Skip to main content
97

Dette jobopslag er udløbet

Kalaallit Nunaanni Namminersorlutik Oqartussat AC-fuldmægtigissarsiorpoq Kalaallit Nunaanni Aalisarsinnaanermut Akuersissutinik Nakkutilliisoqarfimmut

Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA) nakkutilliisoqarfiup suliassarpassuinut pissanganartunut aaqqissuussamik suliaqarsinnaasumik suleqatissarsiorpoq.

Suliassat

  • KANUAANA-mi paasissutissanik katersinermi suliaqarnermilu ineriartortitsinermut, uppernarsaasiornermut malitseqartitsinermullu peqataaneq
  • Angallatit nunatsinneersut avataaneersullu pisassiissutinik atuinerat pillugu malittarisassaanillu malitseqartitsineq
  • Suleriaatsinik suliassanillu nutaanik pilersaarusiorneq ineriartortitsinerlu, umiarsuup allattaavii qarasaasiakkut atulersinneqarnerat unioqqutitsisinnaanerlu aallaavigalugu nakkutilliineq ilanngullugit
  • Aalisarnermik nakkutilliinermi malittarisassatut siunnersuutinik inatsisiliornermillu suliaqarnermut peqataaneq, nunat tamat akornanni pisussaaffiit pillugit ilanngunniarlugit suliaqarneq nunanilu allani aalisarneq pillugu killilersuinerup ineriartorneranik malitseqartitsineq
  • Nunat tamat akornanni ataatsimiinnernut isumaqatiginninniarnernullu peqataaneq


AC-fuldmægtig aqutsisoqatigiinnut ilanngutissaaq kiisalu Aalisarnermut Nakkutilliisoqarnermi Inspektørimut aamma Qarasaasialerinermi Nunallu tamat akornanni suleqatigiinnermi pisortamut sinniisuusarluni.

Piginnaasat
Inummik tulluartumik sivisunersusumik ilinniagaqartumik sulisussarsiorpugut, makkunannga piginnaasalik

  • aaqqissuussamik, misissueqqissaarnermik, pilersaarusiornermillu suliaqarnissamut piginnaasalik
  • qarasaasialerinermi atortunik ilisimasaqarluartoq, pingaartumik regneark, aammali paasissutissanik katersuiviit, SQL aamma GIS pillugit misilittagaqarneq iluaqutaassaaq
  • qallunaatut tuluttullu oqaatsitigut allattariarsornikkullu piginnaasaqarluartoq.
  • pisortaqarfimmi namminersortumiluunniit allaffissornermik misilittagaqarneq iluaqutaassaaq
  • aalisarnermik atortuinillu il.il. ilisimasaqarneq iluaqutaassaaq


Suleqataalluarsinnaaneq piumasaqaataavoq, suliassammi amerlasuutigut suliffiup iluani, avataani nunallu tamat akornanniu sammisaqarfiit akimorlugit aalisarnermik soqutigisaqartut suleqatigalugit ingerlanneqartarmata.

Naatsorsuutigaarput illit:

  • nammineersinnaasutit akisussaaffitillu ilisimaarigitit aamma
  • suliassat tunniusimallutit kinguneqarluartumillu naammassisassagitit
  • politikkikkut aqunneqartumi sulinissaq piareersimaffigissagit
  • persuarsiorfiunngitsumi tutsuiginartumilu sulinissamik kissaateqartutit


Kissaatigaarput aamma illit:

  • inuiaqatigiinnut kalaallinut ilisimasaqassasutit inuiaqatigiinnilu pissutsinut paasisimasaqassasutit
  • kalaallit qallunaatullu oqalussinnaasutit


KANUAANA pillugu
Kalaallit Nunaanni Aalisarsinnaanermut Akuersissutinik Nakkutilliisoqarfiup (KANUAANA´p) Aalisarnermut, Piniarnermut Nunalerinermullu Naalakkersuisoqarfik qanimut suleqatigalugu Kalaallit Nunaanni aalisarnermik alapernaarsuinermik nakkutilliinermillu isumaginnittuuvoq.

KANUAANA allaffissornikkut immikkoortortaqarfiuvoq 15-inik sulisoqartoq qitiusumillu aqutsisoqartoq. Nakkutilliisooqatigiit agguataagaapput aalisarnermik alapernaarsuisut 14-it, aalisarnermik nakkutilliisut 13-it kiisalu piniarnermik nakkutilliisut arfinillit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfik pillugu paasisaqarnerurusukkuit saaffigisinnaavatit Aalisarnermi Nakkutilliisoqarnermut Inspektøri Michael D. Pedersen imaluunniit Qarasaasialerinermut Nunallu tamat akornanni suleqatigiinermut pisortaagallartoq Mads R. Lund oqarasuaat 345000.

  Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk