Skip to main content
122

Dette jobopslag er udløbet

Kalaallit Nunaanni Namminersorlutik Oqartussat AC-fuldmægtigimik pissarsiorpoq Kalaallit Nunaanni Aalisarsinnaanermut Akuersissutinik Nakkutilliisoqarfimmut

Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA) nakkutilliisoqarfiup suliassarpassuinut unamminartunut aaqqissuulluakkamik sulisinnaasumik suleqatissarsiorpoq.

Suliassat

  • KANUAANA-p paasissutissanik katersinerani suliaqarneranilu, ineriartortitsinermut, uppernarsaanermut malitseqartitsinermullu peqataaneq;
  • Angallatinut nunatsinneersunut nunaniillu allaneersunut pisassiissutinik malittarisassanillu malitseqartitsineq;
  • Suleriaatsinik suliassanillu nutaanik pilersaarusiorneq ineriartortitsinerlu, umiarsuup allattaaviinik qarasaasiakkut ingerlatsinermik atulersitsineq unioqqutitsisoqarsinnaanerlu tunngavigalugu nakkutilliineq ilanngullugit;
  • Aalisarnermik nakkutilliinermut inatsisiliornermullu najoqqutassanik allannguinissamut siunnersuutinik suliaqarnermut peqataaneq, matumani nunani allani aalisarnermik killilersuinerup nakkutilliinerullu ineriartornerinik malitseqartitsineq nunat tamat akornanni pisussaaffiit ilanngullugit;
  • Nunani allani ataatsimiinnernut isumaqatiginninniarnernullu ilaatigut peqataasarneq.

AC-fuldmægtig aqutsisoqatigiinnut ilanngutissaaq kiisalu avataani ataatsimiinnerni aalisarnermut akuersissutinik nakkutilliisumut pisortallu tullianut sinniisuusarluni.

Piginnaasat

Inummik naleqquttumik sivisunerusumik ilinniarsimasumik sulisussarsiorpugut, makkunannga piginnaasalik

  • aaqqissuulluakkamik, misissueqqissaarnermik pilersaarusiorsinnaanermillu piginnaasalik.
  • qarasaasialerinermi atortunik ilisimasaqarluartoq, ingammik regneark aammali paasissutissanik katersuiviit GIS-ilu atorlugit.
  • aalisarnermik atortuinillu il.il. ilisimasaqarneq iluaqutaassaaq.
  • danskisut tuluttullu oqaatsinik allattariarsornikkullu piginnaasaqarluartoq.
  • pisortaqarfimmi namminersortumilluunniit allaffissornermik ilisimasaqarneq iluaqutaassaaq.

Suleqataalluarsinnaaneq piumasaqaataavoq, suliassammi amerlanertigut suliffiup iluani, avataani nunallu tamat akornanni aalisarnermi soqutigisallit suleqatigalugit ingerlanneqartarmata.

Naatsorsuutigaarput illit:

  • nammineersinnaasutit akisussaaffitillu ilisimaarigitit
  • suliassat tunniusimallutit kinguneqarluartumillu ingerlattassagitit
  • politikkikkut aqunneqartumi sulinissaq piareersimaffigissagit
  • persuarsiorfiunngitsumi tutsuiginartumili sulinissamik kissaateqartutit

Kissaatigaarput aamma illit:

  • inuiaqatigiinnut kalaallinut ilisimasaqassasutit inuiaqatigiinnilu pissutsinut paasisimasaqassasutit
  • kalaallisut danskisullu oqalussinnaasutit

KANUAANA pillugu
Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA) Kalaallit Nunaanni aalisarneq pillugu alapernaarsuinermik nakkutilliinermillu isumaginnittuuvoq Aalisarnermik, Piniarnermik Nunalerinermillu Naalakkersuisoqarfik qanimut suleqatigalugu.

KANUAANA allaffissornikkut immikkoortortaqarfiuvoq 14-inik sulisoqartoq qitiusumillu aqutsisoqartoq. Nakkutilliisut tassaapput aalisarnermik alapernaarsuisut aqqaneq-marluk, piniarnermik nakkutilliisut aqqaneq-marluk kiisalu aalisarnermik nakkutilliisut arfinillit.


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk