Skip to main content
135

Dette jobopslag er udløbet

Kalaallit Nunaanni Aalisarsinnaanermut Akuersissutinik Nakkutilliisoqarfik sulisussarsiorpugut Aalisarnermik alapernaarsuisunik (Angutinik/Arnanik)

Kalaallit Nunaanni Aalisarsinnaanermut Akuersissutinik Nakkutilliisoqarfiup (KANUAANA´p) Aalisarnermut Piniarnermullu Naalakkersuisoqarfimmi immikkoortortaqarfiusup suliassaraa, aalisarnermik killilersugaaneq pillugu malittarisassanik aalisarnermik angallatit eqquutsitsinersut nakkutigissallugit.

Sulisussavut
Aalisarnermik alapernaarsuisunik (angutinik arnanilluunniit) imarsionermik ilisimasaqartunik sulisussarsiorpugut suliffimmi akaareqatigiiffiusumi sulilluarsinnaasunik kissaateeqartunik, tassani suliamik naammassinninniarnermi suleqatigiinneq sulinnginnermilu akisussaassuseqarneq uukkatarineqarlutik. Ilisaritsineq tamassumalu kingorna akuersissuteqalernissamut pikkorissarnerit aqqusaassavatit.

Uagut suleqatigissalluta inuttut piumasaqaateqarpoq. Taamaattumik pingaaruteqarpoq qinnuteqaammi oqaloqateqarnermilu ammasuussasutit unneqqarillutillu, kiisalu kinaassutsit nittarsaassinnaallugu aamma qanoq anguniagaqarniarnerlutit. Suleqatissat assigiinngitsunik amerlasuunik ilinniagallit pissarsiarerusuppavut, taamaattumik aalisarneq kisiat misilittagaqarfiginissaa pisariaqanngilaq.

Suliassat
Aalisarnermik alapernaarsuisut suliassaraat aalisarnermik angallatit nunatta imartaani nunallu tamat imartaanni aalisarnermik ingerlatsisut malinnaavigissallugit. Suliassap siunertaraa inuussutissarsiutigalugu aalisarneq pillugu inatsisartut inatsisaat nalunaarutaallu atuuttut malillugit aalisarneq ingerlanneqarnersoq.

Alapernaarsuisutut suliassaanerupput, angallatit ataasiakkaat ingerlanneqarnerat, aalisarnerat aamma angallammi tunisassiornerat, tassani nalunaarsuineq nalunaaruteqartarnerlu malittarisassat atuuttut naapertorlugit ingerlanersoq alaatsinaallugu. Saniatigut alapernaarsuisut naatsorsuutigissavaat KANUAANA-mi aalisarnermik nakkutilliisunut piniarnermillu nakkutilliisunut sinerissap qanittuani immami umiarsualivinnilu immikkut nakkutilliineranni ikiuuttarnissartik.

Piffissat suliffiit
Aalisarnermik alapernaarsuisoq umiarsuarmi sap.ak. sisamaniit arfinillit angullugit kisimi sulikkajuttarpoq. Pingaartumik immami ullut 189-it suliffiusassapput, aammali nunami sulisoqartassaaq pikkorissarnernilu peqataasoqartassalluni.

Angallammi sulereernerit kingorna tamaasa, KANUAANA-mut allakkatigut nalunaarusiortoqassaaq najoqqutassat aalajangersimasut malillugit.

Piginnaasat
Aalisarnermik imarsiornermillu misilittagaqarneq ilisimasaqarnerluunniit iluaqutaassaaq, meeqqat atuarfiannit soraarummeersimanissaq aamma piffissami akunnattumi ingerlaqqilluni ilinniarsimanermik tunuliaquttamik ingerlatsisimanissaq kissaatiginarput. Qarasaasialerinermik piginnaasaqarluarnissaq namminerlu aaqqissugaasumik sulisinnaanissaq sulinermilu innarliinngilluinnarnissaq.
Kalaallisut, danskisut tuluttllu oqaatsinik allattariarsornikkut oqaluttariarsornikkullu piginnaasaqarluarneq..
Peqqissuunissaq timikkullu piginnaanissaq iluaqutaassaaq taamaalillutit peqqissutsimut allagartartaarniassagavit silalu qanoq ikkaluarpalluunniit umiarsuarmi sulisinnaallutit.
Atorfeqarnermi pikkorissarnernut ilinniarnernullu allanut peqataasarnissaq naatsorsuutigineqassaaq.

Atorfeqarnermi atugassarititat
Qaammatit arfinillit misilitsittoqartarpoq alapernaarsuisoq misilittagalik suleqatigalugu. Kingorna atorfinitsitaasoqarsinnaassaaq atorfininnermi isumaqatigiissut atuuttoq malillugu.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.   Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk