqissutsimut Naalakkersuisoqarfimmi inatsisilerituutut pissanganartumik atorfimmut juulip aallaqqaataanit 2019-imi isumaqatigiissuteqarluniluunniit aallartittussamik  inissaqartippatsigit.

Peqqissutsimut tunngasutigut Peqqissutsimut Naalakkersuisoqarfik qullersaalluni oqartussaasuuvoq. Suliassatsinni pingaarnerpaaq tassaavoq, Naalakkersuisut Kalaallit Nunaanni peqqissutsikkut siuarsaaniarnermi peqqinnissaqarfiup iluani suliniutinik ineriartortitsisarnernik tatiginartumik aalajangiinissaannut tunngavissalissallugit.

Inatsisiliorneq, inatsisissatut siunnersuusiorneq, nalunaarusiorneq kiisalu peqqinnissaqarfimmi inatsisitigut ajornartorsiuteqartillugu suliaqarneq inatsisilerituutut suliassat ilagaat. Taakku saniatigut peqqissutsimut allaffissornikkullu suliaqartunik suleqateqassaatit.

Suleqatigiit uagut tassaavugut inatsisilerituunik, peqqinnissaqarfimmi sulianut tunngasutigut siunnersortit, oqalutsit AC-fuldmægtigit, suleqatigiinnermik suliamullu tunngasunik sulinermi qaffasissumik ingerlatsinermik pingaartitsisut. Sulinermi avatangiisigut ammasuupput persuarsiortuunatillu. Kultureqarpugut, kikkunnut tamanut nutaaliorluni aaqqissuussinissanut suliatsinnillu naammassinninnissatsinnut tapersiuteqarnissamut periarfissiisarluta.

Taamaattumik peqqinnissaqarfik soqutigigukku iluaqutaassaaq, kisianni ammasuunissat, suliamut pikkorissuunissat suleqatiginnikkusussuseqarnissallu pingaarneruvoq. Atorfik Siunnersuisooqatigiit Inatsisinullu immikkoortortaqarfimmi inissisimavoq, tassanilu inatsisilerituunik pingasunik AC-fuldmægtigimillu ataatsimik sulisoqarpoq.

Inatsisilerituutut suliassavit ilaat makkuussapput:
 

  • Peqqissutsimut Naalakkersuisumut kiffartuussineq
  • Peqqissutsimut tunngasutigut inatsisiliornernik piareersaasarnerit suliarinnittarnerillu
  • Peqqinnissaqarfimmi inatsisitigut iluarsiissutinik ineriartornermik tapersersuisarnerit
  • Suliffeqarfimmi namminermi taassumalu avataani inatsisilerituutut siunnersuisarnernik.
  • Akissuteqaatinik, politikkikkut akissuteqartarnernik nassuiaatinillu suliaqartarnerit

Naatsorsuutigaarput, illit

  • Kalaallit Nunaanni sulinissamut alapernaatsuusutit nuannaartuullutillu
  • Namminersortumik nutaaliortumik aaqqiissuteqarnissamulli eqqarsartaaseqartutit
  • Inatsit paasiuminaassinnaasut ersarissunngorlugit paasinartunngorlugit oqaasinngortissinnaassagitit
  • Inatsisilionermik misilittagaqarusuttutit misilittagaqareersutilluunniit
  • Politikikkut aaqqissugaasumi suliaqarnissamik misilittagaqartutit.
  • Suliassaqarfiit akimorlugit suliniutitut isikkulinnik suliaqarsinnaassasutit


Aningaasarsiatigut atorfinitsitaanermilu atugassarititaasut
Aningaasarsiatigut aamma atorfeqartitaanermi atugassarititaasut, taakkununnga ilanngullugit akiliunneqarluni atorfinikkiartorluni soraarlunilu angalasinnaatitaaneq aamma pequtit nuunneqarsinnaanerat isumagineqartarput, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaa/sulisunut isumaqatigiissutaa naapertorlugu.

Inissaqarneq
Atorfinittumut sulisunut inissiaq pequsersugaanngitsoq malittarisassat sukkulluunniit atuuttut malillugit innersuussutigineqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqartassapput. Atorfimmut atatillugu ini atorfeqarnermut tunngavoq atorfeqarnerullu taamaatinneqarnerani qimanneqassalluni.
Ineqarnermut akiliut aamma inissiap pitsaassusia nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaammat utaqqiisaasumik inissiisoqarsinnaasarpoq, matumani aamma najugaqatigiiffiit minnerusut imaluunniit akunnittarfinni inissiat pineqarput, taakkulu akileraarusersorneqassallutik.

Qinnuteqarneq attaveqarnerlu
Kingusinnerpaamik qinnuteqarfissaq 10. juni 2019. Oqaloqatiginnittoqartarnissaa naatsorsuutigineqarpoq. Qinnuteqarnermi CV, ilinniarsimanermut uppernarsaatit kiisalu inuit attavissat pingasut pillugit paasissutissat ilanngunneqassapput.

Soqutiginnittut tamaasa utoqqaassuseq, suiaassuseq, ammip qalipaata, upperisaq, inuiannut sumut ilaaneq apeqqutaatinnagit atorfimmut qinnuteqaqquavut.

Atorfik pillugu paasissutissanik allanik pissarserusukkuit immikkoortortaqarfimmi pisortamut Michael Würtz-mut attaveqarsinnaavutit, oqarasuaat +299 34 66 18 imaluunniit mail micw@nanoq.gl, taakku saniisigut nittartakkat innersuussutigineqarput www.naalakkersuisut.gl og www.peqqik.gl

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk