Kalaallit Nunaanni Namminersorlutik Oqartussat / Grønlands Selvstyre

Aalisarnermut Piniarnermullu Naalakkersuisoqarfik,
Kalaallit Nunaanni Uumasut Nakorsaqarfik Inuussutissalerinermullu Oqartussaaffik

Kalaallit Nunaanni Uumasut Nakorsaqarfik Inuussutissalerinermullu Oqartussaaffik Uumasut nakorsaattut atorfinittussamik pissarsiorput.

Uumasut nakorsaattut piginnaasatit tamakkiisumik atortarusuppigit, suliassanillu assigiinngitsunik anguniagaqarfiusumik nammineerlutillu sulisarusuppit - taamaappat Nunatsinni pinngortitami kusanarluinnartumi atorfimmik pissanganartumik neqeroorfigisinnaavatsigit.

Atorfik pillugu:
Kalaallit Nunaanni Uumasut Nakorsaqarfik Inuussutissalerinermullu Oqartussaaffik (UNIO) Kalaallit Nunaat tamakkerlugu uumasut nakorsaqarnermut inuussutissalerinermullu tunngasut tamaasa akisussaaffigai. Uumasut nakorsaattut tamakkuninnga suliaqartartut ilagilissavatit ulluinnarni suliassavit saniatigut UNIO-p nutaamik ingerlanneqarsinnaaneranut siunissarlu ungasinnerusoq eqqarsaatigalugu ineriartortinneqarnissaanut peqataassaatit.

Atorfiit iluini suliassanik akisussaaffinnillu amerlasuunik assigiinngitsunillu periarfissaqarpoq, namminerlu piginnaanitit soqutigisatillu apeqqutaatillugit suleqatit suleqataasartullu allat peqatigalugit suliassatit sinaaqqusersorsinnaavatit.

UNIO-p akisussaaffiisa ilai:

• Qimmit nappaataannut parvovirusimullu aamma perlerornermut akiuussutissanik kapuisarnissamut pilersaarutit ingerlannissaat, kommuniniit akuerisatut akiuussutissanik kapuuisinnaanissaannik pikkorissaanerit taakkununnga ilaallutik.
• Uumasut illersorneqarnissaat aammalu nappaatinut inuit uumasullu akornanni tunillaassorsinnaasunut tunngatillugu nakkutilliiartortarnerit siunnersuisarnerit suliassanillu isumaginnittarnerit., taakkununnga ilaallutik;
  • Qimminik qimuttunik Uumasut nakorsaattut naliliinerit nakkutilliinerillu.
  • Telemedicin aqqutigalugu qimminik qimuttulinnut nakorsiartitsisarnerit.
  • Nersutaatilinni savaatilinnilu nakkutilliinerit uumasuutinillu alakkaasarnerit aamma nakorsiartitsisarnerit.
  • Uumasunik illersuiniermut tunngasunik suliaqartarnerit.
• Innutaasunik sullissineq tassunga ilanngullugit uumasunik, inuussutissanik, nunatsinnut eqqussisarnermut nunatsinniillu annissisarnermullu tunngatillugu siunnersuisarneq.
• Inuussutissalerinermut tunngatillugu nakkutilliiartortarneq, siunnersuisarneq suliassanillu isumaginnittarneq.
• Danmark-mi Fødevarestyrelsen-imik isumaqatigiissuteqarnermut atatillugu suliassat, taakkununnga ilaallutik:
  • EU Border Control Post-imi suliniutini uumasunut nakorsaqarneq (killeqarfinni nakkutilliineq).
• Toqoraavinni nakkutilliineq, tassunga ilanngullugu toqoraavinni nakkutilliinernit aaqqiinernik pitsaassusaannik misissuisoqartarneq.
• Kalaallit Nunaanni uumasunut nakorsaqarnermut tunngatillugu suliassat eqqarsaatigalugit tamakku inatsisiliuunneqarlutillu maleruagassiuunneqarnissaanut suleqataaneq.
• Naalakkersuisunik sullissineq.           

UNIO pillugu:
UNIO massakkut uumasut nakorsaannik pingasunik aalajangersimasunik, uumasut nakorsaannik pingasunik piffissap ilaani sulisartunik, nakkutilliisartunik inuussutissalerinermut sulianik misilittagaqartunik marlunnik aamma allaffimmiumik ataatsimik sulisoqarpoq.

Aaqqissugaaneq eqqarsaatigalugu Nuummi immikkortoqarfimmi katersuuteqqavugut. Tassanngaanniillu Kalaallit Nunaat tamaat, susassaqarfitta iluani isumagisassat isumagalugit soorlu uummasoqarneq, uummasunik illersuineq, uumasut peqqinnissaat, nappaatit inuit uumasullu akornanni tuniluussinnaasut, inuussutissalerisunik nakkutilliinerit siunnersuinerillu, uumasunik toqoraanerup nalaanni nakkutilliineq, allanillu oqartussaaffitta ataani suliaqartarluta, soorlu naalakkersuisumik innuttaasaunullu sullissinerit, killeqarfinnilu nakkutilliinerit il.il.

Atorfiit illuttut Nuummi inissisimapput ulluinnarnilu suliassat UNIO-mi ingerlanneqartartunut peqataassallutit suliffeqarfimmi eqeersimaarfiusumi suliassallu ingerlaavartumik takkussuuttartumi. Tassanilu Uumasut Nakorsaqarfia Inuussutissalerinermullu Oqartussaaffimmi immikkoortortaqarfimmi pisortamut ulluinnarni attaveqartassallutit.

Ilinnut tunngasut:
Uumasut nakorsaatut (Cand.med.vet) ilinniagaqarsimassaatit Danmark-imiit allagartaqarlutit.

Suliffik nuannaralugu suliffigisinnaassagukku makku pingaaruteqarput:

• tamakkiisumik isiginnissinnaassuseqarnissat, aaqqissuussamik sulisinnaassuseqarnissat suliassannillu pilersaarusiorluarsinnaassuseqarnissat.

• suleqatinik, innuttaasunik oqartussanillu allanik suleqateqarluarsinnaassuseqarnissat.
• IT-mut tunngasunut paasinnillaqqissuseqarnissat.
• nammineerluni sulisinnaassuseqarnermik nuannarisaqassaatit pisuni ilungersunartorsiorfiusuni eqqarsarluarsinnaassuseqassallutillu.
• Allattariarsornikkut oqaatsitigullu paasiuminarsaallaqqissuussaatit.
• Arlalinnik oqaaseqartuussaatit. Allaffimmi ulluinnarni sulinermi danskisut oqaluttoqartarpoq annikitsumillu tuluit oqaasii atorneqartarlutik.  Kalaallisut oqalussinnaallutillu allassinnaaguit iluaqutaalluassaaq.

Neriuppugut nuannaartuussasutit immikkoortortaqarfimmilu suliffigisatsinni suliassat naammassineqarnissaat anguniarlugu suleqatigiiffiusartumi persuarsiorfiunngitsumik nuannersumillu oqaluffiusartumi sulisinnaassuseqassasutit.

Kalaallit Nunaanni pinngortitarsuaq alutornarluinnartuuvoq silamilu nammineerluni sammisassarsiornissamut periarfissaqarluarluni. Kalaallit Nunaata avataaniit qinnuteqartunut tunngatillugu sungiusimasamit allaasumit kulturikkut piumasaqaateqarfiusumi sulinissamut piginnaaneqarneq, piumassuseqarneq kajumissuseqarnerlu pingaaruteqarpoq. Malugiuk Kalaallit Nunaanni nammineerluni angalasarnissaq atorfimmut ilaammat taamaattumillu kulturimi atuuttumi ataqqinnillutillu sapiissuseqarnissat namminersorlutit qaffasissumillu ilinniakkannut tunngasunik sulisinnaanissat pisariaqarpoq.
Nuuk 19.000-nik innuttaqarpoq nunatsinnilu illoqarfinni pingaarnersaalluni.

Aningaasarsiaqartitaanermi atorfeqartitaanermilu atugassarititaasut
Akissarsiat atorfinitsitaanermullu tunngasut, taakkununnga ilaallutik atorfinikkiartorluni soraarnermilu angalanissanut pequtinillu nuussinermut tunngasut atorfininnerup nalaani Namminersornerullutik Oqartussat kattuffiullu ilaasortaaffigisap isumaqatiginninniarsinnaatitaasup akornanni isumaqatigiissutit malillugit aalajangerneqassapput.
Qinnuteqartunut tjenestemanditut atorfeqareersunut tjenestemanditut atorfinitsitsisoqarsinnaassaaq. Kalaallit Nunaanni Namminersornerullutik Oqartussani kommuninilu tjenestemandit pillugit Inatsisartut inatsisaat nr. 21, 18. december 2003-meersooq naapertorlugu tjenestemanditut atorfinitsitsisoqassaaq.
Piffissaq suliffiusussaq sapaatip akunneranut nalunaaquttap akunnerinik 40-nik sivisussuseqarpoq. 

Ineqarneq
Maleruagassat qaqugukkulluunniit atuuttut malillugu sulisunut inissiamut pequtilersorneqanngitsumut atorfimmut innersuussisoqarsinnaavoq.  Inissiamut innersuunneqartumut maleruagassat qaqugukkulluunniit atuuttut malillugit ineqarnermut akilimmik qularnaveeqqutinillu akiliisoqassaaq.  Inigisap qanoq pisoqaatiginera, piginnittoqarnikkut pissutsit il. apeqqutaatillugit ineqarnermut akiliut aamma inissiap pitsaassusia assigiinngisitaarsinnaavoq. Sulisunut inissiaq atorfeqarnerup taamaatinnerani qimanneqassaaq. Ataavartumik sulisunut inissiamut utaqqisoqarsinnaavoq, taamaattumik utaqqiisaasumik illusimatitsisoqarsinnaalluni, tassunga ilanngullugu aamma ataatsimut ineqarfinni mikinerusuni imaluunniit hotelini inissiani.

Paasissutissat allat
Atorfik pillugu sukumiinerusumik paasisaqarusukkuit Uumasut nakorsaanermut Anna Jespersen oqarasuaat +299 345353 / +299 566231 imaluunniit allagaqarlutit uunga uumasut@nanoq.gl attaviginissaanut tikilluaqqusaavutit.
Malugiuk Nunatta Danmarkillu akornanni akunnernik sisamanik nikingassuteqarmat.
Kalaallit Nunaat Namminersorlutillu Oqartussat annerusumik paasisassarsiorfiginiarukkit uani takukkit www.sullissivik.gl aamma www.naalakkersuisut.gl
Kalaallit Nunaanni kalaallit oqaasii pingaarnersaapput. Kissaatigineqarpat piffissap suliffiusussatut aalajangigaareersup isumaqatigiissutaasimasup iluani kalaallisut ilinniartitsinissaq neqeroorutigineqarsinnaavoq.

Qinnuteqaat
Qinnuteqaat naalakkersuisoqarfiup tigoreersimassavaa kingusinnerpaamik ulloq 10. april 2023.
Atorfinitsitsinissamut oqaloqatigiinnissat attaveqaatit atorlugit ingerlaartumik sapaatit akunnerani 15-mi 2023 ilanngullugu tungaanut pissapput.
Atorfinittoqassaaq 1. maj 2023 piaartumilluunniit kingorna.
Qinnuteqaammut ilinniakkanut uppernarsaatit attuumassuteqartut nuutinneri ilanngullugit kiisalu siusinnerusukkut suliffigisimasanit oqaaseqaatit qinnutigineqassapput ataani ataani iserfigisassakkut nassiunneqassapput.
"Atorfik maanna qinnuteqarfigiuk"
 

Kalaallit Nunaanni Namminersorlutik Oqartussat pillugit nalinginnaasumik paasissutissat.
Kalaallit Nunaanni Namminersorneq ulloq 21. juni 2009-mi atuutilerpoq. Namminersorlutik Oqartussat tassaapput Qitiusumik Allattoqarfik (QA), 650-it missaanik sulisulik naalakkersuisoqarfinnut qulingiluanut aqutsisoqarfinnullu arlalinnut agguataarsimasoq. Katilluta inuit 2500-t sinnerlugit Namminersorlutik Oqartussanut atassuteqarpugut.
Qitiusumik Allattoqarfimmi suliassarput pingaarnerpaaq tassaavoq, Naalakkersuisut (Naalakkersuisoqarfiit) aalajangernissaannut tutsuiginartumik tunngavissinnissaat aalajangikkallu piviusunngortinnissaat. Suliniuteqarfinnut tunngasutigut pingaartigaarlugu salliutitaq tassa, pisortat sullissineranni innuttaasunik qanimut suleqateqarnissap sanarfinerani, innuttatsinnut 56.000-iusunut tamanut annguttussamik siuttuunissarput.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk