Skip to main content
110

Dette jobopslag er udløbet

Kalaallit Nunaanni Meeqqanut Inuusuttunullu Isumaginninnermi suliassaqarfimmut AC-fuldmægtigimik misissueqqissaarnermik piginnaaneqartumik

Pitsaaliuinermut Isumaginninnermullu Aqutsisoqarfik misissueqqissaartartumik ilusilersuillaqqissumik, isumaginninnermi suliniuterpassuarnik Aqutsisoqarfimmi qitiusumik ilisimasaqarfimmik nukittorsaaqataasinnaasunik ataatsimoortumik takunnissinnaasumik pissarsiorpoq. Paasissutissanik katersinernik soqutigisaqaruit aamma pitsaaliuinermi isumaginninnermilu suliassaqarfimmi suleqataarusukkuit atorfik una ilinnut immikkut ittumik piukkunnarpoq.
 
Atorfik pillugu:
AC-Fuldmægtigitut atorfik assigiinngitsunik suliallit pitsaaliuinermut immikkoortortap PAARISA-p ataaniippoq, tassanilu ilaatigut nuna tamakkerlugu periaasissanik, suliniutinik kiisalu atuuttussanngortitsinermi suliamik tunngavissiinerit suliarineqartarput. Suliassarpassuaqarpoq taamaattumillu Pitsaaliuinermut immikkoortortaqarfik misissueqqissaartartumik misilittagartuumik misissueqqissaarinernik arlalinnik suliaqartussamik pissarsiorpoq. Isumaginninnermut suliassaqarfimmi ineriartortitseqqinnissaq aqqutissiuunniaraannimi iliuuseqarnissaq sioqqullugu tamatumalu kingorna patajaatsumik sunniutinik uuttortaasoqarnissaa piumasaqaataammat.  Taamaattumik ilisimasanik katersisoqartariaqarlunilu tamakkuninnga siammarterisoqartariaqarpoq. Taamaattumik atorfik suliassaqarfimmi siunissami siunnersuutinut ineriartortitseqqinnissamullu sunniuteqartorujussuusinnaasunik tigussaasunik angusaqarnissamut nalinginnaasumik uppernarsaanermut tunngavoq. Atorfik assigiinngitsunik suliallit suleqatigiiffigisinnaavaat aammali nammineerluni soqutiginartunik sulinissamut piffissaliivoq.
 
Suliassatit pingaarnerit tassaapput:

  • Aqutsisoqarfimmi suliniutinik assigiinngitsunik ingerlaavartumik ataatsimoortumik takunnittarnissat qulakkeerlugit
  • Pitsaaliuinermut Isumaginninnermut suliassaqarfimmi siunertaqarluartumik ineriartortitsinissamut nalilersuinermik suliassat
  • Aqutsisoqarfimmut suliassaqarfimmilu suleqataasunut allanut nalinginnaasunik nalunaarusiornerit, nassuiaanerit aamma uppernarsaanerit
  • Aqutsisoqarfimmi sulianik ingerlaavartumik ineriartortitseqqinnerit
  • Ilisimasanik katersinerit aamma tamakkununnga tunngasunik suliassaqarfimmi suleqataasunut attuumassuteqartunut tamanut avitseqatiginninnerit
  • Baseline pillugit misissuinernik uuttortaanernillu assigiinngitsunik aallartitsinerit
  • Aqutsisoqarfimmi nittartakkamik ineriartortitsineq ingerlaavartumillu nutarterinerit

Piginnaasassatit:
Ilinniagaqaqqinnikuuvutit - ajornanngippat ilisimatuussutsikkut inuiaqatigiilerisutut tunuliaqutaqarputit. Amerlasuunik pitsaasunillu misissueqqissaarinermik ilisimasaqarluarputit aamma ajornartorsiutit paasiuminaatsut pillugit pitsaasumik attaveqarsinnaasarputit. Ilusilersuinermik immikkuualuttunillu tappissuuvutit aamma assigiinngitsunik suliallit oqallittarfianni suleqatiginnikkumassuseqarputit kiisalu piffissakkut piffissaanngitsukkullu suliassanik arlalinnik ataatsikkut suliaqarsinnaasarlutit.  
 
Tullinnguuttunik ukuninnga ilisimasaqaruit assorujussuaq iluaqutaassaaq:

  • Baselinenik misissuinerit uuttortaanerillu
  • Sitecore
  • Umbraco
  • SurveyXact
  • Excel regnearkimik atuilluarsinnaasoq  
  • Kalaallit danskillu oqaasiinik piginnaasaqarnerup saniatigut allat oqaasiinik piginnaasaqarneq iluaqutaasinnaavoq



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat amerlanerusut:
Atorfik pillugu annertunerusumik paasisaqarusukkuit, attavigisinnaavat AC Fuldmægtigi Maliina Junge Jørgensen ugguuna majj@nanoq.gl imaluunniit +299 34 60 22.

Qinnuteqaammik tunniussiffissaq: 2019-imi juunip ulluisa 29 nal. 12:00 (nunatsinni nalunaaqutaq malillugu)

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk