Skip to main content
91

Dette jobopslag er udløbet

Kalaallisuuliornermik Ilinniarfik specialemi ilinniartitsisussamik pissarsiorpoq

Uani atorfimmi piumasaqaataavoq Kalaallisuuliornermik Ilinniarfimmi ukiuni marluusuni tunngaviusumik ilinniagaq aammalu ingerlaqqiffittut ilinniagaq speciale naammassisisimanissaat.
Ilinniarfimmi specialemi ilinniartitsisutut atorfik assigiinngitsorpassuartigut unammillernartuuvoq. Ilinniartitsisup pisussaaffigaa Kalaallisuuliornermik ilinniarfiup siunertatut aalajangersagaa najoqqutaralugu sulinissaq.
Ilinniarfimmut uummaarissumut ulluinnarnullu pissanganartunut ingerlataqarfiusunut isissaatit.
Specialemi ilinniartut arfineq pingasut missaaniittarput, taakkulu illoqarfinnit nunaqarfinnillu assigiinngitsunit aggersuupput, nunaqavissunik ilaqarlutik.

Ilinniartitsisup ilinniartitsissutissai

  • Tunumiusut mersoriaatsit ilusilersuinerillu
  • Qaanaarmiutut mersoriaatsit ilusilersuinerillu
  • Qilakitsormiutut mersoriaatsit ilusilersuinerillu
  • Kamiit naatsut sioqqerfillit
  • Kamiit takisuut sioqqerfillit (seeqquallit)
  • Kamiit ataasiallit
  • Amernik mersuussineq
  • Mersorfissorneq
  • Ammerineq, puisit amii, teriannissat amii, ukallit amii, nannut amii tuttullu amiinik suliaqarneq.
  • Annertusisamik ilisserusiorneq


Ilinnit naatsorsuutigaagut

  • Kalaallisuuliornermik Ilinniarfimmi ilinniagaqarsimasuunissat
  • Qarasaasiamut atuisinnaanissat
  • Kalaallisut oqaaseqartuunissat
  • Akisussaaffimmik tigusisinnaanissat
  • Piffissamut ataqqinnittuunissat
  • Sullissilluarusuttuunissat
  • Sammisanut arlaqartunut ingerlatsinermi tamakkiisumik isiginnissinnaanissat
  • Suleqatiginnissinnaassuseqarnissat
  • Namminersorluarsinnaanissat
  • Ilinniartut suliaannik nalilersuisinnaanissat


Ilinniarfik pillugu
Kalaallisuuliornermik Ilinniarfik Ilinniartitaanermut, Kultureqarnermut, Ilageeqarnermullu Naalakkersuisoqarfiup ataani immikkoortortaqarfiuvoq Sisimiuni inissisimasoq. Tallimanik sulisoqarpoq, pisortaq, allaffimmioq, ilinniartitsisut marluk saniatigullu ikiorti. Nunatsinnilu kisiartaalluni kalaallisuut pillugit ilinniarfiulluni.

Atorfik pineqartoq pillugu sukumiinerusumik paasisaqarusukkuit Kalaallisuuliornermik Ilinniarfiup pisortaa attavigineqarsinnaavoq.
Kirstine Berthelsen Mail: kirstine@kalilin.gl imaluunniit kalilin@kalilin.gl Tlf: 86 69 09

Atorfiniffissamut ulluliussaq:
1. Januar 2021 atorfinittoqassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk