Ulluinnarni aalisarnemut piniarnermullu tunngasut iluini suliassanik tamatigoortunik ulapaarfiusartumi sulissallutit kajumigaajuk? Naalakkersuisoqarfiup suliassaqarfii politikkikkut malinnaaffigineqarluinnartuupput, taamaasillunilu naalakkersuisoqarfik suliffeqarfiuvoq tamatigoortuullunilu unamminartoq, suliassaqarfinnut assigiinngitsorpassuarnik ilisimasaqalernissamik ineriartortitsinissamut pilersitsisoq.

Aalisarnermut Piniarnermullu Naalakkersuisoqarfik Nunatsinni uumassusilitsigut isumalluutinik aqutsinermik suliaqartuuvoq, taamaasillunilu tassunga inuussutissarsiutinut aamma tapersiisarnermik aqutsineq ingerlallugu. Aammattaaq Naalakkersuisoqarfiup uumasunut nakorsaqarnermut oqartussaaneq ilagaa.

Naalakkersuisoqarfiup suliassaa tassa peqataaffigissallugit, nunatta iluani, aammalu nunanik allanik suleqateqarnermut atatillugu aalisarnermut piniarnermullu politikkikkut anguniakkat pingaarnerusutut tunngasut piviusunngortinneqarnissaat.

Naalakkersuisoqarfimmi piffissap ilaani ilaatigut ulapaarfiusinnaasarput, kisianni annermik politikkerinut aalajangiinissamik isummernissamut tunngavissiat suliarisarlugit, aalajangiinissamut tunngavissianik isumaliutigilluakkanik qulakkeerinninnissamut peqataalluni, innuttaasunillu kiffartuussinermut ilanngussilluni. Suliat ilagissavaat naalakkersuisoqarfinnik allanik, aqutsisoqarfinnik kattuffinnillu suleqateqartarnerit, suleqatinillu sulianut tunngasutigut siunersioqatigisaqartarnerit kiisalu nammineq suliarisasaat aalajangersimasut.

Suliassat
Aningaasaqarnermik ilisimasalik aningaasaqarnikkut misissueqqissaarnernut nalunaarusianik siullerpaatut suliarinnittartussaavoq, aammalu aalisarnermut piniarnermullu atassuteqartumik allanngutsaaliuiniarnernut ineriartortitsinernullu peqataasarluni. Tamakku saniatigut aningaasaqarnermik ilisimasalik nammineerluni avataaniillu siunnersortit suleqatigalugit aqutsinermut tunngasut iluini aningaasaqarnikkut misissueqqissaarnernik suliarinnissinnaasassaaq. Aammattaaq aningaasaqarnermik ilisimasaliup inatsisartut aningaasanut inatsisaannik suliassanut tunngatillugu piareersaanernik aammalu malitseqartitsinertigut suliassanik, kiisalu avataanit suleqatinik kiffartuussinissamik isumaqatigiissutit pillugit malitseqartitsinertigut suliassanik aammalu isumaqatigiinniarnermi isummernissamut tunngavissianik suliarinnittarnerit.
Tamakku saniatigut aningaasaqarnikkut apeqqutinut minnerunngitsumillu avataanit attaveqarfigisanut soorlu inuussutissarsiorfinniit kattuffinniit kiisalu nunanit assigiinngitsuniit oqallittarfiit soorlu EU-mit naalakkersuisoqarfiit assigiinngitsut suliassaannut aningaasaqarnermik ilisimasalik ilaassaaq. Isumaqatiginninniarnerit kinguleriiaartut nalaannut atassuteqartumik ingammik aalisarnermut tunngasutigut angalasarnissat naatsorsuutigineqarsinnaapput.
Ulluinnarni suliarisartakkanut atorneqarsinnaasut paasissutissat Oracle relationsdatabase-miit paasissutissanut toqqorsivimmiit TOAD (SQL-programmiliortallu) ikiorsiullugu pissarsiarineqarsinnaapput.

Piginnaasaqarfigisassatit:

• cand.oecon., cand.polit-itut kandidat-itut soraarummeersimasoq imaluunniit aningaasaqarnermut tunngasutigut qaffasinnerusumik allamik ilinniagaqarsimaneq
• aningaasaqarnerup annikitsortaanik aammalu ataatsimoortillugit nalilersortarnerinik ilisimasat pillugit tunngavilimmik ilisimasaqarneq
• programmiliortarnermik misilittakkanillu soqutigisaqarneq
• naatsorsuuserinermut tunngasutigut ilisimasaqarneq imaluunniit aalisarnikkut aningaasaqarnermik ilisimasaqarneq

Tamakku saniatigut makku piginnaaneqarfigaatit

• Nammineerluinnarluni anguniagaqarluartumillu sulisinnaaneq
• ammasuullunilu oqaasertaliornermut piginnaassuseqarluarneq,
• suliassanik ingerlatsinissamut aqqutinik nutaanik aqquteqarnissamut soqutigisaqarneq,
• suleqatigiissuteqarsinnaanermik piginnaasaqarneq,
• ajornartorsiutit ajornakusoortut paasiaarnissaannut pikkorissuseqarneq,
• ingerlatitseqqiillaqqinneq
• allakkatigut oqaatsitsigullu atassuteqarsinnaassuseqarneq

Aningaasaqarnermik ilisimasalik naalakkersuisoqarfiup inatsisilerinermut aningaasaqarnermut, pilersaarusiornermullu immikkoortoqarfiup pisortaanut nalunaartartussaavoq. Immikkoortortaqarfik arfineq marlunnik sulisoqarpoq.

Atorfik pillugu annertunerusumik paasissutissat pillugit saaffigiuk Immikkoortortami pisortaq Emanuel Rosing +299 34 53 32 aamma E-mail: emro@nanoq.gl

Aalisarnermut Piniarnermullu Naalakkersuisoqarfik pillugu annertunerusumik paasissutissat pillugit, naqiguk www.naalakkersuisut.gl

Sapaatit akunnerannut nalunaaquttap akunneri  40-t suliffiusarput.

Atorfiniffissaq: Piaarnerpaamik isumaqatigiissuteqarnikkut.

Qinnuteqarnissamut killigititaq 12. februar 2023
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk