Skip to main content
66

Dette jobopslag er udløbet

Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA), Sisimiuni immikkoortortami aqutsisussarsiorpoq

Sisimiuni nunap immikkoortuani allaffimmut nakkutilliinermi suliassanut unamminartunut amerlasuunut piukkunnaateqarluartumik sullissilluarsinnaasumillu aqutsisussarsiorpugut. Atorfiup inissisimaffissaa allaffik tallimanik sulisoqarpoq, immikkoortortami aqutsisoq ilanngullugu. Pingaarnertut suliassat tassaapput KANUAANA-mi aqutsisut qanimut suleqatigalugit kalaallit aalisarnerannik piniarnerannillu misissuineq, alapernaarsuineq nakkutilliinerlu.

Piginnaasassat

  • Aalisarneq piniarnerlu pillugit nakkutilliinermi attuumassuteqartumik ilinniagaqarneq misilittagaqarnerlu.
  • Attuumassuteqartumik aqutsinermik misilittagaqarneq iluaqutaassaaq.
  • Aalisarneq, piniarneq aallaaniarnerlu pillugit inatsisinik nalunaarutinillu ilisimasaqarluarneq.
  • KANUAANA-mi ingerlatseriaatsinik nalunaaruteqarnermilu aaqqissuussamik ilisimasaqarneq iluaqutaassaaq.
  • Namminersorlutit sulisinnaassaatit aalajangiisinnaassuseqarlutillu, pisut sukkasuumik ingerlangaluarpataluunniit.
  • Aalajaatsuuvutit tamakkiisumillu isiginnissinnaallutit.
  • Suleqatinut avataanilu suleqatigisartakkanut suleqatikkuminartuuvutit.
  • Inerisimasuuvutit, sungiussiasuuvutit tamaviaarlutillu sulisinnaavutit.
  • Kalaallisut qallunaatullu oqalussinnaallutillu allassinnaavutit. Tuluttut piginnaasaqarneq iluaqutaassaaq.


Suliassat

  • Immikkoortuani allaffimmik aqutsineq, tassani ilanngullugit nakkutilliinermi suliassat nalinginnaasut pilersaarusiorneri.
  • KANUAANA-mi aqutsisut suleqatigalugit nakkutilliinermik pilersaarusiorneq.
  • Allaffissornikkut suliassat, tassani ilanngullugit atortuutit atortullu aserfallatsaalineri iluarsaannerilu akisussaaffigalugit.
  • Suleqatit nalingalugit nalinginnaasumik pigaartuuneq.
  • APNN-ip KANUAANA-llu iluanni suleqatigiissitani assigiinngitsuni nakkutilliineq unioqqutitsisoqaratarsinnaanermillu misissuisarnerit pillugit peqataaneq.
  • Qarasaasiatigut paasissutissiinermik ineriartortitsinermi il.il. tusarniaanermi peqataaneq.
  • Inatsisit malittarisassallu nutaat tusarniaassutignerini peqataaneq.
  • Illoqarfigisami kommunimi oqartussanut aamma aalisartut piniartullu kattuffiinut attaveqaataaneq.
  • Aalisartunut, piniartunut kommunimilu siunnersortinut KANUAANA-mi aqutsisut peqatigalugit paasissutissiinerit aaqqissuullugit.


Sulinermi piffissaq allanngorarsinnaavoq, pigaartut pilersaarusiorlugit sulisoqartarpoq pilersaarutillu qaammammut pisussamut suliarineqartarlutik. Ullup unnuallu ingerlanerani sapaatillu akunneranni ullut tamaasa sukkulluunniit sulisarnissaq piareersimaffigissavat.

Ilinnut tunngasut
Ilanngullugu pingaartipparput, sullissilluarsinnaasutit, ikiuerusussuseqartutit nalinginnaasumillu qimasuusutit. Aqqissuulluakkamik sulisinnaassaatit suliassallu piffissaagallartillugu naammassisinnaassavatit tunniullugillu. Aamma pingaarteqaarput, pisariaqarfiatigut immikkut suliaqartarnissamut piumassuseqassasutit.
Kalaallit Nunaanni Aalisarsinnaanermut Akuersissutinik Nakkutilliisoqarfiup kikkulluunniit soqutiginnittut inuttut tunuliaquttat apeqqutaatinnagit atorfimmut qinnuteqaqqullugit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Atorfimmut annertunerusumik paasisaqarusukkuit saaffigisinnaavat Aalisarnermik nakkutilliinermi inspektøri, Michael D. Pedersen, oqarasuaat 345000.

Qinnuteqarnissamut killigititaq:
Qinnuteqaatit KANUAANA-p tigoriissavai kingusinnerpaamik ataasinngorneq 29. marts 2021.

Atorfinitsitaaneq
Atorfik piaarnerpaamik isumaqatigiissuteqarnikkulluunniit inuttalerneqarnissaa kissaatigineqarpoq.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk