Skip to main content
153

Dette jobopslag er udløbet

Kalaallit Nunaani Namminersorlutik Oqartussat, Aalisarnermut Piniarnermullu Naalakkersuisoqarfik, Uumasunut Nakorsaqarfik Inuussutissalerinermullu Oqartussaqarfik Immikkoortoqarfimmi pisortassarsiorpoq

Sulisorisanik aqutsillaqqippit? Aaqqissuussaanermi politikkikkut aqunneqartumi siammasissumillu sulianut tunngassutillinnik, ilaatigut piginnaassusillimmik tunngavilersukkamillu tuaviortunik aalajangigassartalinnik, suliaqarusuppit? Taava suliffissamik pissanganartumik neqeroorsinnaavugut.

Atorfik pillugu
Kalaallit Nunaanni Uumasunut Nakorsaqarfik Inuussutissalerinermullu Oqartussaaffik (UNIO) uumasunut inuussutissalerinernullu sammisalinnik sulianut  akisussaaffiuvoq, illillu taakku siulersortussaavatit, tassungalu atatillugu ulluinnarni aqutsineq, ingerlatsineq, nutaanik isumaliorneq siunissamilu ineriartortisinissaq ilanngullugit.
Immikkoortortami pisortaq Aalisarnermut Piniarnermullu Naalakkersuisoqarfimmi pisortamut attaveqartarpoq naalakkersuisoqarfimmilu aqutsisoqatigiinnut ilaalluni.  Nerisassanut siunnersuisoqatigiinnut, Tunillaassortunik nappaalanersuaqarneranut ataatsimiititaliamut il.il. UNIO-mut pisortatut aalajangersimasumik ilaasortaassaatit.
UNIO-mi maannakkorpiaqataatsimik Uumasut Nakorsaaneqarpoq, uumasut nakorsaat sisamat kiisalu nakkutilliisartunillu inuussutissalerinermut sulianik misilittagaqartumik marlunnik sulisoqarpoq.
Kalaallit Nunaanni sumiiffinni assigiinngitsuni marlunni agguarneqarluta inissisimavugut. Uumasut Nakorsaattut atorfik ataaseq Qaqortumi inissisimavoq nunalerinermullu nersutit, toqqoraavinni nakkutilliinerit Oqartussaaffimmilu suliassat allat pingaarnertut suliassaralugit. Suleqatigiit sinneri naalakkersuisoq innuttaasullu sullitarivaat, aamma qimmit qimuttut, killeqarfinni nakkutiginninnerit, inuussutissaleriffinni nakkutilliinerit Oqartussaaffimmilu suliassat suliarinerusarpaat, taakkulu Nuummi inissisimallutik.
Sulliffigisassat Nuummiissaaq, tassanngaanniillu oqartussaaffimmit suliassanik tamakkiisumik isigalugit aqutsillutillu tulleriiaarissaatit, suleqatigiinnit ingerlanneqartussanik. UNIO suliffeqarfiuvoq akisussaaffeqarfimmut tunngasumik ingerlatsivik ataavartumillu nutaanik suliassaqarfiujuarluni.  
Atorfimmi ilaatigut makku akisussaaffittut suliassaapput:

  • Kalaallit Nunaanni inuussutissalerinernut uumasunullu tunngasunik suliassaqarfinni tamakkiisumik isigaluni akisussaasuuneq.
  • UNIO-mik aqutsineq, ineriartortitsineq anguniagaqarnerlu.
  • Naalakkersuisumut, naalakkersuisunut, Inatsisartunut naalakkersuisoqarfimmilu pisortaanermut siunnersuineq.
  • Danmark-imiit uumasut nakorsaqarnermut inuussutissalerinermullu tunngasut tiguneqarnissaannut pilersaarusiorneq atulersitsinerlu.
  • Inatsisinik aamma nalunaarutinik nutaanik pioreersunillu nutarterinernik suliarinninneq.
  • Suliffeqarfinnik inuussutissalerinermik suliaqartunut tunngatillugu nakkutilliinissamik, akuersissuteqarnissamik aamma nakkutiginninnissamik pilersaarusiorneq, tassunga atatillugu toqoraavinni nakkutilliineq.
  • Uumasut nappaataat inuit uumasullu akornanni tunillaassuussinnaasut nakkutigineri uumasunillu illersuineq ass. qimmit qimuttuni nersutaatillu tunisassiarineqartartuni.
  • Danmark-imi Fødevarestyrelsen-imik isumaqatigiissuteqarneq, taakkununnga ilaallutik EU Border Control Post-imi uumasut nakorsaasa suliniutaat.
     

Illit pillutit:
Uumasut Nakorsaattut (Cand.med.vet.-itut) assingusumilluunniit tunngaviusumik ilinniarsimasuuvutit.
 
Naatsorsuutigaarput:

  • Aqutsisutut misilittagaqartuusutit aaqqissuussaanermi politikkikkut aqunneqartumi, ullut nikerarfiusuni, iluarisimaarsinnaasuullutillu.
  • Nunarsuarmi pissutsinik misilittagaqassaatit EU-llu inatsisaanik paasinnissimassallutit, nunarsuatsinnilu nunat assigiinngitsut uumasut nakorsaqarnermut inuussutissalerinermullu malittarisassaanik paasinnissuseqartuusallutit.
  • Tamakkiisumik isiginnissinnaanermut ulapaarfiusunilu aalajangiisinnaassuseqarnermik piginnaasaqartuusutit.
  • Suleqatitit sulerusussusermik kajumissisitsinermillu tunisinnaagitit immikkoortortaqarfimmilu suliassanut tunngatillugit piginnaalersitsisinnaasutit.
  • Kalaallit Nunaanni innuttaasut peqqissuunissaannik uumasullu peqqissuunissaannut pingaaruteqarsinnaasutigut anguniakkanut pingaartillugu sammisaqarsinnaanissat.
  • Inuttut, suleqatippit aamma avataanit suliffiullu iluani, suleqatigisat akornanni nersualaarinnittumik inussiarnersumillu pissuseqartuusutit.
  • Arlalinnik oqaaseqartoq piukkunnarpoq, ingerlatsivimmi kalaallisut, danskisut ilaatigullu tuluttut oqaaserineqarput.
     

UNIO immikkoortortaqarfiuvoq mikisunnguaq, taamaammat pisariaqalersinnaasarpoq pisortaq piffissat ilaanni immikkoortortami ulluinnarni suliassani peqataasarnissaa, soorlu angalasarnissat naatsorsuutigineqarsinnaasut.
Isumagissaartuusutit imikkoortortamilu suleqatigiit akornanni iluarisamik pitsaasumillu oqaloqartigiillutik suliassanik kivitseqatigiittartuni peqataanissat iluarisimaarsinnaagit neriuutigaarput.
Qinnuteqartunut Kalaallit Nunaata avataaneersunut kulturimi allaasumi inuunissami piginnaasat, piumassuseq kajumissuserlu isiginiarneqassapput.

Aningaasarsiaqartitaanermi atorfeqartitaanermilu atugassarititaasut
Akissarsiat atorfinitsitaanermullu tunngasut, taakkununnga ilaallutik atorfinikkiartorluni soraarnermilu angalanissanut pequtinillu nuussinermut tunngasut atorfininnerup nalaani Namminersornerullutik Oqartussat kattuffiullu attuumassuteqarfigisap isumaqatiginninniarsinnaatitaasup akornanni isumaqatigiissutit malillugit aalajangerneqassapput.
Qinnuteqartunut tjenestemanditut atorfeqareersunut tjenestemanditut atorfinitsitsisoqarsinnaassaaq. Kalaallit Nunaanni Namminersornerullutik Oqartussani kommuninilu tjenestemandit pillugit Inatsisartut inatsisaat nr. 21, 18. december 2003-meersooq naapertorlugu tjenestemanditut atorfinitsitsisoqassaaq.
Piffissaq suliffiusussaq sapaatit akunneranut nalunaaquttap akunnerinik 40-nik sivisussuseqarpoq.

Sulisunut inissiaq
Atorfinittussamut maleruagassat sukkulluunniit atuuttut naapertorlugit sulisunut inissiamik pequsersugaanngitsumik inissaqartitsisoqarsinnaavoq. Ineqarnermut akiliut qularnaveeqqusiissullu inissiamut innersuunneqartumut maleruagassat sukkulluunniit atuuttut malillugit akilerneqartassapput. Ineqarnermut akiliut inissiallu pitsaassusaa inissiap pisoqaassusaa, piginnittoqarnera il.il. apeqqutaallutik allanngorarsinnaapput. Sulisunut inissiaq atorfeqarnermut atasuuvoq, atorfeqarnerullu atorunnaarnerani qimanneqartussaalluni.
Sulisunut inissiamut najugariviligassamut innersuunneqarnissamut utaqqisoqarsinnaavoq, taamaattumillu inissiigallartoqarsinnaavoq najugaqaqatigiiffinnut minnerusunut akunnittarfinnullu inissianut.

Paasissutissat sukumiinerusut
Atorfik pillugu sukumiinerusumik paasisaqarusukkuit, tikilluaqquneqarputit attavigissallugu Uumasut nakorsaaneq Egill Steingrimsson oqarasuaat +299 345323 / +299 530686 imaluunniit allagaqarlutit uunga: uumasut@nanoq.gl.

Kalaallit Nunaat Namminersorlutillu Oqartussat annerusumik paasisassarsiorfiginiarukkit uani takukkit www.sullissivik.gl aamma www.naalakkersuisut.gl
Kalaallit Nunaanni kalaallit oqaasii pingaarnersaapput. Kissaatigineqarpat piffissap suliffiusussatut aalajangigaareersup iluani kalaallisut ilinniartitsinissaq neqeroorutigineqarsinnaavoq.

Qinnuteqaat
Qinnuteqaat Naalakkersuisoqarfiup tigoreersimassavaa kingusinnerpaamik 27. januar 2022. Atorfinitsitsinissamut oqaloqatiginninnissat ataavartumik ingerlanneqassapput attaveqaatit atorneqarsinnaallutik taamatullu atorfinitsitsineq ataavartumik pisinnaalluni.

Ulloq atorfiniffissaq tassaavoq 1. februar 2022 isumaqatigiissuteqarnikkulluunniit piaartumik.
Qinnuteqaammut ilinniakkanut uppernarsaatit attuumassuteqartut nuutinneri ilanngullugit kiisalu siusinnerusukkut suliffigisimasanit oqaaseqaatit qinnutigineqassapput  ataani iserfigisassakkut nassiunneqassapput.
"Atorfik maanna qinnuteqarfigiuk"

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk