Skip to main content
77

Dette jobopslag er udløbet

Kalaallit Nunaanni Namminersorlutik Oqartussanut naatsorsuuserinermut pisortaq

Naatsorsuuserinermut pisortamik pikkorissumik tunniusimasumillu Nunatta Karsiata naatsorsuutaanik suliaqarnissamut aamma Qitiusumik Naatsorsuuseriffimmik (DcR) aqutsisussamik aqutsisutut misilittagalimmik suleqatissarsiorpugut.  Suliffik pissanganarlunilu akisussaassuseqarfiusoq, immikkoortortamik ineriartortitsinermik sulinermilu ingerlaatsinik ingerlaavartumik ulluinnarni ingerlatsiffiusoq. Suliffimmi aaqqissuussaanikkut Aningaasaqarnermut Sulisoqarnermullu Aqutsisoqarfimmi Aningaasaqarnermut Naalakkersuisoqarfiup ataaniittumi inissisimassaatit.

DcR pingasunik allaffeqarfeqarpoq 40-nillu sulisoqarluni, akiligassaqarfigisanik akiligassalinnik naatsorsuuserinermut, aningaasaqarnermut tunngasunik/immikkut ittumik naatsorsuuseriffimmut kiisalu naatsorsuutinik ineriartortitsinermut allaffimmut agguataarneqarsimalluni. 

DcR-ip pingaarnertut suliassarai:

  • Nunatta Karsiata ukiumoortumik naatsorsuutaanik suliarinninneq
  • Kalaallit Nunaanni Namminersorlutik Oqartussani immikkoortortaqarfinnut malittarisassanik aalajangersaaneq siunnersuinerlu
  • Naatsorsuuserinermi suleriaatsinik sunniuteqarluartunik atuisunullu pisariitsunik ineriartortitsineq pilersitsinerlu
  • Aningaasaliissutitigut missingersuutinik malitseqartitsineq
  • Namminersorlutik Oqartussat taarsigassarsiarititaannik aqutsineq
  • Nunatta Karsiata akiliisinnaassuseqarneranik aqutsineq

Naatsorsuutigaarput, piumasaqaatit kinguliani allassimasut amerlanerit naammassisinnaagitit:

  • Aqutsinermik misilittagaqarneq
  • Cand. merc. aud, cand. merc., HD-R imaluunniit assigisaanik
  • Naatsorsuutinik ajornakusoortunik annertuumik misilittagaqarluarneq
  • IT-mik soqutigisaqarlunilu piginnaasaqarneq
  • Inuppassuarnik assigiinngitsorpassuarnik naatsorsuuserinermut tunngasunut tunngavilinnik suleqateqarnissamut piumassuseqarluarneq
  • Suleqateqarnermik piginnaasaqarneq kikkunnullu tamanut suleqatiginnissinnaallutillu attaveqarsinnaaneq
  • Sunniisinnaassuseqarneq aaqqissuussaanermilu arlalinnik kultureqarfiusumi oqaatsit allattariarsornerlu atorlugit paasissutissiillaqqinneq
  • Pisortat suliffeqarfiinit imaluunniit politikikkullu aaqqissussaanermit aqunneqartunit allanit misilittagaqarneq iluaqutaassaaq.
  • Marluinnik oqaasilik, kalaallisut/danskisut piumaneqarneruvoq

17. december 2019 nal. 12 qinnuteqarnissamut killiliunneqarpoq.
 

Atorfinitsitsinissamut oqaloqateqarnerit ingerlaavartumik pisarput.
 


Akissarsiat atorfeqartitaanermilu atugassarititaasut:
Atorfik maanna akissaateqarfimmi LR 38-miippoq aningaasarsiat aalajangersimasunik aningaasarsianut ilallit ukiumut 700.000 kr.-ullutik. 

Aallaavittut isumaqatigiissutit naapertorlugit atorfinitsitsisoqassaaq, qinnuteqartorlu tjenestemanditut atorfeqareeruni tjenestemandit pillugit isumaqatigiissutit atorlugit atorfinitsinneqarsinnaassalluni.

Naalagaaffimmi tjenestemandit aamma AC-mi isumaqatigiissutit arlallit, ilaatigut DJØF-ip Finansministerieqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput.  Aammattaaq Nunamullu namminermut Ministerieqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq kommuninut nunallu immikkoortortaanut inassutigisimavaa.
 
Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliinnut/ aappaannut aamma atuupput.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat. Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinninniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.


Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Atorfik pillugu paasisaqarnerorusukkuit aqutsisoqarfimmi pisortaagallartoq Thomas Dam, thda@nanoq.gl aamma oqarasuaat +299 546726 attavigissallugu tikilluaqquneqangaarputit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk