Kalaallit Nunaanni Aalisarsinnaanermut Akuersissutink Nakkutilliisoqarfik (KANUAANA) Sisak IV-mut matrosinik sulisussarsiorpoq

Nakkutilliinermi angallammut Sisak IV-mut sulissarpassuarnut unamminartunut piginnaasaqarluartumik sullisserusuttumillu matrosnik sulisussarsiorpugut. Nakkutilliinermi angallat atorfiup inissisimaffigisaani sisamanik immikkoortortaqarpoq sisamanik sulisulik. Nakkutilliinermi angallat Sisak IV-mi sinerissap qanittuani imartami kangerlunnilu nakkutilliinermik pilersaarusiornermi ingerlatsinermilu nunap immikkoortuini immikkoortortaqarfiit qanimut suleqatigineqarput.
Sulisassatit pingaarnerit tassaassapput

• nakkutilliinermi angallammik ingerlatsineq
• motoorilerineq
• igasoq
• angallatinut ikisarluni aalisarnermik piniarnermillu nakkutilliineq
• isumannaallisaanermik atortunik misissuisarneq aserfallatsaaliuinerlu
• napparsimasunik passussisarneq

Illit pillutit
ilimagaarput

• umiarsuarmi assistentitut
• umiarsuarmi assitentitut tunngaviusumik inaarutaasumilluunniit ilinniarsimasutit
• sømandsbogeqartutit
• imarsiortunut peqqissutsimut uppernarsaateqartutit
• pigaartuusartutut uppernarsaateqartutit
• røgdykkeritut pikkorissarsimanermut uppernarsaateqartutit
• tamanik takunnissinnaasutit pisunilu ajornartoorfiusuni sulisinnaasutit
• aalisarnermik paasisimasaqartutit soqutigisaqartunullu iliuuseqarsinnaasutit
• isumannaallisaarnermik pingaartitaqartutit suleqatiginnilluarsinnaasutillu
• kalaallisut, danskisut tuluttullu allattariarsorlutit oqaluttariarsorlutillu attaveqallaqqissuusutit

Motoorimik uppernarsaateqaruit iluaqutaassaaq piumasaqaataanngilarli.
Uppernarsaativit malittarisassat atuuttut naapertorlugit pigiinnarnissaat KANUAANA.p siunissami isumagisasavaa.
Piffissaq suliffik anngallorassaaq, qaammammullu siumut suliarineqartartoq malillugu sulisussatullu pilersaarut malillugu sulisoqartarluni. Ulloq unnuarlu sapaatillu akunnerani ulluni tamani sulisarnissat piareersimaffigissavat.
Aamma sullisserususseqarneq, ikiuukkusunneq ulluinnarnilu nuannaartuuneq pingaartippagut. Aaqqissuussamik sulisinnaassaatit, suliassallu pitsaassusilimmik piffissarlu eqqorlugu naammassisarlugit. Pisariaqartillugu immikkut suliaqarusussinnaanerit aamma pingaartipparput.
Matrositut aalisarnermik nakkutilliinermi sanilerineqarlutit ilinniartinneqarnissat piareersimaffigissavat.
Inunnut ataasiakkaanut isumaqatigiissut naapetorlugu akissarsiaqartitsisoqassaaq.
Aalisarsinnaanermut Akuersissutinik Nakkutilliisoqarfiup soqutiginnittut tamaasa qanoq tunuliaquteqarneq apeqqutaatinnagu atorfimmut qinnuteqarnissaannik kaammattorpai.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk