Atorfimmut tunngasut

Kalaallit inuiaqatigiit pillugit kisitsisitigut paasissutissanik suliaqartussamik aamma inerisaasussanik suleqatissarsiorpugut.

Kisitsisitigut paasissutissat tamangajammik pisortaqarfinni allaffissornermit nalunaarsuutinit pis­sarsiarineqartarput. Sulilersussap ulluinnarni programmit SAS, SQL aamma EXCEL atorlugit paa­sissutissat (datat) misissoqqissaartassavaat saqqummiullugillu.

Kalaallit Nunaanni Naatsorsueqqissaartarfimmi sulisut tamarmiullutik Naatsorsueqqissaartarfiup nittartagaa www.stat.gl suleqataaffigivaat, nittartakkami tassani Kalaallit Nunaanni qitiusumik kisitsisitigut paasissutissiat saqqummersinneqartarput. Nittartagaq taanna innuttaasunit assigiin­ngitsunillu suliaqartunit, ass. tusagassiortunit, politikerinit, ilinniartunit, allaffissornikkut sullissi­sunit ilisimatusartunillu atorneqartarpoq. 2022-mi nittartakkap kisitsisaataasiviani tabelit 450-it saq­qummersinneqartussaapput, saqqummersitallu taakkununnga tunngasut 100-t saqqummersin­neqassallutik. Nittartakkami immikkut ittumik ilisimatusartunut qupperneqarpoq aamma FN-ip nunarsuarmi piujuaannartitsinissamut anguniagai immikkut qupperneqarput.

Saqqummertussanut pilersaarutini allassimapput ulloq suna saqqummersitassat nittartakkamut ili­neqassanersut. Saqqummertussat taakku sulinermi pingaarnerpaapput, kisianni aamma kisitsisitigut paasissutissanik pisisartunit ilisimatusartuniillu suliaqartitsisoqartarpoq. Naatsorsueqqissaartarfik aamma pilersaaruteqarpoq nutaanik kisitsisitigut paasissutissiornissamut.

Suleqatigiit 16-iinnaalluta amerlanngilagut, sulisut tamarmik suliassat nalinginnaasut suliarisarpaat kisianni aamma ineriartornermik suliaqartarlutik. Naatsorsuutigineqarpoq suliassavit ineriartortin­nissaat nammineerlutit isumagissagitit. Suleqatit akornanni ilaatigut periarfissaqarneq ajorpoq qanoq iliortarnitsinnik nassuiaasoqarnissaanut. Pitsaasumilli isumassarsinermi ajornanngitsuaqqa­mik isumassarsiaq piviusunngortinneqarsinnaasarpoq.

Ataatsimoortumik suleriaaseqarnerput pitsaasumik saqqummersittakkatsinnik suliaqarnerput qulak­keerpaa. Sulilernermi ukiumi siullermi, suleriaatsimik ilinniarfiunera pissutaalluni annertuumik suliaqarnissaq pisariaqarpoq. Kisitsisitigut paasissutissiortut ataatsimik imaluunniit arlalinni sulia­qarfinnik suliaqarput, taakkununngalu piginnaasaat annertullutik. Kisitsisitigut paasissutissat sorliit suliarissaneritit isumaqatigiissutigissavarput soqutigisatit piginnaasatillu tunngavigalugit. 

Allaffiup nuannersuunissaa pingaartipparput pisariaqartitsinerlu tunngavigalugu immitsinnut taper­sersoqatigiittarluta. Taamaattumik suleqatigiit ataqatigiittut akornannut ilanngutissaatit naleqar­tinneqartutullu misigilissallutit.

Sulilersussap piginnaaneri
Paasissutissanik (datanik) suliaqarsinnaasoq aamma kisitsisitigut paasissutissanik suliaqarsinnaasoq ujartorparput, taamatut ilinniarsimanermut imaluunniit sulisimanermut uppernarsaatit pisariaqartip­pavut.

Sulilersussamut uku iluaqutaassapput:

• Ingerlaqqiffiusumik ilinniagaqarsimaneq
• Assingusumik suliffeqarsimaneq
• Naatsorsuutinik imaluunniit nuna tamakkerlugu naatsorsuutinik ilisimasaqarneq ajornan­ngippat misilittagaqarneq
• Kalaallit inuiaqatigiit pillugit ilisimasaqarluarneq aamma kalaallisut ilisimasaqarneq

Naatsorsueqqissaartarfik pillugu
Naatsorsueqqissaartarfik Kalaallit Nunaanni qitiusumik kisitsisitigut paasissutissiortarpoq. Politike­rit aamma allaffissornikkut aalajangiinerni, kiisalu inuiaqatigiit pillugit ilisimatusarnerni sukumii­sumik itisiliilluni misissuinerni, paasissutissat tunngavigineqartussat pitsaalluinnartut Naatsorsueq­qissaartarfimmi suliassat pingaarnersaraat.

Kalaallit Nunaanni Naatsorsueqqissaartarfimmut siulersuisut akisussaanerpaapput.

Paasissutissat allat          
Atorfik pillugu paasisaqarnerorusukkuit, naatsorsueqqissaartarfiup pisortaa Anders Blaabjerg uunga saaffigisinnaavat; oqar. 34 57 81, imaluunniit e-mail: abla@stat.gl

Qinnuteqarneq
Ulloq qinnuteqarfissaq kingulleq tassaavoq 15. februari 2023. Atorfinitsitsinissamut oqaloqatiginnin­nerit qinnuteqarfissap naanerata kinguninngua pissapput.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk