Skip to main content
93

Dette jobopslag er udløbet

Kalaallit Nunaanni Peqqinnissaqarfimmi qullersaqarfiup allatseqarfia AC-fuldmægtigimik piginnaasanik inerisaanermik, ilinniartitaanermik attaveqatigiinnermillu soqutigisalimmik pissarsiorpoq

Ilinniakkat kulturillu akimorlugit suleqatit peqatigalugit suleqatiginnisinnaavit, piginnaasanullu ilinniartitaanermullu tunngasut soqutigalugit? Attaveqateqarninni ersarissuuit, nikallujaatsuuit aaqqisuussamillu pissuseqarpit? Kalaallit Nunaanni Peqqinnissaqarfimmi suleqataarusuppit? Taamaassappat illit piginnaasatillu atorfissaqartippagut!
 
Atorfiniffissaq 1. februar 2022  immikkulluunniit isumaqatigiissuteqarnikkut

Nammineersinnaassusilimmik qaffasissumik ilinniagalimmik nunatsinni Peqqinnissaqarfimmi ilinniartitaanernik pikkorissaanernillu ataatsimut pilersaarusiornermi peqataanissamik soqutiginnittumik, kiisalu allatseqarnikkut suliassanik aqutsisunillu kiffartuussinermik suliaqarsinnaasumik pissarsiorpugut.

Atorfik
Qullersaqarfimmi Allatseqafik Peqqinnissaqarfimmi qullersanut allatseqarnikkut aqutsinermilu tapersersuinikkut ikiuuppoq. Suliffeqarfimmik ulluinnarni ingerlatsinermi iliuusissanillu inerisaanermi immikkoortortani nakorsaaviusuni aqutsisunut ikiuutarpuguttaaq suliniutinullu suleqatigiissitanullu assigiinngitsunut tapersersuisarluta. Allatseqarfimmi suliassat ataatsimoorullugit naammassineqarnissaannut tamatta peqataasarpugut.

Qullersaqarfiup allatseqarfiani sulisut eqimattakkaarlutik inissisimapput. Eqimattani pingasuusuni inuttassarsiuunneqartoq ”Atugarissaarneq attaveqatigiinnerlu (Trivsel og Kommunikation)”-mi inissinneqassaaq.

Sulianik ingerlatsinitsinni inissisimaffinni aaqqisuussaanikkut qaffasissutsini assigiinngitsuni peqataatitsineq inerisaanerlu  qulakkeerniagaraagut, allatseqarfimmi ulluinnarni ingerlatsinermi nalinginnaasumillu aqutsisunik allatseqarnikkut sullissinermi tamatumunngalu atatillugu ataatsimiinnissanik pilersaarusiornernut kiffartuussinernullu, saaffiginnissutinut akissuteqarnernut saqqummiussassanik, aalajangiivigisassatut siunnersuutinik allakkianillu suliaqarnermi suleqataanissat naatsorsuutigaarput.

Eqimattami ”Atugarissaarneq attaveqatigiinnerlu”-mi makku pingaarnertut suliarineqartarput: Suliffimmi isumannaallisaanikkut pissutsit, suliffeqarfiup iluani avataanilu attaveqatigiinneq, piginnaasanik inerisaaneq, ilinniartitaanerlu. Suliassani kingullertut taaneqartoq illit pingaarnertut suliassatut ingerlatassarissavat.

Peqqinnissaqarfiup piginnaasanik inerisaanissamut atatillugu anguniagassatut siunniussaanik nutarterinermik ingerlatsisuussaatit. Pikkorissaanernik ilinniaqqinnissanillu 2021-imi 2022-imilu pisussanik   pilersaarusiornermi ataqatigiissaarisuussaatit. Tamatuma saniatigut pikkorissaanissanik aalajangersimasunik pilersaarusiornermut ingerlatsinermullu tunngatillugu Peqqinnissaqarfimmi aqutsisunik pingaarnertullu attavissanik suleqatigiinnissaq akisussaaffigissavat.

Qulaani pineqartunut ilassutitut sulinermik sungiusartunut ilinniartunullu tunngatillugu sulianut atassuserneqassaatit. Suliassat taakku annertunersaat nakorsanngornianut nakorsanngorlaanullu, Danmarkimi ilinniarfinnut nunatsinnilu ilinniartitaanermut akisussaasunut atassusigaapput. Nakorsanngorlaat ilinniartitaanerannut siunnersuisoqatigiinnik Rådet for Yngre Lægers Uddannelse allatseqarnikkut kiffartuussineq suliassami tamatumani ilaavortaaq.

Pikkorissaanerni ilinniaqqittarnernilu malitseqartitsinertut ilinniartunillu attaveqarnermi saaffigisanut assigiinngitsunut paasissutissiissutitut pissarsiarineqarsinnaasunik nutarterinissaq pisariaqartinneqarpoq. Taamaammat misilittagaqarnissat aamma/imal. avammut paasissutissiissutinik nittartakkatsinni: www.peqqik.gl -imiittunik Peqqinnissaqarfimmilu namminermi maleruagassanik allakkilerinermi sullississummi D4-imiittunik nutarterinissamik soqutigisaqarnissat kissaatiginarpoq.

Suliassavit ilagissavaat:

  • Sammisassanik pikkorissarnermullu pilersaarusiorneq ukiorlu kaajallallugu pisartunik nutarterineq
  • Ataatsimeersuarnissanik – ataatsimiinnissanillu aaqqisuussineq (tamatumunngalu atatillugu pikkorissarnissanut nassuiaatit, aningaasartuutissatut missingersuutit, peqataaniarluni nalunaarfissat inissanillu inniminniineq)
  • Pikkorissarnissanut qinnuteqaatinik kiisalu sulinermi sungiusarnissamut qinnuteqaatinik suliaqarneq
  • Ilitsersuusiorneq
  • Internetsimik tunngaveqarluni paasissutissanik ingerlatitseqqiineq suliassallu attaveqatigiinnermut tunngasut

Illit
Iliuuseqarsinnaassuseqarnissat, inerisaasinnaassuseqarnissat sulianillu qaffasissumik pitsaassusilinik- piffissakilliornermissaaq naammassinnissinnaassuseqarnissat piumasaqaataapput. Attaveqatigiinnikkut– pingaartumik allakkatigut nukittuffeqarnissat suliffeqarfimmilu paasilertoruminaatsumi allanik suleqateqarnikkut angusaqarfiusartumi sulinissamut piginnaaneqarnissat kajumissuseqarnissallu naatsorsuutigaarputtaaq.
Tamatuma saniatigut kissaatigaarput:

  • Kandidatitut ilinniarsimanissat. Ilinniakkaminnik naammassinnerlaat matumani aamma pineqarput.
  • Pikkorissaanermut ilinniaqittarnermullu tunngasunik suliaqarnermik aaqqisuussinernik annerusunik  nalinginnaasumik ataqatigiissaarinermik pilersaarusiornermillu misilittagaqarnissat imal. soqutigisaqarnissat
  • Allaffissornikkut ingerlatanik inerisaallutillu ingerlatsisinnaanissat
  • Ataatsimut isiginnissinnaajuarnissat annikitsortaanullu malussarsinnaassuseqarnissat
  • Eqaatsumik pissuseqarnissat, kiffartuussiumatuujunissat, ikiuukkumatuujunissat kiisalu suleqatikkuminartuunissat tunniusimanissallu.

Kalaallisut qallunaatullu oqalussinnaaguit iluaqutaassaaq, kisianni piumasaqaataanngilaq

Neqeroorutigaarput

Suliffik pissanganartoq assigiinngiiaartunik suliassalik, ilinniagaqassutsikkut inuttullu ineriartornissamut pitsaasunik periarfissalik. Sullivimmi avatangiisini persuarsiorfiunngitsuni suleqatinut pikkorissunut pimoorussisunullu akuulissaatit, Peqqinnissaqarfiullu ineriartorteqqinnissaanut suleqataassallutit.

Atorfik aaqqisuussaanikkut qullersaqarfiup allatseqarfiani pitsaassutsimullu imm. inissisimavoq, tassanilu suliffeqarfik, suliassatit akisussaaffitilu pillugit sukumiisumik ilitsersuunneqassaatit.

Sulianik ingerlatsinitsinni inissisimaffinni aaqqisuussaanikkut qaffasissutsini assigiinngitsuni peqataatitsineq inerisaanerlu  qulakkeerniagaraagut, allatseqarfimmi ulluinnarni ingerlatsinermi nalinginnaasumillu aqutsisunik allatseqarnikkut sullissinermi tamatumunngalu atatillugu ataatsimiinnissanik pilersaarusiornernut kiffartuussinernullu, saaffiginnissutinut akissuteqarnernut saqqummiussassanik, aalajangiivigisassatut siunnersuutinik allakkianillu suliaqarnermi suleqataanissat naatsorsuutigaarput.

Persuarsiortuunnginneq – inuttut suliffimmilu suleqatikkuminartuunissaq pingaartitaraagut. Angusaqarusussusilimmik, isumagissumik nukissaqarluartumillu suleqatitaarnissaq kissaatigaaarput.

Sulinngiffeqarneq
Danmarkimi kommunini naalagaaffimmilu atorfillit Namminersorlutik Oqartussani atorfininnissamut atatillugu killiligaanngitsumik sulinngiffeqartitaasinnaanermut pisinnaatitaaffeqarput.
 
Paasissutissat allat
Atorfik pillugu paasisaqarnerorusukkuit allaffimmi aqutsisoq Else-Marie Brødsgaard oqarasuaat +299 34 47 00 imalt. e-mailikkut embr@peqqik.gl attavigisinnaavat.

Kalaallit Nunaanni Peqqinnissaqarfik pillugu uani annertunerusunik paasisassarsiorsinnaavutit: www.peqqik.gl aaqqisuussaanermullu tunngasoq: https://peqqik.gl/Footerpages/Til-fagpersoner
 
Qinnuteqarneq
Qinnuteqarfissatut killiliussaq 15. decemberi 2021.
Qinnuteqartunik oqaloqateqarnerit sap. ak. 50-imi 51-imilu ingerlanneqarnissaat naatsorsuutigineqarpoq.
 
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk