Skip to main content
97

Dette jobopslag er udløbet

Kalaallit Nunaanni Niuernermik Ilinniarfik TNI-mi ilinniartitsisussarsiorpoq

Ilinniartitsineq uummateqarfigaajuk? Kalaallillu inuusuttortaannik ilinniartitsinissaq pilerigalugu? Taava ujagarput illiuvoq.
 
Nuummi Niuernermik Ilinniarfik, tunngaveqarluarluni ingerlalluarlunilu ilinniarfiuvoq, ilinniakkanik inuutissarsiornermut assassornermullu tunngasunik, suliffeqarfiit pisortallu ingerlataat suleqatigalugit neqerooruteqartoq. Nuummi Niuernermik Ilinniarfik ineriartuleruttorpoq, neqeroorutinik nutaanik ukkataqarfiusoq, ilinniartunut pilerinartuunissamik ilinniartullu tigummiinnarnissaannik anguniagaqarnermik nukittorsaasussaq, aammalu suliffeqarfiit pisariaqartitaannut naleqquttumik  pisinnaasaqarluartunik ilinniartitsisoq. 

Suliassatit
Tunngaviusumik ilinniakkami ilinniartitsisutut siunissami allaffimmiutut- aamma pisiniarfimmi ikiortitut pikkorinnerpaajullutik sulilersussat ilinniartitsisooqataaffigisussaavatit. TNI-mut ilinniarfinni suleqatigiinnut ilannguttussaavutit.
Tassa TNI Flex, TNI BASIS aamma TNI ilinniartitsisuuffigisussaavatit. Ilinniartut ilikkariartornerat ilinniarnermilu nalaanni ingerlalluarnersut ukkatarisussaavatit, suleqatitit suleqatigalugit aammalu ilinniartut naammassinninnissaannut ilitsersuuttartussaallugit.

Fag-it ilinniartitsiffigisassatit makkuusinnaapput…

  • Nioqqutissanik tunisineq
  • Tuniniaanissamik pilerisaarineq
  • Nunat tamalaat akornanni niuerneq
  • Inuutissarsiornermi aningaasarsiorneq
  • Inuiaqatigiilerineq
  • Ingerlatsineq
  • Fag-it tunisassianik ilisimasaqarnermut tunngasut


Ilinniartitsisutut fag-ini assigiinngitsuni ilinniartitsisoqatigiiaat siunnersueqatigisarlugillu suleqatigisussaavatit. Aamma atuarfimmut perorsaanermullu anguniakkat iliuusissallu piviusunngortinnissaannut suleqataanerit pingaaruteqartussaavoq. Ilinniarnernut inspektørip ataani ulluinnarni inissisimassuutit. 

Kissaatigaarput makku piginnaasaqarfigissatit

  • Inuutissarsiornermut tunngasumik - aamma qaffasinnerusumik ilinniagaqarsimassuutit, kandidatitut qaffasitsigisumik, pædagogikum, lektor-itut qaffasitsigisumik assigisaanilluunniit angusaqarsimassallutit.
  • Ilisimasassat tungaatigut tunuliaqutarissaarlutit, ilinniartitsineq ilisimasanillu ingerlatitsitseqqisinnaaneq misilittagaqarfigalugit
  • Unamminartunut nakimanngitsuuneq ilinniartitsisutta oqaasinnaaraat, suleqatinik siunnersoqatigiissinnaaneq ataatsikkut ineriartornitsinnut akuuvoq pingaarutilik.
  • Suleqateqarluarsinnaasoq, tunuarsimaanngitsoq aammalu suliffimmi ingerlalluartumi avatangiisigissaartumilu sulinissamut naleqquttoq
  • Attaveqallaqqissuuneq aamma kalaallisut qallunaatullu oqallorissuuneq annertuumik pingaaruteqarput


Neqeroorutigaarput
Ilinniarfimmi alliartortumi suliffik pissanganartoq, ilinniartuutitsinnik, ilisimatusartunik suleqataasunillu
pigisatsitut pingaarnertut pilersitsisinnaasutullu isiginnittoq. Unamminartunik pissanganartunik naapitsisassaatit, periarfissaqassalutillu sulisut pikkorissut, suliaminnik aallussisut, isumassarsinartut pilersitsisinnaasullu suleqatigilernissaannut, ulluinnarni qiimaneq pingaartillugu suleqataasut.  

Sap. akunneranut nal. ak. 40-nut suliffiuvoq, atorfillu 1. december 2020 imaluunniit isumaqatigiissuteqarnikkut inuttalerneqassaaq.

Paasissutissat allat
TNI-mi ilinniartitsisutut uatsinni sulisutut ilinnut takorloorsinnaaguit, paasisaqarnerorusullutillu, Ilinniartitaanermut inspektøri Kista Isaksen  oqarasuaat +299 382599 imaluunniit e-mail kisi@ninuuk.gl attaveqarfigissavat.

Kalaallit Nunaanni Niuernermik Ilinniarfik pillugu atuarsinnaavutit uani www.ninuuk.net

Tusarfiginissat qilanaaraarput!

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk