Find job
Dette jobopslag er udløbet
Kalaallit Nunaanni Aalisarsinnaanermut Akuersissutinik Nakkutilliivik (KANUAANA) Aalisarnermut siunnersortissarsiorpoq
Nuummi qitiusumik allaffeqarfitsinnut nakkutilliisut unamminartunik suliassarpassuinut aalisarnermut siunnersortimik sullisserusulluartumik piginnaasaqarluartumillu pissarsiorpugut. Qitiusumik allaffeqarfik aqqaneq-marlunnik sulisoqarpoq, atorfillu tassunga inissitaavoq. Suliassat pingaarnerit tassaapput allaffimmit misissuinernik ataqatigiissaarinerit, nakkutilliinerit aamma Nakkutilliinernut pisortaq qanimut suleqatigalugu kalaallit aalisarnerannik piniarnerannillu nakkutilliinerit.
Piginnaasat
- Aalisarnerup piniarnerullu iluini attuumassutilimmik ilinniagaqarsimaneq nakkutilliinermi iluaqutaassaaq.
- Aqutsinermik attuumassuteqartumik misilittagaqarneq iluaqutaassaaq.
- Aalisarnermut, piniarnermut aallaaniarnermullu suliassaqarfimmi inatsisinik nalunaarutinillu ilisimasaqarluarnissaq.
- KANUAANA-mi suleriaatsinik nalunaarsueriaatsinillu ilisimasaqarneq iluaqutaassaaq.
- Namminersorsinnaallutit sulisinnaavutit aalajangiisinnaassuseqarlutillu, aamma ulapiffiup nalaani.
- Patajaatsuuvutit ataatsimoortumillu takunnilluarsinnaallutit.
- Suleqatinnik suleqatigisassinnillu suleqatiginnissinnaassuseqarluarputit.
- Inerisimasuuvutit, tamatigoortuullutit aamma tatineqarlutit sulisinnaavutit.
- Kalaallisut danskisullu oqalunnikkut allattariarsornikkullu erseqqissuliullaqqissuuvutit. Pitsaasumik tuluttut piginnaasaqarneq iluaqutaassaaq.
- Pisortat suliffeqarfiutaannit allaffissornermik misilittagaqarputit.
Suliassat
- Nunap immikkoortuini allaffinnut ulluinnarni nakkutilliinernik suliassanik nakkutilliinerit.
- Aalisarnermik nakkutilliisut suliassaannik nakkutilliinerit.
- KANUAANA-mi aqutsisut suleqatigalugit nakkutilliinerit pillugit qaammarsaanernik nakkutilliinerit.
- Allaffissornermi suliassat, tassunga ilanngullugit atortunik aserfallatsaaliuinernut iluarsaassinernullu akisussaanerit.
- Nakkutilliinerit ajutooriataarsinnaanernillu misissueqqissaarinerni suleqatigiinni assigiinngitsuni peqataanerit.
- Qarasaasianik ineriartortitsinernut il.il. tusarniaanernut illua´tungiliuttoq.
- Malitarisassat inatsisillu nutaat pillugit tusarniaanerni illua´tungiliuttoq.
- Najukkani kommunini oqartussanut aamma aalisartut piniartullu kattuffiinut attaveqartarnerit.
Atorfik pillugu
Aalisarnermut siunnersortitut atorfimmi ulluinnaat ulapaarfiusuniit eqqissisimaarfiusunut paarlakaajaattartut misigisassavatit.
Aaliarnermut siunnersortitut atorfik aqutsinissanik pilersaarusiornissanillu pitsaasunik piginnaaneqarnissamik aamma pitsaasumik attaveqartarsinnaanernik piumasaqaatitaqarpoq. Atorfik nakkutilliisut pisortaata ataani inissisimavoq.
Ilinnut tunngasut
Tamatuma saniatigut sullisserusussuseqarpalaarnissat, ikiuukkumatuujunissat ulluinnarnilu qiimasuunissat pingaartipparput. Aaqqissuussillaqqissuussaatit aammalu suliassat pitsaasut piffissarlu eqqorlugu naammassillugit tunniussisinnaasassuutit. Pisariaqaleraangat immikkut ittumik suliniuteqarusuttarnissat pingaartipparput.
KANUAANA-mit soqutiginnittut tamaasa inuttut tunuliaqutitik apeqqutaatinnagit atorfimmut qinnuteqaqqullugit kaammattorneqarput.
Piffissaq atorfiniffiusussaq
Atorfik piaarnerpaamik imaluunniit isumaqatigiissuteqarnikkut inuttalerusunneqarpoq.
Atorfik pillugu paasissutissat amerlanerusut nakkutilliinernut pisortamut, Gerth Kristiansenimut oqarasuaatikkut ugguuna toqqaannartumik 345352 imaluunniit e-mailikkut ugguuna gekk@nanoq.gl saaffiginninnikkut pissarsiarineqarsinnaapput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job