Kalaallit Nunaani Namminersorlutik Oqartussat, Aalisarnermut Piniarnermullu Naalakkersuisoqarfik TNI/AU-mik ilinniartumik ilinniartussarsiorpoq

Pitsaasumik sullisserusuttuuit ulapporillutillu, taamaappat imaassinnaavoq illit ilinniartussarsiornitsinni junip aallartinneranit 2023-mi ilinniartorileritsigit, kingusinnerulaartukkulluunniit.
Pingaartipparput naalakkersuisoqarfimmi suliassat assigiiaanngitsut pissanganartut ineriartorfigilluarsinnaasatit ilinniassagitit. Ilinniarninni ilisimasaqalissaatit misilittagaqalerlutillu, taakku sumiluunniit siunissami sulileruit tunngavigalugit atorluarsinnaassavatit. 
Suliffeqarfipput tamatigoortuugami ilinniarninni inuttullu ineriartornissannut periarfissaqarluassaatit. Anguniassavarput ilinniartuunerpit nalaani sumiluunniit pitsaasumik patajaatsumillu siunissami sulilernissannut toqqammavissinnissat.
TNI/AU-mi ilinniartutut pisortat suliassaataannik allaffissornikkullu periusaannik ilinniagaqassaatit, kiisalu uumassusillit isumalluutigut pillugit ingerlatsinermik ilisimasaqalissaallutit, naalakkersuisoqarfimmi immikkoortortaqarfiit nikerartumik paarlakaallugit ilinniarfigissallugit.
Aalisarnermut Piniarnermullu Naalakkersuisoqarfik politikkikkut aqutsisoqarfiuvoq, makkunanngalu immikkoortoqarfeqarluni.

• Naalakkersuisumut sullissivik, kiffartuussivik
• Aalisarnermut immikkoortoqarfik, nunatsinni nunanilu tamalaani aalisarneq pillugu allaffissornikkut ingerlatsivik
• Piniarnermut Aallaaniarnermullu immikkoortoqarfik, nunatsinni nunanilu tamalaani  immami nunamilu piniagassat, timmissallu pillugit allaffissornikkut ingerlatsivik
• Kalaallit Nunaanni uumasunut nakorsaqarfik, inuussutissalerinermullu oqartussaaffik, Danmarkimi oqartussat sinnerlugit allaffissornikkut ingerlatsivik
• Inatsisilerinermut aningaasatigullu pilersaarusiornermut immikkoortoqarfik
• Sulisunut, allaffissornermut, aningaasatigut kiisalu tapiisarnermut immikkoortoqarfik
• Kalaallit Nunaanni Aalisarsinnaanermut Akuersissutinik Nakkutilliisoqarfik

 
Ilinniartutut makkua naatsorsuutigaavut:

• Aalajaatsoq, piffissaq eqqorlugu suliartorsinnaasoq
• Akuersaartoq sullisserusuttorlu
• Tamaviaarussuseqartoq
• Oqaatsinik marlunnik atuisinnaassasutit, kalaallit qallunaatullu, kisianni piumasaqaataanngilaq

Makkulu neqeroorutigisinnaavavut

• Aalisarnermut Piniarnermullu Naalakkersuisoqarfimmi ulapaarfiusumi ilinniartuuneq

• Inuttut ilinniakkatigullu ineriartornissamut periarfissat
• Sulianut pissanganartunut tamaviaarussisinnaaneq, kiisalu sulisunut sulerusussuseqartunut nutaaliornissamillu siunertaqarluni suleqataanissamut periarfissat

Atorfimmut pineqartumut paasisaqarusukkuit immikkoortoqarfimmi pisortaq Pollas Lyberth saaffigineqarsinnaavoq, tlf. 345302, mobil 549101 imaluunniit mailikkut: poly@nanoq.gl
Kingusinnerpaamik qinnuteqartoqarsinnaasoq apriilip 30-ani 2023.

 
Aningaasarsiat atorfeqarnermilu atugassarititaasut
Akissarsiat isumaqatigiissutit atuuttut naapertorlugit aalajangersarneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq.

Qinnuteqaatit, CV, ilinniarsimasanut pikkorissarfigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
Qinnuteqaatit e-mailikkut nassiussat tiguneq ajorpagut.
 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk